2002年5月17日 我黎咗香港喇!

當時我得十個星期大, 同哥哥一齊坐飛機黎香港.

落咗飛機瞓咗晚後我地兩個就比人放咗入寵物店的一個玻璃櫃度, 唏, 都唔夠半日, 有個小姐入黎見倒我, 又叫又跳, 同我一樣, 因為我唔鍾意比人困住, 所以我都又叫又跳, 係咁鬧人.  相反, 哥哥就又驚又怕醜, 咪享角落頭, 咁點得架, 呀哥, 唔洗驚, 我保護你呀! 

果個小姐放咗我地出黎, 又抱我, 又抱我哥哥, 抱咗好多次, 又上又落, 都唔知佢想點! 哥哥就驚驚驚, 我就跳跳跳, 卒之, 哥哥比人帶番入玻璃櫃, 我就跟果個姐姐同寵物店d人去咗獸醫度...

個獸醫做咗好多野, 包括要磅重, 呵呵, 原來我有五磅呀! 跟住用電筒照我d眼耳口鼻, 睇我d牙仔, 又摸我個肚仔, 最慘仲同棉花棒篤我pat pat, 要睇我d臭臭.

搞餐矇之後, 我又被帶番寵物店, 噢, 原來係要執行李喇, 我要同哥哥拜拜喇!  咁就跟呢個小姐走, 佢就係我宜家既媽媽.

媽媽好開心, 一路上放我享大脾, 又拍我, 經我坐唔慣車會嘔, 車? 唔係下化你, 飛機我都係咁坐啦! yo! 洗乜驚呀!  好快我就到咗佢屋企, 即係我舊時的屋企.  嘩, 原來佢地仲有另一隻牧羊狗, 不過同我唔同色, 叫Bingo.  我仲記得果晚我無覺好瞓, 因為媽媽起咗好多次身, 要睇下我.

呢個就係果時既我喇! 係我第二朝起身佢地帶我上天台影架, 小妹十個禮拜大, 五磅重, 三圍數字係唔知, 唔知同唔知!

呢兩張相係2002年5月26號影架.  同上面5月18號既我, 係咪大個咗d呢? 睇下我對波子眼? 我似唔似享

火星黎呀?

果時媽媽仲幫我拍咗video, 入面有我個乳名的...