今晚老豆老媽子一袋二袋咁番黎, 入門口都唔理我呀, 第一時間話攞咩鉆板喎. 嘩, 實有我份! 當堂兩眼發光!
原來老媽子訂咗兩條文文魚, 呵呵呵, 好野, 有魚食! 我老豆好快手架, 兵呤嘭能, 好快就切好晒, 叫呀媽分好, 要放入冰格喇! 話比我同Bingo慢慢食喎.
咦! 點解呢兩碟切晒一片片咁靚既? 梗係方便我同Bingo一人一碟慢慢食嘞!
媽媽, 我唔洗你咁多功夫, 我自己招呼自己得喇.
呢邊唔得, 我去果邊!
再番黎呢邊試過! Bingo你擒唔倒唔使驚! 等我猛張枱布扯晒佢地落黎!
咦.....老媽子, 你點擺架! 我餓到再發青光都攞唔倒!!!
媽媽終於發惡了...
呢舊先係你架! 果d係我同爸爸食的! 咪再發癲!
車! 好叻咩, 咁你仲唔快d去煮! 又唔係比我食, 又擺出黎引我!
我唔憤氣, 係都要睇下你地食咩先! 哦, 有baby ribs...唔洗問又無我份啦! 又話咩狗唔可以食豬肉!!! 不過講起呢舊ribs, 爸爸話食到一肚氣, 食完飯佢去咗寫信比Citysuper投訴喎! 唔係話佢唔好食, 係賣ribs果個人好有問題!
仲蜆肉滑子茹豆腐麵士湯! 我唔理, 我又要!
咁冷麵食得嘞啩! 呵呵呵, 睇下個枱角? 輪盡既爸爸倒瀉豉油!!!
媽媽: 哎吔, 我怕咗你, 整咗比你先嘞!
算你啦! Bingo, 我地鬥快ㄚ!
Wah! So yummy! Please reserve 4 dishes more to Siu Fu's family la!
回覆刪除好呀, 小虎快d好番, 我地請佢食乜都得!
回覆刪除嘩！真係好豐富，有ｏｍｅｇａ３的魚食，幸死隔離． 你ｄａｄ咁勁識起三文魚肉架，你ｍｕｍ手勢都好似好掂，你真有口福．
回覆刪除我老媽子好屎架咋, 整比我地食佢就叻, 因為我地咩屎都話好味 , 唔識投訴嘛! 老豆就唔同呢, 佢d刀法好勁架, 兩條魚魚起皮切件打鱗都唔洗一陣就搞掂啦! 上次老豆唔得閒番黎整, 媽媽自己黎, 卒之起唔倒皮不突止, 仲幫條魚加料, 變成血染三文魚!
回覆刪除上次我食完三文魚肚瀉，呀媽話以後都唔比我食啦…
回覆刪除嘩!Uncle Eric好鬼pro呀, 我媽媽次次都整到一pat野咁完全唔見得人架!Spicy你幾時請我地去你屋企食大餐呀?我要食Jo 姨姨既homemade food, 媽媽就想食uncle eric 煮既海鮮大餐呀!
回覆刪除咁多野食, 你mama咁瘦點食得哂呀? 不如等我幫你啦!唔夠高就叫bingo幫你麻! 你就好啦! 我次次食生文魚都會生瘡瘡, 所以無得食lu!
回覆刪除嗄, 點解會生瘡瘡呀? 太多油脂所以谷到出油脂粒? 不過狗狗都唔係天生食魚魚的, 呀媽d homemade food書都其實都只係介紹魚魚比猫猫, 所以我估唔受得都唔奇... 如果肚仔易痾, 可以試下耐不耐食d plain yogurt, 可以改善腸胃, 又有益, 我地週時都一日兩匙羹架. vera姨姨要食, 我老豆幾時都樂意煑啦, 難得有人欣賞佢d廚藝! 但聞說我個uncle eric你個老豆都好好手勢架播...
回覆刪除嗄? 檬檬你讚我老媽子瘦? 你係咪認錯人呀?
回覆刪除Spicy, 果d切到一片片既你無份食咩? 我分到一片食喎, 好好味架!
回覆刪除乜你見唔倒我飯碗上有一片咩! 熟咗咪比我囉! 不過宜家老媽子驚我肚痾無份lu, 車, 生果d以前食過都無事, 係老野Bingo唔受得之嘛!
回覆刪除嘩嘩嘩.....好正呀.....我都會買三文魚俾佢地食, 但未試過買成條呀~~~~你爸爸super勁呀....刀法咁厲害既.....仲要識整海鮮大餐添呀 .....你地好幸福呀 ~~~
回覆刪除spicy見到你塊三文魚咁大舊，講多樣野你知吖， 菠蘿佢食野好鬼心急嫁， 次次我有朋友黎都以為佢地無飯嫁，同埋呢，佢好多時都唔咬就直接吞嫁，有一次諗住豆腐咁軟無所謂啦，點知隔咗陣佢都係嘔番晒出黎，真係醜死怪呀，所以我次次都要幫佢整到碎晒先俾佢呀~~~
回覆刪除嘩好大DULL
回覆刪除