識我地既朋友都知, Bingo就最鍾意吠架嘞! 有人入屋又吠, 有人出門口又吠, 有得食又吠, 有街去又吠, 享街回程走又吠, 連佢陪我去返學, 都上堂吠到落堂, 總之咩都係吠咗先啦!
但今日佢居然無聲出喎! 其實今朝起身, 媽媽都已經覺覺得佢有d唔妥, 但又講唔出佢有咩問題, 總之好似囉囉孿咁, 話佢無精神又唔係, 總之你想摸佢, 佢就向後退, 但佢又唔係咪埋.
咁下午爸爸咪早d收工番黎囉, 佢話好擔心Bingo喎, 可能呢幾日比老鬼嚇親. 但出奇地一開門, Bingo只係吠咗一聲咋. 平時爸爸返黎, 佢會由爸爸開門吠到佢入咗屋, 開咗閘都仲要吠多好多下架嘛. 都唔知佢做乜, 跟住媽媽番黎又唔吠, 不過我地不嬲都唔敢吠媽媽架, 爸爸於是用咗好多方法引Bingo, 但佢都吠唔出聲呀, 只係作下狀, 想吠, 但又吠唔出.
唔知佢係咪喉嚨痛呢? 佢又唔似有病喎, 又無攰拉拉, 又食得. 頭先爸爸同佢探熱, 佢都無發燒. 死啦, 如果睇醫生, 點講呀, 唔通話佢失聲?
可唔可以飲d雪梨水呀？可能候龍痛呀！
回覆刪除會唔會有野"k"實喉嚨? 呢些事可大可小, 小心檢查好些呀!
回覆刪除頭先老豆返黎時搵電筒同佢照過喇, 又照唔倒野, 不過佢食飯仲係食得好快架!
回覆刪除做人老豆老媽子真係好難 提心吊膽...觀察多幾日先,食野ok應該無大問題.
回覆刪除OOOO.. 咁佢係開口無聲呀, 定係連吠都唔吠呀
回覆刪除等我黎你屋企玩下波波, 就一定可以激到Bingo吠得出聲架啦!
回覆刪除會唔會係bingo心情唔好唔想講野呀？？
回覆刪除等我嚟，ＢＩＮＧＯ一見我就吠㗎啦！
回覆刪除係喎, bingo 一見亞盾老公仔就吠吠吠喎.. 又係計仔喎
回覆刪除今日Bingo又好番d喇喎. 雖然明顯比平時小吠, 你叫佢都只係吠一兩聲, 不過總算吠得出聲. 聽日應該好番喇啩.
回覆刪除吓..咁真係要小心噃... 不過睇唔出你咁鈡意吠喎... 我出街先吠咁多咋...屋企就小小吠囉...
回覆刪除Bingo 平時享屋企無人剌激佢係唔會吠架, 不過有時電話享, 或者老豆同呀媽地大聲講野, 佢就會出面調停. 但享街, 佢真係郁下就吠架啦, 佢最憎騰來騰去的bobo同cotton, 所以成日都吠佢地!
回覆刪除好消息, bingo已經重震雄風! 把死人聲係鬼咁享, 煩死人喇!
回覆刪除