今晚又有新野食喇! 就係鴨肉. 不過我估你地未食過, 呢隻唔係普通既鴨, 而係北京填鴨!!!!
事緣媽媽今日下午約咗同事去北京樓食填鴨, 通常佢地都唔會要番個鴨殼, 因為其實食完層皮都無咩肉. 但今日唔知係咪因為午飯時間忘呢, 侍應只係切咗兩碟好細的鴨皮出黎, 大家食時都覺得奇怪, 因為得幾個女仔, 眼濶肚窄的媽媽又叫到一枱都係野, 隻鴨最後先到, 大家都滿以為一定食唔晒d鴨皮添. 誰不知兩下就食晒啦. 於時大家就諗, 隻鴨咁大....無理由得咁少肉架喎. 媽媽未養我地以前試過攞過隻殼返工企, 唔....d肉淡戊戊, 都無味既, 煲粥都無味啦! 咦? 淡戊戊? 咪岩晒我地? 係呀, 填鴨唔同燒鴨, d肉係無醃過, 無味架!
於是享各同事鼓勵下, 媽媽就叫侍應比番食鴨殼佢帶走. 佢地話300幾蚊隻鴨, 切得咁少出黎, 無理由益酒樓. 一攞到黎, 嘩, 唔係下化! 成隻鴨都仲連埋皮既? 大家一反開隻鴨的背面, 先知原來頭先個侍應只係『係咁易』切咗鴨背的dd皮比大家食, 至於成個鴨肚果面, 都係好似無掂過一樣! 食咁多次北京填鴨, 食完隻鴨都係咁靚, 都係第一次. 呢隻鴨殼當然唔一定係媽媽地頭先食果隻啦, 所以枱枱都應該係咁!
返到屋企就要靠爸爸喇! 爸爸話隻鴨最多只係切咗三份一, 仲有三份二係未郁過. 佢好好心機, 將隻鴨起肉, 切成鴨絲, 有皮果d就攞黎用XO醬抄翠肉瓜, 無皮瘦果d媽媽就再烚多次, 烚晒d肥油就切比我地食! 所以我地今晚一家都係食廢物利用餐呢! 我同Bingo一餐都食唔晒.
宜家d肉又無肥油, 又香喎, 同雪藏果d鴨胸唔同味架. 不過如果日日有得食, 媽媽破產都似!
北京填鴨？！！比我老豆知道實嚇死佢...唔駛講啦，我一定無機會食...
回覆刪除真係淡架, 而且老媽子再揀多一次老豆起出黎d肉, 確保一dd肥都無, 再用水一路烚一路揀, 不知幾正呀!
回覆刪除Wa~ 好美味咁喎！我 mama 就一定唔會俾我食喇.. because 有 peking duck 佢都食晒啦！
回覆刪除你們好有心機,佢地好幸福呀!
回覆刪除好好味呀... 我想問吓...你媽媽次次都分行咁靚... 咁食果時..會唔會撈埋一齊... 唔撈...你哋會唔會食哂d好味的先...???
回覆刪除梗係會撈啦, 因為仲要落supplements 同油嘛.
回覆刪除前世你一定幫左你亞爸亞媽一大把，今世咁正回來享福，你一定要錫佢地多ｄ，唔好再跳水嚇佢地ｌａ．．恨死人．．好想食．．
回覆刪除嘩 ~~~ 你爸爸對你地真係好呀 , 我都試過買鴨鴨胸俾佢地食呀 , 等我今個星期去元朗做野 , 再買 d 俾佢地食先 ~~hohoooo~~~ 係呢, 白色個磚係唔係豆腐黎嫁~~~
回覆刪除大雄，我地先係佢地恩人呀, 有咗我地, 佢地既生活先多姿多采. 文妮姨姨, 果舊係豆腐黎架.
回覆刪除好豐富喎!
回覆刪除Spicy你就好la...我亞媽今晚又知整d咩比我食, 明天等亞媽寫blog就會開估la~ 不如我做埋你mama嗰仔仔,ok~
回覆刪除你就好啦! 我咁大個女都未食過田鴨呀! 仲有2/3 分d比我食啦!
回覆刪除e... 咁啱我尋晚同今晚都係食鴨肉喎, 不過就梗係急凍鴨胸啦! 你有填鴨食咁正, 係咪真係好味過急凍鴨胸好多?
回覆刪除你話雪雞好味d定係新鮮雞好味d? 唔好以為我地狗狗唔識分呀!
回覆刪除我都同Summer一樣呢兩晚都係食急凍鴨胸咋! Spicy你就幸福啦! 有個煮餸好叻既爸爸, 又有個焗pie & tart好叻既媽媽!
回覆刪除狗狗食得鴨嗎？因為我未俾過，我都係俾佢地食雞，大妹會敏感「牛」！
回覆刪除得架, 我地成日都食鴨架, 咁燒鴨同燒鵝就梗係唔得啦, 你可以買冰鮮鴨胸試下.
回覆刪除食填鴨好富貴呀！
回覆刪除