噚日我地一家去咗No仔同Gi妹既生日Party呀，先去咗清水灣郊野公園玩, 然後去西貢No爸請食飯, 幾開心呀! 因為臨時有三隻牧羊無到, 所以好多野食呀, 我同Bingo因為晚餐時食得太飽, 所以番到屋企都無飯食lu.
先前Bu-B媽打黎話西貢大塞車, 佢地都改去第二度, 嘩, 幾驚呀, 好在No仔去到回報話已經無事嘖. 不過老豆等位都等咗好耐呀! 老媽子腳又唔好, 所以先前一個人睇住我地兩個, 都只係Bingo有得放繩, 我無呀! 好在好快Bobo爸黎埋, 佢見多d人幫手睇, 我先有得自由行.
可惜天生熱愛自由的我實在太不羈喇, 成日掛住去個亭度執地下d野食 (有人放咗袋薯片享地, 仲有好多狗糧呀!), 我來來回回, 比人捉番我又去過, 跟住谷鬼氣, 我索性向山下跑離家出走, 我走到好遠呀, 遠到山上d人都見我唔倒, 幾high呀! 不過老豆好嬲, 一路追住我一路鬧, 我梗係唔番轉頭啦, 但個衰老豆同No爸兩面包抄我, 最終我都係失手就擒!
睇下壽星仔幾有型! 11歲既佢, 係咪好堅呢!
ho屎黎個全家福呀!
我兩兄妹都同壽星公合照先. Bingo細No仔半年咋.
我同大隻B Jose合照, 佢係咪好似我爸爸呢! 
晚上影完相就可以切蛋糕有得食喇! 老兵同No仔都好心急!
No仔話: 我唔客氣喇! hm....食咩先好呢....Summer媽整的蛋撻好正咁喎! 咁似買果d既? 係咪真係佢整架....
我想食蛋糕, 但又唔鍾意上面果d士多啤梨! 用個鼻鼻頂走佢地先!
咦, 食Spicy媽整的梳乎厘都好播! 嘩, 成個比晒我! 正!
唏! 生日就梗係食蛋糕啦!
我地就係食呢個No仔咬完既梳乎厘喇! 嗚嗚嗚!
我咁細粒, 食野又唔夠人掙, 不過各位auntie都唔會忘記我架, 實餵埋我一份, 老豆老媽子又顧住食, 都唔理我! 好彩佢地個個狗都唔食士多啤梨, 我一個狗食咗起碼五粒呀! 個個auntie餵佢地d仔仔都唔食, 係我彩佢地, 咪係咁質我囉, 幾正呀! 直到我老媽子叫佢地
你地d相真係太正la,果然係貴野,等我"歲"劉生買返部nikkon先. 我咬完既梳乎厘:你地全部食我口水尾...hehe 蛋撻真係買既一樣... auntie, 我相要一隻party杷既CD,可唔可以呀?
回覆刪除cd梗係可以啦, 不過呀媽話d相靚唔關部相機事, 最主要係佢既攝影技術...
回覆刪除我係薯妹呀!Spicy你好! 我都要係度祝no仔同gigi身體健康!開開心心先! 妹妹
回覆刪除你地那天都好英, 好開心喎.. 我原本都想來, 但那天上午我已開始喉嚨痛, 拜山後已唔願出街, 病魔急call, 又唔想惹你地..
回覆刪除大雄姨姨, 點解咁慘慘呀. 你黎埋就好啦, 我地唔係成日見倒No仔地架 (佢地係世外高人). 你要好好保重呀! 薯仔妹妹, 你都要好好保養好個身子, 有機會我地一齊出黎聚下啦. 媽媽成日話我係乖妹妹, 我要敬老嘛.
回覆刪除你真係傻, 緊係食飽先離家出走麻? 無食就走!
回覆刪除d野食好正呀~!
回覆刪除我地"唔"係世外高人...只不過住係鄉下... 薯仔妹妹你好,多謝你既祝福,我地都要身體健康 大雄,你都係食小d野啦.
回覆刪除你好呀！我係大雄媽，星期日個日原來就係同你一齊去大坳門！真高興我地竟然係網上相認！
回覆刪除你好呢, 希望好快又可以同你地享西貢相遇!
回覆刪除