我個黐線既媽媽, 我未打齊針就走去幫我報名返學, 學咩puppy socialisation喎. 人地要打齊三枝針架, 佢成日都話後補, 卒之都無出示過.
呢張相係我畢業果日影架. 不過唔講你地實搵我唔倒啦, 坐享度右面第二個手抱既咪係我囉! 無法啦, 我係全班最細粒, 又唔起眼.
講個秘密你知啦, 我果時上過電視架! 係無線新聞添呀! 佢地黎拍我地上堂既情況, 睇下我地學d咩野. 學咗d咩野? 咪係唔怕人, 唔怕狗, 大膽做個勇敢的狗狗囉, 其他係d你地都識的野, 好似sit呀, stay呀, roll-over咁囉, 仲有一槍嘭瓜你! 不過呢招我學極都唔識, 因為媽媽蠢, 我地合作唔倒! 唔係我問題!
其實果時一d都唔好玩, 因為我最細粒, 我地班入面有3隻金毛, 1隻唐唐, 一隻史立莎, 佢地個個都高大過我, 次次老師一話play time! 就個個都衝晒出去! 我又唔夠佢地跑, 又唔夠佢地癲, 出親去就比人踩呀踩, 踩呀踩咁兜頭兜腦咁踩落黎! 
睇下我媽個白痴婆, 攞証書果陣仲開心過我! 我唔執輸, 跳跳跳, 我都要睇!
留意下最右手面有個鼻哥仔突咗出黎, 果個係bingo黎架, 佢堂堂都有黎睇我上. 不過坐埋一邊咁囉.
左手面果個係我個史立莎同學, 畢業後都無見過所有同學, 不過我仲記得佢個名叫「家謙」
吓.. 叫家謙咁攪鬼... 死人亞妹, 你呢個樣開始順眼勒... 而且仲好天真咁.. 不過.. 你雙腳真係好鬼幼同長呀....不過隻耳仔無之前POST D 相咁鬼大隻囉.... BINGO 又會肯坐定定唔出嚟同其他狗玩0既????
回覆刪除Bingo係被迫要坐定定架, 因為我d同學仔全部都係puppies, 佢老人家最憎佢地跳黎跳去懶可愛咁! 一有狗狗行埋黎佢就嗡牙架喇. 老師放play time時都叫媽媽比佢落地一齊玩, 不過老豆老媽子唔比, 驚佢整親其他小朋友喎. 所以佢每堂都只係罰坐, 我跟住去上中班同障礙賽訓練班都係咁, 坐足咁多堂, 好似我家長咁!
回覆刪除我同樂樂都返過呢d堂呀...spca... 但就唔使bb 班囉...
回覆刪除咁多金毛, 你唔驚咩? 如果係我, 實嚇到夾住條尾走!
回覆刪除檬檬: 我不嬲都天不怕地不怕架, 成日行山見倒金毛佢地都比我追到調頭走! 牧牧: 你一定係去上初班呢.
回覆刪除你細頭個陣真係好可愛呀....見到實會抱住黎錫啦~
回覆刪除哈哈哈, 你真係好喇, 好少人覺得我細個可愛架, 除咗我媽之外.
回覆刪除