呢日老豆老媽子見咁好天, 於是就同兩個朋友, 帶咗我地去淺水灣玩. 好開心呀, 因為係冬天, 所以佢地唔比我地落水玩, 咁我地咪去碼頭果邊玩囉. 我圍住個碼頭果d邊邊行, 行下又出d, 行下又出d, 仲行到石級出面, 走黎走去, 好開心呀! 跟住無端端噗一聲, 就聽倒人叫: 哎吔, 果隻狗跌咗落水呀!
跟住就好多人享上面圍觀, 我估我成世狗最威都係果次, 咁多人企享碼頭上面, 好似睇我表演咁. 爸爸同佢一個朋友就係咁叫, 係咁引我, 引我游去觀音廟果邊, 我係咁游係咁游, 游到水淺d既時候, 爸爸同個朋友就合力扯咗我上水嘞, 上到水先知, 原來bingo唔見咗!
佢個衰公見個個都卦住我, 嬲嬲地自己走咗入觀音廟入面參觀呀! 好彩媽媽發現得快, 走去捉番佢出黎!
呢張相係媽媽唔停咀咁鬧我果時影既!
哈哈哈, 你有心跳既!
回覆刪除咁都俾你奸計得逞...跳咗落水.. 如果係我亞媽...肯定嚇死咗佢... 我都依家都未敢游水...
回覆刪除嘩......你個樣真係好得戚喎, 你肯定好開心啦......hahaaaaaa
回覆刪除Spicy 媽: 你地睇個衰女個樣就知佢有心啦. 冬天黎架, 難為爸爸仲要捉佢去沖身! 我地淨係得幾張抺手紙同佢抺咋!
回覆刪除真係超爆笑呀!
回覆刪除嘩真係超爆笑呀, 辣媽你寫嘢可以把平平無奇的事情寫到好精彩...
回覆刪除[版主回覆03/11/2010 21:51:00]對旁觀者就可能係平平無奇, 但對主角一家黎講, 就真係畢生難忘呀! 仲記得當時個身只有兩張抺手紙, 果日好凍, Spicy一身沙, 圍觀的人叫我唔好鬧佢....
Hi hi,
回覆刪除我都帶過兩小狗 (吳小莎 & 吳小菇) 去 淺水& 深水灣中間 游水. 但梗係無你咁威水啦 ! 但今日太凍了, 唔講啦 !
[版主回覆03/11/2010 21:48:00]呢件威野, 無論幾多年後, 我地一家都唔會唔記得, 因為能夠在一個冬日, 做咗全個碼頭的遊人的焦點, 實在太爽喇!
haha,我隻牧牧細個嗰陣都响淺水灣跌過落水 不過唔係觀音嗰邊, 係右邊, 真係好搞笑 不過我隻狗細膽, 即刻死爪住個石邊, 等我哋救佢上嚟~~~
回覆刪除