2007年3月17日 鶴藪郊遊徑

噚日係星期六, 前一晚媽媽都話會落雨, 所以無街去, 至多晚上帶我搵個地方同d朋友仔一齊睇double同盾盾上電視, 睇佢地套愛情傳記.

誰不知到中午double媽打黎話新界無落雨呀, 佢同bu-b媽都會出去鶴藪, 問我地一唔一齊去.  媽媽咁爛玩, 當然lur飯應啦, 點知......咁就衝禍喇.....

其實果度條路都唔難行, 不過講落爸爸媽媽本身狀態都好似唔多好.  媽媽出發時已經享車度洽眼瞓, 通常出發時應該係好興奮先係架嘛!

一去到就見倒個大草地, 哇, 我開心到癲咗呀, 係咁跳, 係咁卒係咁卒, 卒之變成...

係咪好靚呢!  我話我個心口呀!  唔洗講, 我又要比媽媽罰啦, 要坐定定, 睇住人地玩! 仲要比其他人笑!

我都唔明, 大家都係咁跑, 點解佢地個個個身都無花花架!  慌唔係佢地太支整咩, 你睇下呀, 一個二個坐得咁正都唔似我咁真情流露!

嘻嘻, 整污糟自己係我既強項! 如果果度有污水渠, 仲正呀! 我覺得我d裝飾不知幾靚!

跟住我地就出發行上山lu.  快d啦媽媽, 乜你咁慢架, 人地走晒, 無人等你喇!

Cotton: Spicy, 行快d啦, 睇下呢度風景幾靚!

Double: 真係, 等我睇過?

一個二個掛住睇! 我到咗山頂喇!

影咗一陣相, 當然唔少得大合照啦.

我地就行番落山, 論盡的爸爸已經"線"咗一野, 不過佢無撻低, 只係一隻手著地.  不過...好戲在後頭....

Single仔行行下仲比人抬高影相添!  不過佢都唔識驚既! 睇下佢個得戚樣!

唔好狀態媽媽行最慢, 突然

哎吔一聲!  大家回頭, 就見媽媽坐咗享個地度, 原來佢咬柴呀!  佢話好痛好痛, 不過坐咗十分鐘倒都要繼續行埋落去架!  爛玩既佢當然無立即去睇醫生啦, 仲同大家一齊去咗vera姨姨度睇double上電視添, 雖然成晚好似個廢人咁, 唔行得!

不過今日我就慘lu, 因為媽媽隻腳眼腫到好似生咗粒大魚蛋出黎咁...出面好好天呀, 激死我喇!!!