媽媽話我同Bingo都好多牙石, 刮都唔刮得咁多, 仲好講! 因為你地懶同我地刷牙囉! 所以耐唔耐都要食牛骨, 磨下d牙兼補下d鈣!
今日又得得食喇, 嘩, 好大舊, 今次發達喇, 一個鐘點食得晒呀!!! 本來獸醫都話骨係可以食生的. 但媽媽話街市d骨紿終都係烚下好, 而且佢唔養成我地咁獸性, 好似好野喎. 
次次食親野我都好驚Bingo會搶, 一定要擔到老遠先食, 連食飯都要分開兩邊, 但牛骨就唔同喇, 因為佢都食到迷頭迷腦, 邊得閒理我姐!
睇下佢幾落力!
我都唔輸蝕架, 要好好牙力先得!
話咁快一個鐘就過去, 其實仲可以食耐d, 不過我地以前因為食唔慣, 姨媽話初食唔可以食太耐, 15分鐘就要收手喇, 如果唔係會肚仔痛痾bat bat架, 我以前就試過第一次食衰人媽媽比我一口氣食咗一個鐘, 結果梗係痾爛爛啦, 果日仲要係用朋友仔行緊山呀, 幾醜呀! 宜家食開, 一個鐘就濕濕碎啦, 我個銀狐朋友仔日日食, 仲係唔會收起, 食到舊骨骨無咗添呀, 佢d牙仔閃閃令架! 不過我個懶媽媽邊會咁得閒呀! 一個鐘就要收工!
係邊個部位呀？我食牛膝骨…你整幾耐架？檬檬教我保沸水焗十分鐘(視乎大小)…你呢？
回覆刪除我地食牛脊骨. 牛膝係好似唔夠脊骨"鞋"喎, 係咪好似個波咁, 滑du du架? 唔知會唔會梗過脊骨呢? 如果太硬, 媽媽驚Bingo老野會咬崩牙呀! 我地以前烚好耐架, 老豆成日都驚唔熟, 迫老媽子烚耐d, 要烚20分鐘, 今日見獸醫生應該要食生, 佢無符, 媽子咪烚十分鐘倒囉.
回覆刪除得閒影張牛膝骨個樣黎睇下呀.
回覆刪除ＳＰＩＣＹ，你就好啦，我從未食個呢Ｄ嘢㗎，喺咪好好味㗎
回覆刪除我噚晚食咗羊膝骨...哇...真係好勁呀... 我d牙石清得七七八八啦... 係呀...我想問吓...你哋食全homemade food... 咁點樣計個份量呀...即係肉佔幾多...菜佔幾多...仲有要咩supplement... 可否教我呀...??
回覆刪除教真係唔講得, 可一齊研究下啦. 不如你比個email address我, 我有d reference materials, 或者你有用.
回覆刪除我都有俾菠蘿妹妹食呀, 不過我係烚5分鐘咋, 開頭我就一個星期俾一次, 之後就一個星期俾兩至三次, 唔知係唔係唔係俾得密得滯呢, 菠蘿有時食咗3個字就無興趣嫁啦, 所以依嫁一個星期俾一次佢食lor~~~heheee
回覆刪除牧牧, send咗email比你喇.
回覆刪除一星期食一次好好啦, 我地有時一兩個月都無一次! 我有個朋友仔隔日食架, d牙仔閃閃令.
回覆刪除可唔可以send埋d reference materials比我？ wendylu917@yahoo.com.hk
回覆刪除我send咗喇.
回覆刪除有冇聽過K9糧,佢個 BLOG http://hk.myblog.yahoo.com/k9_natural , 佢話骨和脂肪一經高溫,就會令其物質改變, 動物體內是需要生肉和生骨,我隻小牧FOX就唔可以食煮過的骨, 會柯血, 但近期我就放膽給生骨給牠咬,但就沒有柯血,佢話肚柯原因是佢地腸內唔夠益生箘, 只要增加益生箘就得,所以你唔洗擔心, 如果肚柯可以食木瓜, 以小牧體型大約每餐食半個夏威夷木瓜份量就夠,仲可以食多半份糧,唔洗絕食架! 我隻一年前成日肚柯,後來有人教我喂木瓜方法
回覆刪除