還以為這個蛇餅只可以從日本郵購, 無論如何今次都等不到了. 不過都先訂一個吧, 因你永不知道何時會突然有需要, 就像今次一樣. 幸好Lolo告訴我原來香港都有得賣! 我立即打電話去問有沒有老兵的尺碼. 不過對方說要先找找看, 有的話才打給我.
今早查看Bingo的傷口. 啫啫不知為什麼瘀紅了, 還有少許膿.
因為附近的披毛都拈到了膿而乾了, 所以要定時為他清理.
等了大半天, 才收到店舖的回覆, 中間我打過去追. 於是我便著Youngman立即開車去買, 並照Lolo提議, 帶Spicy去做fitting model. 有時養兩隻身材差不多的狗都有好處呢.
在等Youngman和Spicy回來時, 我無無聊聊, 做了牛油曲奇, 不過真在搞不好那支新買的曲奇槍, 弄了一個下午, 反覆擠了很多次, 賣相實在不合格!
回來了, 得一個尺碼, 是最大的, 幸好我們只要加個頸帶, 就剛剛好了.
真的比那膠罩好得多, 老兵不再在家橫衝直撞了! 今晚我們不用再聽那刮牆刮櫃聲, Spicy又不用像見鬼般, 我們都應該可以好好睡一覺吧!
好了, 燈罩怪應該不會再回來吧...
Bingo手術後第一次飲水. 之前無論我們怎樣哄他, 有沒帶燈罩, 又轉用水兜, 他都不肯飲, 帶了蛇餅居然會自己走去水樽飲水!
爽嗎?
晚上牧媽打來, 原來牧牧也有一個蛇餅罩, 她還想拿過來, 真的很感動.
接著碧碧又送來了花膠型雞片給老兵補身, 我正好在放第一盆曲奇入焗爐. 趕得及拿幾塊給他們呢.
有這麼多朋友關心老兵, 他應該會很快康復的.
回覆刪除分享 多一次
[版主回覆08/10/2009 12:28:00]多謝. 多一次.
加油！
回覆刪除[版主回覆08/10/2009 12:28:00]一定.
戴蛇餅罩應該舒服好多，bingo可以好好的睡覺吧
回覆刪除get well soon！
[版主回覆08/10/2009 12:29:00]係吔, 之前個登罩令佢行動都唔方便.
原來帶了蛇餅係咁樣子! 我2年前在日本寵物店見過有得賣,但就是幻想不到狗帶了是會乜樣, 睇來真是好過用燈罩.
回覆刪除BINGO好了好多, 應該好快康復,放心!
[版主回覆08/10/2009 12:30:00]無啦啦真係無諗過賣, 但原來突然間要用就要急搵啦.
要清洗好傷口附近的位置啊... 可能會比較敏感呢...
回覆刪除現在bingo可以自己坐下來了嗎?
[版主回覆08/10/2009 12:31:00]哎吔, 好煩呀, 傷口就ok, 反而啫啫附近就麻麻煩煩. 今朝搞佢搞到返工遲大到添呀.
Bingo : 你有左個飛碟, 我地一齊上火星玩啦.... ...個飛碟真係好舒服架
回覆刪除[版主回覆08/10/2009 12:32:00]等好番要出黎格鬥一下啦哈哈.
個蛇餠仲可以比bingo"朗"住個頭訓覺tim bor!! 祝bingo早日康復!
回覆刪除[版主回覆08/10/2009 12:33:00]係呀, 好似都幾舒服咁.
大燈罩唔好掉, 因為冬甩有死點, lam到手仔, 大燈罩可以彌補不足.... 載了冬甩係十分好瞓架~ 你用咩同bingo洗傷口呀, 除了去藥房買生理鹽水, contact lens 的saline 都可以的.
回覆刪除[版主回覆08/10/2009 20:07:00]我地唔會掉住既, 因為呢個其實佢都可以整甩, 雖然我地已經加咗頸帶, 聯多個圈, 兩邊穿住佢. 醫生話保持乾身, 唔好洗佢喎. 有滲血就要返去睇.
bingo 精神也不錯呢! 過左最難挨嘅頭2-3日會好好多....
回覆刪除我果時為左唔比好立克lam傷口，又唔想用頭罩(佢會冇心機)，請左2日假全程金睛火眼望到實，再幫佢戴個噹噹，一響就即刻睇下佢有冇事~ 夜晚先戴番頭罩，呢個蛇餅都唔錯喎~
bingo加油呀! 早日康復~
[版主回覆08/10/2009 20:08:00]宜家佢行得走得, 又煩佢會抓會lam了. 我一向安全至上, 好狠心的, 因為我有個朋友就係見佢慘同佢除咗, 半夜在廳見倒狗狗自己拆咗線, 一地都係血, 要call急診....
用蛇餅舒服好多, bingo開心很多呢 !!
回覆刪除繼續錫錫
[版主回覆08/10/2009 20:09:00]係就係舒服d, 不過傳統果d其實安全好多.
Bingo, 加油, 好快會好番架喇 ~~~~
回覆刪除你講開果個蛇餅燈罩, 其實我都想買定一個 ~~~ 但又見D blog友話要係日本訂, 所以就冇唸lu ~~~
[版主回覆08/10/2009 20:13:00]原來訂都好方便咋, 我今日同小虎媽講, 唔夠10分鐘, 佢已經訂完!
你的小寶貝個樣都好精神喎,唔駛擔心啦!!
回覆刪除[版主回覆08/10/2009 20:13:00]唉, 今日先又睇完醫生...
bingo好似精神過spicy喎, hehehe...
回覆刪除[版主回覆08/10/2009 20:14:00]明顯啦, 直情精神過龍, 要睇醫生. 下一篇話你知.
Bingo帶住蛇餅罩個様、好似軽鬆和精神晒。
回覆刪除[版主回覆08/10/2009 20:13:00]係輕鬆過傳統的大喇叭既.
又有美食(典奇餅和"花膠"), 又有舒服蛇餅cushon, Bingo 好返後會否變了大懶蛇嫁?
回覆刪除[版主回覆08/10/2009 20:15:00]曲奇係人食架! 佢肯懶就好了, 至敝係過份活躍!
可能個蛇餅軟棉棉同唔會阻到太多視線,所以老兵都覺得舒服d!
回覆刪除[版主回覆08/10/2009 20:15:00]唔會阻到太多視線係真既.
那蛇餅應比膠燈罩舒適得多了,Happy做完手術後也用了那膠燈罩兩日,見她蠻可憐而替她脫下來,佢立即開心得多.我第一次見這蛇餅. 無論如何都希望Bingo早日痊癒,什麼也不再需要用啦! Bingo加油呀!
回覆刪除[版主回覆08/10/2009 20:16:00]我好狠心的, 因為我有個朋友就係見佢慘同佢除咗, 半夜在廳見倒狗狗自己拆咗線, 一地都係血, 要call急診.... 頭兩日唔係最危險, 手術三四日後傷口開始結蕉就最想lam同抓...
bingo~見到你傷口既相真係好心痛~
回覆刪除不過我知道你一定好快會好返！加油！
雖然我幫唔到乜野手，但我會用達之念力幫你架！
by the way，果個蛇餅晌邊度有得賣？我想買個黎看門口。
[版主回覆08/10/2009 20:17:00]今日比醫生拆咗紗布, 我相信你睇完仲心痛...真係好在响個肚度. 旺角果間五星級狗酒店有售.
呢個好好多.. 不過易唔易比BINGO 整走? 好像用手仔一甘就可以掉下來..
回覆刪除SPICY 媽整COOKIE 比BINGO 食一定好開心喇 !!! YEAH ! 個個都咁錫你.
你一定要好番呀 !
[版主回覆08/10/2009 20:18:00]係易甩過傳統燈罩架, 我地都加咗工 曲奇係人食架.
SPICY 媽 你D COOKIE 整得好靘AR ! 用得好好喇... 我都要學下先.
回覆刪除[版主回覆08/10/2009 20:18:00]第一次用曲奇槍, 都係擠袋易控制好多.
我和媽咪都擔心除咗膠燈罩後佢會不小心弄到個傷口，因此用紗布替她加工包紮著她的傷後‧不過數日後佢自己連五花大綁的紗布都有本事除掉；幸而那時的傷口已經埋口了才不用擔心咋！
回覆刪除[版主回覆08/10/2009 23:39:00]所以傳統燈罩雖然唔舒服, 但都有他存在的價值.
睇到 bingo坐唔安訓唔落既樣子, 有點擔心啊! 而家 bingo 訓唔訓到呀? 泰臣之前desex都用呢種蛇餅, 但係佢依然咀仔lam到傷口, 所以我諗你睇下bingo有無機會 lam 到傷口啊!
回覆刪除[版主回覆08/10/2009 23:40:00]lam就lam唔倒, 但用後腳就抓倒了.
我都擔心蛇餅罩會易甩 , 而且鬼馬既狗好快會找到死位去 r ...所以我地用番大喇叭 , 但就圍上海綿邊 , 撞起上來冇咁花咁嘈 lor !
回覆刪除[版主回覆08/11/2009 15:20:00]其實經我地加工之後, 已經好好多了, 同埋呢個餅佢真係唔抗拒, 所以都無想整甩.
呢個蛇餅實用好多, 紅色又靚..繼續加油!!
回覆刪除[版主回覆08/11/2009 15:20:00]都算係今年的best buy!
條頸帶好特別，仲可以枕住訓，一舉兩得﹗
回覆刪除個頸圈應該好軟熟, 又可以托住個頭仔...等佢可以慢慢地爬底睡瞓~~^^
回覆刪除我想問下..你個蛇餅燈罩係邊到買架?
回覆刪除我家小白都想買一個呢
[版主回覆01/05/2011 17:47:00]我在旺角Dogotel買, 但朋友在其他地方都買到.