今朝8點幾呀媽就起左身, 我同Bingo仲以為佢番工添, 但噚晚焗蛋糕焗到2點幾.....明明係星期六喎. 咦, 老豆又唔落床既? 哎吔, 原來佢發燒呀! 媽媽話叫佢自已享屋企, 淨係帶我去喎. 嘩...
不過老豆唔肯, 係都要一齊去...算Bingo你走運啦.原來我地今日去東龍島呀! 咦? 島咪即係有海? 發達囉!
先享船度影張相先啦, 我坐中間呀! 我滿以為我媽子同老豆好勁, 一個瞓得幾個鐘, 一個發緊燒, 原來坐享媽媽格隔果個uncle pazu仲勁, 噚晚番通宵, 無瞓過就黎喇!
一去到, 我就梗係要睇下邊度落海最方便啦! 嘩.....
呢邊仲見倒船添!
跟住我就一支箭咁向下衝, 呀媽就哎破喉嚨咁
哎, 怕咗你! 番上黎囉, 本來我已經落到最底底果d岩石到, 個個都話我差少少咋! 真係唔抵!
比你影幾張相嘞! 影完好放我去搵路跳海喇!
媽媽最鍾意就係呢張相:
Spicy:媽媽....點解你影得double靚d架....
媽媽:咁你仲問? 我唔想傷你自尊心喎....
媽媽: 你呢度跳落去會死架! 你老豆又病到五顏六色, 今日得我一個喝你, 你生下性企定啦好無??
Bingo就最乖! 叫佢影相又合作!
死人Bobo懶型咁!
影張大合照嘞!
媽媽, 後面果度好淺水, 唔死得架呢度!
死女, 你就想! 影埋呢張就上繩啦!
回程時double攰到暈暈地, 後面果個bobo都係啦!
跟住我地就去咗西沙食飯. 老豆又無胃口, 食唔落野, uncle pazu又瞓番到中中下. 快趣d食完就番屋企啦!
好開心呀,等我搵日座船去坪洲先
回覆刪除好似好靚咁woo，你地book船去？下次叫埋我喇！我都好想去d咁遠既地方呀！
回覆刪除好呀, 下次一齊去呀. 不過星期六會好d, 星期日同長假期好多露營人, 成個山頭都係帳幕. book船好貴架, 逄星期六、日, 鯉魚門都有船去, 不過一日得幾班, 西灣河仲日日有船添.
回覆刪除spicy, 成日掛住跳海! 心血少些對住你都會渾係度@~@
回覆刪除不過士多老板話西灣河既船宜家唔比帶狗啦!
回覆刪除係喎係喎, 唔記得咗添. 今年農歷年時因為鯉魚門船唔開, 打過去西灣河問, 佢地話入袋就比上, 因為有d乘客見路好似見鬼咁喎. 不過噚日士多老闆娘話佢地係唔比狗的. 因為早幾個月大乘客報警話有隻芝仔嚇親佢個女喎.
回覆刪除唔係麻! 咁點去呀? 自己包船貴唔貴呀?
回覆刪除牧牧: 好呀!
回覆刪除係西灣河船唔比狗上姐, 仲有鯉魚門船嘛.
回覆刪除我都想去呀... 下次不如預埋我哋丫... 唔使我哋去嚟去去都係果d地方丫嘛...
回覆刪除嘩~~~~~好靚呀~~~~~我地都想去呀~~~~
回覆刪除咁多隻狗仔一齊影相，真係難得！
回覆刪除好開心呀！原來有咁多人一起去... Spicy真大膽...玩浪...真係比佢嚇死！
回覆刪除spicy, 唔係你媽媽影得我double 豬靚d, 你spicy 謙虛啫!!!!又可能係你媽媽隔離飯香啫.. 你spicy 影相相都好靚靚嫁, 成日笑笑口!!! 我媽媽好鐘意d 相機auntie uncle 幫我影相相, 留倩影嫁, 不過因為我double 豬又坐唔定, 咁大家要攞部咁重重0既相機出嚟, 其實我媽媽都好想叫你地幫我影相, 但又唔係幾好意思, 因為之後又要麻煩d auntie 攞返d 相相~~~~~~~~~~~
回覆刪除Spicy你唔以咁快跳海自殺啊!!!!!! 我都仲未見你...
回覆刪除唔麻煩啦, 媽媽不知幾開心幫你影, 因為你上鏡過我.
回覆刪除啋, 我唔係自殺呀, 我係一個 大冒險家 !
回覆刪除大冒險家 , 咁你都要小心d, 如果唔係...你亞媽會好似我亞媽咁係條街成個瘋婆咁... 大叫:parco快Ｄ返過來~~~~
回覆刪除咦, 你點知架? 我媽媽既口頭禪都係: 士批 斯 .......... 番上黎呀!!!!!!!!
回覆刪除