話說我入咗喜樂蒂會之後, 我個profile就比放咗上網嘞, 一日哥哥的媽媽享網上見倒, 咦, 點解佢同個仔仔同年同月同日生, 又咁岩係雲石色, 唔通佢就係之前寵物店所講比人抱走咗既妹妹? 於是佢媽媽就留咗個訊息享留言版, 一check之下就發現係喇. 我媽媽都認得哥哥個樣啦!
呢日我媽媽就帶咗我去見哥哥嘞, 佢媽媽幫佢改咗個名叫Tanbie. 我地去咗佢上堂既元朗百樂會. 噢! 原來佢仲怕嬲過以前呀, 死都唔比我媽媽抱! 不過佢又肯乖乖咁同我影相喎. 果時我地十個月大喇, 你睇下哥哥幾多毛? 我仲係短切切! 激死! 細個明明一樣架喎.
好野, 姨媽幫我捉倒佢喇, 你睇下佢, 驚到震呀!
呢張相係我地兩個各自番咗屋企後第二日影架, 睇下係咪一樣呀!
都唔知姨媽比咗d咩Tanbie食! 不過媽媽話我因為起咗一次水, 所以甩咗好多毛喎. 女人...真係苦!
果日下午, 我同Bingo再去第二度影相, 媽媽話好記得果時我起完水甩晒d毛毛好肉酸喎.
爸爸話最鍾意我同Bingo呢張相, 所以佢晒咗兩張放享公司同荷包.
十個月己咁長毛? 我就來兩歲都係短切切呀!
回覆刪除喂, SPICY, 你亞哥細個無你咁似外星人喎.
回覆刪除檬檬: 比起我bb果陣差咗好多喇, 如果唔係起咗一次水的話... 都有哥咁咁長喇. 不過我毛厚過佢, 佢就長過我, 到宜家都係. 但佢出黎好睇d囉. 江太: 係咩, 我唔覺喎!
回覆刪除點解鈡意呢張相呢...??都冇望鏡頭...??? 我鈡意你哋兩個一齊望鏡頭笑的相啊... 你同你兄弟個樣都有d唔同... 我都有個親生妹妹架...不過媽媽買咗我冇耐再返去間pet shop... 已經唔見咗...都依家都未搵到佢呀...
回覆刪除我不耐都覺得spicy好多毛同好長嫁, 點知見到你哥哥張相先發現, 你哥哥真係好多毛喎~~~~好正呀~~
回覆刪除真係好難找番二兄妹. 唔知道依家spicy 仲有冇得閒見下哥哥呢
回覆刪除[版主回覆10/08/2008 11:17:00]有, 佢媽咪同我媽咪情同姊妹, 梗係有啦, 上次呀媽去澳門兩日我都係去咗哥哥度住! 姨媽仲帶我同老兵去玩足兩日添!
咁開心. 咁你有冇蝦哥哥ga. 你咁百厭
回覆刪除[版主回覆10/08/2008 17:59:00]哥哥對我好好架, 咩都讓我, 連食緊兜飯我都可以過去搶, 但第二個就唔得!