前晚Bu-b爹地媽咪終於都享加拿大返咗黎, 第一個星期六呀, 仲唔玩番夠咩, 我地一齊去咗浪茄.
bingo最慘! 一出發就比爸爸放咗上崖上面影相! 嚇到媽媽死死下!
去到海灘, 見倒好多飛天人呀! 佢地沿路都揹住個好大好大既背囊, 一路行上山, 就係為咗發落黎果一下!
一到步我就第一個衝落水! 海呀, 我黎啦!
跟住就濕漉漉咁衝番上黎.
雖然我係第一個, 不過好快, bu-b同bobo都衝埋落水lu. 睇下bobo個喪樣!
不過唔知係咪因為咁, chili反而勁冧佢, 一日到黑都追住佢!
個死人bobo連bingo都唔放過, 想推埋佢落水!
原來癲仔single怕水架, 佢都唔會落海既! 不過佢同double都好乖, 佢媽媽就開心啦, 我呀媽就叫破喉嚨咁鬧我, 叫我唔好成日落水玩!
不過...呢d係咪叫係碰一鼻子灰呢?
跟住bingo無端端踩咗auntie lydia個背脊一下, 呢個係佢既掌印!
bingo都係enjoy坐靚靚影相相多d.
跟住我地玩咗坐龍船添呀! bu-b係龍頭, 幾威!
哇...好好玩呀... 浪茄...狗仔去得架...?? 個名好熟...但係唔知响邊...?? 你哋幾個成日周度去..好happy呀...我都好想去呀...
回覆刪除嘩好好玩咁播…下次預埋我喇！
回覆刪除牧牧: 浪茄享西貢呀. 狗仔去得啩, 都無救生員...不過要行45分鐘先到, 仲有條長命樓梯. mick mick: 好呀, 下次有機會一齊玩呀, 不過你要跑慢dd, 等埋我喎.
回覆刪除bingo企到崖邊唔驚咩? 如果係檬檬係嚇到兩頭腭
回覆刪除bingo雖然對腳比我渣, 又無力, 唔會跑, 不過佢不嬲都大膽過我架, 有時仲跳得好高添!
回覆刪除嘩~~~~~佢地好開心喎~~~~~ 下次叫埋我啦，我地都好耐無見啦~~~~~heheeeeee~~~~~
回覆刪除好呀! 不過我噚日不幸咬柴, 醫生仲要我入院 (不過老公覺得佢掠水, 叫我唔好啋佢), 宜家寫咗一個禮拜病假, 今次有排先可以再戰江湖喇!
回覆刪除地方真係好靚呀, 有機會一定要去一下
回覆刪除