聽日我地約咗d朋友仔去玩呀, 媽媽, 整d咩去請人食好呀? 批定撻定蛋糕好呢? 蛋糕啦, 蛋糕飽肚d嘛, 聽日一早就出發, 去成日架!
好啦, 咁就整紙包蛋糕啦!
材料有
雞蛋 10-11隻
低筋麵粉 200g, 綠茶粉少許
植物油/橄欖油 110g
先預熱焗爐至220℃，將蛋黃及蛋白分隔開，並將蛋黃打發。跟住 將蛋白打發至挺身。 接著將蛋白拌入蛋黃漿中。然後 慢慢篩入麵粉及綠茶粉輕輕攪勻，並拌入植物油搞勻。 套好牛油紙在焗盤上，將麵粉漿注入蛋糕杯中，放入 220℃的焗爐烤焗 5分鐘至表面微黃色，然後溫度調至180℃，再焗 20分鐘即成。
焗緊喇.
整好喇!
好正咁喎
回覆刪除唔落發粉會唔會好快達番落來呀? 我有時整那些蛋糕一凍之後會跣番哂落來.
回覆刪除其實我想問，d蛋糕書都話用低筋面粉、高筋面粉，咁係supermarket個d只係叫面粉，係邊度有得買？
回覆刪除好發喎, 應該叫大發蛋糕, 我都要買個你那焗盤, 原來可這樣整高身cake, 我以為又要買高身焗盤才行, 所以我用即棄紙杯仔多...一定好蛋味, 咪住, 你冇落糖既, 係咪又係想人狗狗齊齊食架?
回覆刪除超級市場賣的麵粉 (plain flour/all purpurse flour)就已經係低筋麵粉喇, 高筋麵粉就等如麵包粉, 超級市場得一隻, 個盒金黃色的. 自發粉就等如已經加咗泡打粉或梳打粉.
回覆刪除d蛋糕其實係整比狗食架, 所以一粉糖都無. 不過今日我同double媽自己都食咗好多.
回覆刪除檬檬, 個食譜無發粉架. 其實整出黎應該好似街賣果d紙包蛋糕咁. 不過我噚日就係驚佢唔發, 所以偷雞用咗自發粉, 變成好西式既蛋糕咁.
回覆刪除嘩!原來每次只可以焗12個, 唔怪得之要焗到半夜兩點幾啦, 真係好感動呀!
回覆刪除大雄, 我都有用蛋糕紙, 不過今次因為佢係紙包蛋糕, 所以我就照傳統改用牛油紙, 不過除咗係煩d要裁同摺好塞入蛋糕盤外, 我發覺用牛油紙好好多喎, 一來可以放多d蛋糕漿整大個d蛋糕, 而且牛油紙無蛋糕紙咁黐, 一d蛋糕都無嘥. 不過用匙羹勺入去果時就麻煩d, 好易滴倒.
回覆刪除聽日去邊呀？去成日夠唔夠食架？
回覆刪除得咁少,你咁大食^^
回覆刪除梗係夠啦, 我媽媽焗咗差不多四盤, 焗到半夜兩點幾呀! 人人都分倒幾個, 連比媽媽賴享屋企無得黎的Jose同Single都有份!
回覆刪除