兵, 一個月了
但你好像已經走了很久, 很久
我想是因為日子過得太慢
世界像是停頓了一樣
這個月是我人生中最漫長, 最痛苦的日子
以前我有時會想, 若有一天你百年歸老
家裡沒有了你的吠叫聲
我們可能會樂得清靜
也想過搬家
但每當想起或許你會被鄰居投訴, 這念頭便打消了
事實上你從來都沒被人投訴過
讚你可愛的鄰居倒是多得很
都不記得你趕走了多少個鐘點姨姨了
說英文, 中文的你都不喜歡
每次她們上工不夠數天便說不幹時
我真是被你弄到哭笑不得
舊年你一年內洗了兩次牙
之後我常在你面對朋友們說
若你15歲都未走我便再帶你去洗牙!
從沒想過你真的會突然消失
這30天來, 我仍不斷被噩夢纏繞著
見到自己還在帶著你四出去求醫
醫生們都說沒希望.....連睡午覺都不放過我
原來自你走後
我身體的一部份隨著你離開了
Spicy再沒高高興興地帶著玩具在家狂奔
在你走了後
我才知道原來她一直都在逗你發怒, 引你注意
以往天天我都要放輕腳步俏俏地起床
但結果都失敗, 因為無論你睡得多酣
都會立即一拐一拐的從睡房跑出來緊貼著我的步伐
現在沒你這「群腳仔」一天到晚跟著我
不知要多久才會習慣上洗手間時沒你在門外把風...
以前總是討厭你常常賴著我
如今在車廂中沒有你硬要坐在我大腿上
反而嫌性格獨立的Spicy不肯跟我一起坐
朋友都說我們應該出外散心
我也希望可讓Spicy藉此機會透透氣
不用整天都跟著我們愁雲慘霧
最後發覺原來自己當心情糟透時
去到那裡都不見得會有多快樂
可喜的是回來見的Spicy, 確實又開朗了點
人家說我們總有一天會再見
很希望這是真的, 但還要等多久?
記得98年12月, 你來我家還不夠一星期
第一次與你一起過的聖誔及元旦
你記性這樣好
從前在街上遇到你的舊家人, 即使多年不見
你都會立即跑回去, 熱烈地依戀著他們
若你有一天轉世輪迴
可否來讓我看看你, 告訴我你都這樣想我?
真的, 心情會影響一切, 可幸的是辣妹心情好了點, 它還是你的動力啊! 加油!
回覆刪除老乒會吠鐘點姨姨嗎? 真想不到!
[版主回覆01/27/2011 15:44:00]唉, 呢個女, 好咗兩日, 噚晚又開始偶偶豆豆匿埋唔啋人, 便便都係有點問題, 佢可能似佢媽, 心情唔好就影響健康.
老兵係一隻百份百的門口狗, 狗眼看人低呢句說話好貼切, 我從來都對工人客客氣氣, 笑笑口, 怕我地唔在時佢地會比人虐待呀. 但就唔明點解老兵會識分朋友同工人. 朋友上黎探我地老兵好歡迎架, 仲會不停嗲人. 以前賓印還好, 只要佢地整日在廚房, 我在家時佢地唔好出黎, 唔好同我講野就ok. 如不, 佢可以不停咁追住佢地吠, 要佢地回去做野. 唐人鐘點就更慘, 我在唔在家都無分別, 老兵唔鐘意的人, 佢可以3, 4個鐘唔停追住人黎吠, 吠到人地走為止.
狗仔走咗，臨出門口嗰陣，媽同佢講，叫佢去做李家誠個孫，唔好再做狗仔．到阿妹走咗，佢又同阿妹講，陳慧琳鐘意女，叫阿妹去搵佢＾＾
回覆刪除[版主回覆01/27/2011 15:42:00]老兵病重在ICU時有信佛的朋友同我講, 叫佢下一世唔好再做狗了, 要做個堂堂男子漢, 大丈夫....
文字間還感受到你的痛,我都相信總有一天你地會再相見架.其實有好多人都會係寶貝走後揾傳心帥問問情況,可能會令你心中既痛得到安靜你都可以一試呀!
回覆刪除[版主回覆01/27/2011 15:47:00]多謝你的好意, 希望老兵已經或好快轉世, 如果要佢在彩虹橋等我, 太遠了, 雖然無人知係幾時.
看了很心酸很痛，感受到你對兵兵的愛及思念。令我也想起走了10個月的波子貓咪，時間過得真的很漫長很漫長。雖然知道很難做到但還是那句盡量放開點吧，Spicy現在很需要你的照顧及愛，加油啊！！
回覆刪除[版主回覆01/27/2011 15:49:00]今年太多不如意事, 其實在老兵走前已經有好多, 我當時還以為只要一家四口平平安安, 不用理會外間的風雨.....
放心, 我會沒事的.
無論過去或現在 , 妳快樂所以牠快樂...
回覆刪除[版主回覆01/27/2011 15:54:00]努力在做, 也希望可以令自己相信牠的存在.
你要 + 油, 明白你的心情, 之前我都令略過, 時間是位好doctor, 佢可以慢慢地 cure 你心中的傷痛...
回覆刪除記住, 你還有 Spicy !!!!, Cheer up!!!
[版主回覆01/27/2011 15:56:00]我想現除了時間, 真的沒什麼可以幫到我了. 放心, 我們會好好照顧Spicy的.
多謝您講俾我地知阿兵幾有性格, 幾權威. 所以SPICY 妹一下子失了9 生的MENTOR和玩伴.
回覆刪除[版主回覆01/28/2011 01:01:00]老兵唔走都唔知佢一直係mentor緊Spicy, 以前老兵在世時, 我已經想, 日後我再也找不到一樣咁可愛, 咁靚仔的狗狗, 但到佢走後, 發覺唔捨得的原來從來都不是佢的漂亮外表, 還有太多太多.
原來老兵係咁惡架?真係估唔到!
回覆刪除睇嚟辣媽你要帶辣妹去多D街街, 等佢心情再好d先得喇!
[版主回覆01/28/2011 00:41:00]哈, 咁又唔算喎, 在街上, 就算唔識佢的人都可以摸佢抱佢, 朋友就更加沒問題啦, 唔明佢係對住工人就不停吠. 不過都只係出聲, 就從無撲或咬過. 我想可能係一般訪客唔會不停搞我地屋企D野.
個心好痛…完全明白你嘅感受，時間會治療一切嘅傷口，傷口好返之後會變疤痕，見到會想起，但唔會再痛…衷心祝你地一家身心健康，兵兵會喺天上睇住你地架！
回覆刪除[版主回覆01/28/2011 22:59:00]多謝你. 我都好期待有呢一日.
心酸了. 無言.. oOOo 希望能早日放鬆心情.
回覆刪除[版主回覆01/30/2011 23:21:00]Sabu好多謝你. 印像中的老兵好像很久很久都沒笑過, 充斥在我腦海的, 都滿是老兵走前幾天受苦, 傷痛中的表情. 見到你這樣畫像, 老兵好像回到年青, 活力滿載, 無憂無慮的時候....
安慰說話不再多說, 道理你是明白的, 相信只有時間可以治癒你們的傷口, 希望你可以盡快放下心頭石, 好好地活下去, 繼續做一個開心人.
回覆刪除請你記住 Bingo 的英姿, Bingo 優雅的樣子, 快點忘記病容.
BBG 不停為你加油.
[版主回覆02/08/2011 16:17:00]多謝你. 你當日能勇敢地面對B爺離開, 永遠都係我的好榜樣.
原來已經一個月了，bingo一定會係彩虹橋快樂生活等你嫁，菠蘿同兵兵都係一樣去邊都要跟住嫁，嘻嘻
回覆刪除不過我覺得起碼你同兵兵之間有咁多快樂既回憶，依d回憶係好珍貴呀
都係個句，加油&take care ar, spicy ma
[版主回覆02/08/2011 16:18:00]多謝你, 希望那些快樂的回憶可以好快回來.
你個群腳仔無離開過你o架! 加油!!
回覆刪除[版主回覆02/08/2011 16:19:00]好想做到當老兵還活著, 常在我身邊.