噚晚唔知係咪比薯妹的離去的消息影響, 心情都不大好. 碰岩Spicy噚日全日都無大便, 個心就更囉囉聯. 不過宜家諗番轉頭, 狗狗一天無大便其實沒什麼大不了.
撞岩噚晚厠所又返風, Spicy一早就咪埋享狗竇喇. 大大唔敢去, 但小小都有去喎. 上床前我先埋去睇睇佢, 好唔開心咁, 唔通佢都知薯妹走咗? 跟住合埋眼, 好快就瞓著喇. 不過立即發咗個惡夢, 見倒Spicy本來伏享地, 但突然伏低頭, 死了! 我好驚好驚, 立即扎醒咗, 並同身邊瞓著咗既老公講: 我發夢Spicy死咗!! 老公安慰我, 無事, 你發夢姐. 但我話真係好驚喎! 驚咗好耐, 都瞓唔番. 老公於時問, 咁洗唔洗抱佢上床瞓, 你會安心d? 我心諗, 都好喎. 不過好地地又唔想搞佢, 而且我隻腳宜家瞓覺轉身都會痛醒, 若果比Spicy整倒就麻煩. 咁唯有好唔安心咁瞓啦.
到今朝早, Spicy依然唔肯去大大, 我地無符, 都要返工. 返到公司, 我打咗好幾個電話比老公, 問佢今日做咩唔開webcam, 我真係好擔心Spicy, 下午我要去做物理治療, 臨行前叮囑老公要早d收工返屋企睇佢. 自己一路諗, 今晚再無屎屎, 就捧佢去大圍睇醫生 (因為到時梳亞道已經關咗), 本來諗住睇埋聽朝, 不過諗諗下都係想早d去. 以前聽過有朋友笑d人小小事就帶狗狗睇獸醫, 正一痾屎唔出都要睇醫生! 喂, 痾屎唔出喎, 梗係要睇醫生啦!
做完物理治療時老公已經返咗屋企, 佢話如果Spicy一開大就打比我啦, 誰不知幾分鐘後佢就打黎, Spicy痾咗喇, 仲好長喎. 
返到屋企, 都仲係好驚, 我唔可以想像如果佢突然離開我會點. 心諗, 換轉係Bingo呢? 可能我會易d接受, 因為始終年紀大, 並且患病多時, 絕對唔會唔傷心, 但可能無咁驚.
成晚抱住Spicy, 今日唔知聽日事, 唯有好好珍惜目前.
我知道薯妹走咗的消息, 心情都好沉重, 不期然又想起老鬼, 同老鬼生活咗只係4年, 有時都覺得自己陪佢時間唔多, 因為我養3隻 , 少不免都分薄晒... 老鬼死咗對我黎講都有好大感慨, 生命無常, 唔好咁勤力做野, 應該要早d返屋企陪佢哋多d, 對老公再好d, 珍惜目前, 影多d相, 留著最開心, 最難忘的每個片段
回覆刪除Yes ar! I've also have a dream last night, I met Ling Ling at the dream again, she is running so happily.
回覆刪除spicy ma, 可能你睇完薯妹d相, 擔心spicy啫, 冇野既... 科學上: 係咪之前一晚的食物佢腸胃唔識應, 你可以做過統計, 下次再食相同野會否出問題吧! 心理因素: 又返風, spicy心理勁驚, 受情緒影響絕對有可能.. 神婆幫你睇過: 夢係解: 有食神.. 唔信你自己check.. http://www.masterso.com/cgi-bin/masterso/front.cgi?cont1=dream&cont2=content
回覆刪除我有時都同朋友講生命既長短唔到我地可以控制, 但佢地既生活質數我地可以控制到, 所以我平時都會好多時間陪佢地, 同佢地去多d街街, 等佢地開心d~~
回覆刪除Spicy媽你太過擔心la~放鬆d la香港人~ 其實我哋每一日都要面對生老病死,係人要必須經過的,狗狗都係一樣... 最重要係...係佢哋有生之年,我哋做主人就要比無比嘅愛心.非一般嘅關心.照顧.愛錫佢哋, 因為佢哋心目中只有我哋,仲有美味嘅食物&日日都有你哋主人陪佢哋去玩, Spicy媽:以上所有嘅事你都做齊la,你已經喺佢哋心目中全世界最好百份百嘅 **非常特務媽媽**
回覆刪除多謝你地呀, 我地可以做倒既就係《每天愛佢多一些》啦!
回覆刪除我同你一樣多poopoo又擔心, 無poo又擔心. 早兩日只是pee了兩次我都怕佢腎會唔會有事呀! 同佢地一齊過既日子過得特別快, 唔覺唔覺己兩年. 唔覺唔覺好快到十年. 放鬆些啦!你比薯妹的離開影響了, 而且想得太多! 生命要終結時誰也阻止不了, 只可以好好珍惜相處時間, 所以每個星期六日都係檬檬日.
回覆刪除我呀媽話完全明白你媽媽… 之前咪同你講話我冇以前咁active既，媽媽差d就要帶我去睇e生…但係尋日佢買左個新玩具比我…我又好似以前咁要佢同我拋… 佢先知原來我玩厭左d玩具… 佢話為人母親係小事化大架喇！
回覆刪除好好珍惜目前
回覆刪除係呀...我媽媽都係咁... 果晚就成晚係咁攬住我... 仲攬住我响度喊... 我都好乖呀...幫佢lam返d眼淚
回覆刪除估唔到養咗狗都將近10年, 以為自己係個老手, 遇事會處變不驚添. 今朝佢好乖, 坐享廳, 爸爸捧佢去厠盆, 佢起初想行番出黎, 我吹緊頭, 一路吹一路叫佢Spicy痾屎, 去痾屎, 哈, 佢真係入番去痾篤屎比你睇喎. 爸爸執起, 話實架, 你放心啦!
回覆刪除