2002年7月21日 我第一次出街玩

其實都唔算第一次出街, 唔好講到我好大鄉里咁好播!  咁我出去打針果, 去返學果d唔算架咩! 只不過人地第一次戶外放繩姐!

呢日爸爸帶咗我同Bingo一齊去上水的哥爾夫球場玩呀!  不過我因為太開心, 嘩, 大草地呀!  就好似發咗癲, 對腳一掂倒個地就衝呀!!!!  搞到爸爸好似傻佬咁追住我, 佢話追咗好遠先捉得番我喎.  咁耐既事, 我唔記得晒lu.  佢宜家仲成日同人講呢件事, 車, 咁人地開心呀嘛, 諗死我實唔返咁!

唔洗講, 捉倒之後又迫我影相啦!  留意下我頸果條紅繩, 係猫猫頸繩黎架, 媽媽話我果時咁細粒, 唔知買咩繩比我好喎, 咪買咗條猫繩囉!

我d毛短切切, 係咪好有性格呢? 我果時差不多五個月大喇, Bingo就有五歲.

爸爸宜家都仲放咗呢張相享佢荷包架!