2007年4月28日 - 再戰南生圍上集

今日爸媽都要返工, 老豆又自己渣咗架車走, 仲以為無得去玩添.  點知好好人的姨姨們話等老媽子放工黎車我地去喎.  咁結果vera姨姨就由將軍澳先去接bu-b, 跟住就係double, 最後到我地, 然後直踩南生圍, 行car pool 一車走天涯, 幾環保!  老豆就放咗工自己黎join我地.

一到步, 離遠就見倒有一男一女帶住兩隻雪橇, 一黑一淺啡享草地, 但當我地落晒車去到草地時, 果兩個主人又唔見咗喇喎, 只淨番兩隻雪橇.

好快, 淺色果隻就走咗好遠去搵番主人, 淨番黑色呢隻圍住我地, 一路都唔肯走.  佢我地當中聞聞聞, 又好多口水, 搞到Bingo成個頭同耳仔都一pat pat!  我地開似火火地, 因為姨姨地叫極佢都唔肯走, 我同double開似啄佢, Bingo亦開似唔耐煩.  如果Bingo發惡一定唔野少,  但係佢又屎, 比人一撞就散啦.  所以大家都好努力咁想趕佢番主人度, 無耐佢主人去到無影無踪! 咁bu-b爸唯有捉住佢條頸圈企享度等啦!  媽媽都大叫咗幾次雪橇主人都無人應!!! 

過咗大約十幾分鐘, 果一男一女終於帶住隻淺色的番黎喇, 個男人手渣住一支好長好長既樹滕.  大家等咗佢咁耐, 趕佢隻狗又唔走, 所以離遠就叫佢可唔可以推番隻狗呢, 佢放咗唔理佢, 莫講話痾咗屎, 萬一有意外都唔知啦!  點知個男人好嬲, 突然用條樹滕

好大力咁鞭落隻雪橇度, 雪橇痛到成隻彈起, 仲慘叫咗一聲!  大家都嚇到呆晒!  我媽媽養咗狗咁多年, 都未見過人地咁打狗法!  個男人好明顯係比大家話完唔忿氣, 發洩落隻狗度!  大家見世色唔對, 梗係立即綁番我地啦, 容乜易個癲佬下一個鞭我地架!  Vera姨姨好嬲, 想同佢理論, 但隻狗又唔係我地既, 都無辦法, 唯有對住我地講話d人點可以咁架! 放狗走咗去唔理佢仲要咁打佢, 個男人跟住話, 你地叫佢唔走, 咪打佢囉!  Vera姨姨答佢, 我地唔會打狗既!  咁打法都得既?!

個女人一直無出聲, 然後佢地就帶埋兩隻雪橇一齊入咗草叢後面, 好耐都無出黎.  佢一直享附近, 大家都唔敢鬆懈.  誰不知再過多半個鐘倒, 果對男女又帶番淺色果隻雪橇出黎喇播.  隻黑色果隻就無跟住...咁奇?  果對男女就一路走, 叫都無叫過隻雪橇. 

又過咗半個鐘, 有一另個男人怒氣沖沖咁跟住頭先果對男女番黎, 仲叫話邊d人撩交打!  好明顯係黎挴氣! 咁情況, 我地當然又被上繩啦!  但新黎果個男人行過咗就無埋黎, 兩個男人一直入咗草叢, 原先果個一直手持樹滕, 而個女人呢, 就綁住淺色果隻雪橇享樹下等.  原來個男人唔止係叫黎幫手找悔氣, 仲係黎幫手搵狗!

我地玩咗一陣, 又見先前果一男一女自己走咗去喇喎, 淨番新黎果個男人同淺色隻狗. 

過咗無耐, 佢真係好嬲咁行過黎, 問: 頭先你地係咪同隻黑色既雪橇玩過? 

我地話: 無玩, 係佢自己走埋黎, 又唔肯走, 又無主人理.  跟住佢個男主人好耐好耐之後就埋黎用條樹滕好大力咁鞭咗佢一下, 佢都痛到成隻彈起!  然後佢地一齊入草叢既! 果個男人既態度於是好似軟化咗, 答話: 隻狗其實係我的, 不過教狗係要咁打架!  (呵呵呵, 原來個頭先果個男人係打人地隻狗!)

媽媽於是話, 我係隻狗, 都會走啦, 比人咁打法! (心諗, 係我都唔番黎啦!  事後媽媽同Double媽研究過, 如果呢一鞭係我地d狗, 一定已經瓜咗, Bingo大力d推佢都都會跌!  Double媽話如果係Single, 直情會斷開兩截呀!)

個男人好無奈, 話自己平日好忙, 好少帶隻狗出黎玩, 但佢朋友就會幫佢帶.  不過佢都話狗主人只有一個, 所以佢朋友叫佢佢都唔出黎.  (咁都叫朋友?)  個男人無符, 知唔關我地事, 一定係佢個所謂朋友叫佢黎搵我地算帳啦!  佢唯有好聲氣地講話可唔可以留底佢個電話, 如果見倒佢隻狗就call佢得唔得! 爸爸都save咗佢個電話. 於是佢就行咗去嘞.

其實大家個心都唔安樂, 雖然唔關我地事, 但畢竟隻狗比人打又好似同我地有關咁.  媽媽話如果唔係帶住我地, 都會幫手入草叢搵既!  個心好想幫佢搵番隻狗!

咦, 趁仲有陽光, 不如影番張合照先啦! (隻狗頭先就係跟住果一男一女咗入咗手邊個草叢喇, 草叢後面應該係條河)!

Bobo: 你地好影快d喇, 我唔係幾好老脾咋!

正當個個都掛住引我地影相, 我突然好唔合作!  係咁吠.   睇下我個咀!

大家都知我通常係見倒狗就會離遠吠佢. 但個個都見唔倒附近有狗喎, 媽媽仲鬧我...都係爸爸醒, 明白我心意, 立即再另轉頭, 向草叢一望, 咦, 郁郁下既, 原來隻雪橇終於自己走番出黎喇!

爸爸第一時間捉住佢, 並大叫, 叫佢主人過黎啦!  佢個主人好開心, 老遠跑過黎, 不過佢先前話, 教狗係要打的, 我地都驚佢受罪呀, 但享我地面前...佢主人都收一收火, 隻狗又好開心咁撲佢, 不過隻狗成個身都濕晒!  應該係走咗落河!  好在貝貝已經比人捉咗唧!  佢仲 fing到我爸爸成條褲都係水點!

好囉, 搵番就皆大歡喜囉! 媽媽係咁讚我叻叻!  嗱, 唔好成日話我偷走去玩水喇, 人地都有貢獻架! 

叔叔, 你快d帶佢番屋企同佢沖涼, 希望你唔好打佢, 仲要呵番佢啦, 媽媽話頭先果邊肯定有滕條lung呀!

嗱, 咁大家宜家可以安心影張合照啦!  我都唔吠嘞!

仲有媽媽們的合照呀!

Double係印度西施! 

我就係小紅帽姑娘!

我地係帽子三人組!

咦, 果兩個傻婆做咩呢?  原來玩自拍...

待續...