這星期開始獨留Spicy在家
老爸沒帶她上班去, 是老兵走了後的第一次
自我們曼谷數天回來後, 雖然她不及從前開朗
但至少食慾都回來了
以為她已漸漸習慣沒有兵兵的日子
可惜星期三晚
發現她又再愁眉不展
晚上大便有血, 不止是一兩滴
星期四早上雖然大便的血已減少
無奈Dr Tint要到2月1日才有時間見她
幸好檬的妹妹的狗兒星期五早上剛好又預約了
見我們情勢較嚴峻, 仗義讓出位置給Spicy先看
將近到診所, 我和Spicy先下車入去
老爸在泊車, 可惜Spicy在對面馬路已不肯走過去
從沒見過她這反應, 是跟老兵走了有關嗎?
看來是我多心吧, 老兵都不在這間診所離開....
在接持處她坐立不安, 死也不肯坐下
到爸爸來才好少許
從前Spicy永遠都親我多點...
自老兵走後, 她的距離不止跟我疏遠了, 眼裡的光芒亦已消失
醫生說Spicy是大腸發炎
成因有機會是焦慮, 食物過敏, 或有寄生虫
後面兩種雖說有機會
但我想沒有人會不認同第一點最接近了
心病沒人幫得上, 但抗生素, 益生菌, 杜虫藥可少不了
再跟獸醫談起Bingo的問題
之前在太平道診所以取回組織化驗報告
結果發現
老兵沒有患癌
也沒有中毒或鼠疫 (其實之前這點未做第一次手術時已否定了)
太平道Dr Liza認為那是荷爾蒙問題
Dr Tint側不同意, 認為是某種病毒感染
兩者的意思都是在說
病因不明
死因就當然是手術併發症
第一次做得不好, 第二次過不了
在很久很久以前
我擁有Bingo, 也擁有Spicy
Spicy也擁有Bingo
原來Bingo一直都是我與Spicy的橋樑
Spicy食過藥好d嗎?Bingo在Spicy的心目中都佔好重要的一位呢?希望你們一家都快些站起來.
回覆刪除[版主回覆02/01/2011 12:35:00]好咗兩日, 前晚開始又變成軟雪糕便便了. 好無奈.
無錯, 我從未見過滿面愁容的SPICY, 親愛的, 您也要懂得放下. 不要弄壞身子, 令人擔心啊. 祝您們一家新年好.
回覆刪除[版主回覆02/01/2011 12:36:00]我地都祝大家新年快樂. 希望兔年可以為我家帶點好運.
辣妹呀辣妹, 你快啲好返啦 !
回覆刪除[版主回覆02/04/2011 02:06:00]希望食晒d藥就無事啦.
Spicy就黎過年啦，你要快d好番呀，做個good girl ar
回覆刪除[版主回覆02/04/2011 02:08:00]希望佢乖乖地, 唔好再賭氣.
Spicy & 家人, 祝大家身體健康, 日日都開開心心!
回覆刪除Spicy快d好番, 多點同媽咪傾心事, 其實媽咪同Spicy同樣心痛失去老兵! 希望妳地好快走出陰霾, 再展笑容!! 老兵天使都永遠伴著活在心裡!!
[版主回覆02/04/2011 02:41:00]多謝你呀. 希望新一年會為我地帶黎多點生氣.
有好多嘢都好難講，曾經同我講叫我打針比狗狗走，話佢冇得救，覺得我講極都唔0既醫生，最後亦都係佢幫狗狗執返狗命，食多咗兩年半．唔係我緊持再博，狗狗早就死了，但冇咗佢0既努力，狗狗亦都一早死咗，真係好難講．
回覆刪除[版主回覆02/04/2011 02:45:00]生命真係好脆弱, 幾想努力抓住都捉唔緊.
又過年啦，開心啲．
回覆刪除新年快樂^^
祝開開心心，健健康康
狗肥屋潤
[版主回覆02/04/2011 02:43:00]多謝呀, 祝你新年快樂.
祝新年快樂 希望來年辣家會開開心心 把唔開心的事情也拋去 把最好的放在心中回味 加油！
回覆刪除[版主回覆02/04/2011 02:47:00]多謝, 我都祝你新年快樂, 小朋友個個都聽教聽話.
病因不明! 這個解釋真是令主人好冇助. 有時真要問個天才知.spicy和你要睇開點,就算去了彩虹橋都可以再見,因為牠們會繼續投胎,可以續未了緣,每個靈魂只是用尾巴的好少部份去投胎,主體會留在那處彩虹橋,主要看你們緣份吧!
回覆刪除[版主回覆02/04/2011 02:51:00]我相信如果真係有彩繪橋, 或佢真係會轉世輪迴的話, 我地會有機會再見的, 只怕係Bingo已灰飛煙滅.
(Empty)
回覆刪除[版主回覆02/04/2011 02:52:00]祝你新年快樂, 身體健康呀.
新一年新開始，新年開開心心！Spicy快點做回開心果，讓bama唔吏再擔心！！
回覆刪除[版主回覆02/07/2011 10:38:00]多謝. 我都祝你歡歡樂樂健健康康, 一家年年都充滿歡樂!
如果是心病就要心藥醫, 那麼您們要盡力忘記傷痛, 才可整理好心情去治理Spicy目前的心病啊! 不要低看您們對Spicy的影響力. 壞心情是會傳染的,相反,好心情有時可以營造出來的. 趁新年"氹"吓自己開心, 加油啊.
回覆刪除祝一家平安, 健康, 生活愉快. ,
[版主回覆02/08/2011 16:11:00]新年Spicy哥哥一家兩小牧過來暫住幾天, 有哥哥陪住, 佢心情都好咗d了, 雖然宜家都未恢復正常, 但隨著我地積極面對, 希望佢都可以快d放開.
多多同spicy傾計, 佢會明白啊~ 辣家都要加油啦~
回覆刪除[版主回覆02/12/2011 16:30:00]多謝. 會努力.
明白你感受, 希望時間可以沖淡悲傷的部分.
回覆刪除[版主回覆02/13/2011 16:10:00]雖然每之想起老兵, 個心仍是陣陣刺痛, 眼眶紅紅, 不過感恩Spicy會比我們早康復. 她的快樂可以治療我們的傷痛.