2007年2月25日 烏蛟騰

眨下眼又年初八, 農曆新年長假期既最後一日, 聽日老豆老媽子就要返工喇, 我地咁大個都未試過玩足咁多日既, 我同bingo都差不多虛脫咁滯, 玩埋今日就有排抖lu.

今日我地去咗烏蛟騰, 不過因為呢排都過雨, 所以都係唔可以行一個圈, 只係可以享上路行一陣咋. 誰不知去到週地都係水氹, 唏, 開正我果範啦, 我最鍾意跳入去踩水氹, 搞到個肚仔同四隻腳變埋啡色, 爽呀! 離遠見倒就衝過去, 激到媽媽生蝦咁跳!

唔知double享樹諗咩呢? 側晒頭咁既?

我地仲同埋joel三兄弟一齊去呀!

Joel & Friends既老細啦!

個個都老兵好野喇, 玩足咁多日, 其實佢行一半, 爸爸抱佢一半咋!  唔係鬼有咁精神!

埋黎影個全家福先啦.  首先有summer

跟住係double同佢媽咪!

仲有我同媽咪呢, 得我一個狗狗望鏡頭咋!

晚飯我地去咗大埔打冷, 不過我地無得去, 因為街度地下又污糟, 出面又多人食煙, 搞到佢地個個要坐番入餔頭入面, 我地唯有享車瞓覺等啦! 作死, 食完飯仲要去彩虹食糖水, 又賴低我地享車, 激死!