到早上8時多, 我起來, 見他又站在我床邊, 很累很累, 搖搖晃晃的, 我叫他, 他會過來, 不過我不想做老爸的壞人角色, 否則兩個都捉不到他便弊了, 所以只能哄哄他, 拍拍他, 不能幫他躺下, 又要拍醒老爸來幫手.
昨晚為他除下手上吊鹽水傷口的紗布, 怎麼會這麼多血呢? 以前試過幾次麻醉, 吊過鹽水, 都不曾見過.
早上9時多兩人合力再幫Bingo躺下來. 可惜他都睡不穏, 可能是一想轉身, 傷口又痛了, 便立即彈起來, 一會兒又要上廁所, 因為昨天吊了半天鹽水, 晚上又吃雞粥. 大小二便都很多次.
早上10時多, 終於睡著了, 這一覺結果可以睡到中午, 我已早他一步不省人士了.
朦朧中聽見相機快門聲, 醒來看相機才知是老爸在替他兩拍照.
Spicy躺在我身旁陪我睡, 老兵不好, 她也沒好日子過.
中午我起床, 頭痛欲裂, 喉嚨又痛.....老兵又跟著起來了.
吃過雞粥吃過藥, 出奇地不到一小時, Bingo已經可以自己躺下, 是止痛藥的威力!
正當我還在想, 一天吃一次藥, 怎能維持24小時呢, 他好像已經沒事了.
中午我焗了個蛋糕, 三父子就在房午睡, 焗完蛋糕又輪到我去睡.
醒來看見老兵又好多了. 到晚上有人送Pizza來他還會跟著Spicy吠, 可惜Spicy太心急, 把他撞倒了, 跌在地上, 不過他很快便立即爬起來, 看來真的沒事了.
還會與Spicy一起討吃.
吃飽了, 老兵居然會反轉肚子, 撩老爸玩! 這是今天吃了止痛藥可以自己躺下後的第二個驚喜!
扭腰扭到老爸捉住他叫他停, 又怕他高興過頭, 扭到傷口都不知道.
以為我們終於可以放鬆了, 不過扭完腰不夠半小時, 居然被我發現他開始舔傷口! 大聲喝他都不肯停!
被我拍頭罵完面矇矇!
燈罩要立即要出動了.
下一步是要阻止他用後腳抓肚.
老兵, 你真係好叻叻....
回覆刪除[版主回覆08/08/2009 23:27:00]係啦, 劉生噚晚仲同辣媽講話狗狗比人忍痛能力強, 佢都唔信....
Bingo, 看你這樣精神真高興, 無論結果怎樣也要快樂地過日子呀!!
回覆刪除[版主回覆08/08/2009 23:27:00]多謝你呀. 呀bo走咗好耐無見你寫blog, 好掛住你呢.
老兵好嘢, 咁快就可以反肚撩老豆玩! 加油呀!
回覆刪除個燈罩係咪夠大遮到個傷口呀? 我有d驚燈罩個邊刮到佢個傷口呀!
[版主回覆08/08/2009 23:40:00]係喎, 無諗過, 要等佢試下lam, 度下位先知. 呢個燈罩好多年了, 好似由老兵閹用到宜家, 果時買大咗, 仲要剪短佢.
回覆刪除咁都好嘅，等佢多d好好休息..
[版主回覆08/09/2009 00:20:00]唉, 都唔係好忍心咋, 老豆頭先諗住幫佢除咗, 等佢抖下, 點知佢即刻鬼鬼鼠鼠咁, 我話都係搏唔過, 又帶番, 見佢想去狗床瞓, 但轉咗好多個圈都攞唔好個罩, 垂頭喪氣又走番落地下瞓.
老兵你要加油呀~~~
回覆刪除快D好番
[版主回覆08/09/2009 00:21:00]多謝.
呢排成日上唔到網，一上嚟點知咁大件事！
回覆刪除老兵，你要努力，快ｄ好返，我哋全部人同狗都支持你！
[版主回覆08/09/2009 00:25:00]多謝你毛媽. 唉, 就係撞完你幾次果晚兩個就出事了...果日我仲興高采烈嚇毛毛...
老兵，你真硬净生命力好强，呵呵，加油，好快就冇事架喇！
回覆刪除[版主回覆08/09/2009 12:43:00]但願如此.
bingo大小便点呀,唔好咁用力,小心傷口拉到。我地約了明日去。
回覆刪除[版主回覆08/09/2009 12:42:00]要定期除咗等佢去廁所架, 祝cookie早日康復.
Bingo, 你要乖d唔好整親個傷口, 唔好要爸媽擔心呀!
回覆刪除[版主回覆08/09/2009 12:41:00]放心, 在嚴密監管下, 應該無機會曳的.
忍心都要，佢個傷口唔少野，你都希望佢冇驚冇險埋口。
回覆刪除其實我見到佢張相都好可憐，如平時小小事實心軟放佢。
但今次唔同，唔好心軟，捱多1天2天就好好多。
唔係比佢又抓又Lum損，你想返工都唔安樂呀。
我地身為主人兼母職，係有責任幫佢地呢步，佢地係唔知自己發生緊乜事架。
狗狗係唔記愁的，放心啦，佢唔會嬲你呀。
呀兵，今日你點呀，好好多了，是嘛，要乖乖。
[版主回覆08/09/2009 12:40:00]噚晚如我所料, 都係無覺好瞓, 因為成晚都聽倒d燈罩刮牆, 刮門, 刮櫃既發發聲. 老爸成日有意無意又除咗佢, 我又要監佢帶番. Spicy仲好笑, 見倒呢個横衝直撞既燈罩怪就閃黎閃去, 就算在我床邊, 老兵在地下哄下佢, 佢都嚇到立即跳去埋邊. 放心, 燈罩呢家野, 我好狠心的. 早前見網友買咗個蛇餅, cotton做, 比燈罩舒服好多, 我都覺得好正, 但睇完就唔記得咗, 宜家好後悔無追住問人邊度買啦, 噚晚先知原來要在日本訂, 黎唔切了.
阿兵真係好堅呀.... 咩事Spicy個樣"謝"過阿兵好多咁既??
回覆刪除[版主回覆08/09/2009 14:13:00]鬼咩, 跑又比人鬧, 跳又比人鬧, 吠仲大獲. 好明白gigi的心情...呵呵呵...
你講起，係喎，可否去(宜家)or兒童店的棉棉蛇公仔，返嚟自己用針線縫起用呢？軟棉棉，該舒服好多...買條大蛇做....。
回覆刪除[版主回覆08/09/2009 14:08:00]你個提議都唔錯喎. 噚晚瞓瞓下諗過用咕呻做, 不過啱啱lolo話我知香港可能有得賣, 我宜家等緊店舖回復. 希望有佢size啦.
真是睇到心都痛埋,希望老兵快d 好返就好,唔好成日要兩老咁擔心
回覆刪除[版主回覆08/09/2009 14:07:00]有心, 我地會努力的.
Bingo 真叻仔 ! 繼續加油. 個燈罩好似大咗d, 論盡d撞來撞去都情有可原. Spicy暫時敬而遠之都好, 免撞親Bingo. 期待你們的康復好消息.
回覆刪除[版主回覆08/09/2009 14:10:00]頭先諗, Bingo好似好大件事咁, 生cancer喎 但諗深一層, 都唔係啫, 起碼佢都唔洗留醫, 好似Sunny, Noble咁, 一下子要住幾日醫院, Bingo呢d, 其實係碎料啦!
加油啦亞兵!
回覆刪除[版主回覆08/09/2009 14:12:00]一定. 要還你果餐飯, 恐怕要延遲了....等我地上星期仲牙斬斬話唔比你改期...
精神番咁多真係好. 你講果條蛇餅係勝利道有得賣. 叫doghotel.
回覆刪除[版主回覆08/09/2009 22:33:00]我地已經買咗番黎啦!
bingo, 好掂喎, 懂得玩同討吃 !! 繼續好下去, 應很快沒事架 !! 傷口還是要小心, 外面和裡面要給點時間康復, 玩斯文d囉 ! 乖乖, 錫錫
回覆刪除[版主回覆08/09/2009 22:35:00]今晚又差咗少少, 唉, 好鬼煩.
兵兵咁好精力撩啊爸玩真好呀，spicy媽可以放心啲啦！
回覆刪除[版主回覆08/09/2009 22:45:00]但一d都唔敢鬆懈呀.
Bingo, 為咗您辣爸辣媽, 我知您一定會努力加油 ! 早d 發現早d 醫 一定會無問題架!! 祝您早日康復 ~
回覆刪除[版主回覆08/09/2009 22:47:00]多謝晒.
兵兵, 加油呀~~
回覆刪除[版主回覆08/09/2009 22:47:00]一定.
後腳可以抓到真係好惡搞, 真係要好小心睇住呀...
回覆刪除Spicy 你認耐多一陣, Bingo 一好返, 你就雙陪奉還, haha.. ....e+ 就讓下佢先啦.
[版主回覆08/10/2009 00:33:00]用咗蛇餅可能唔會用後腳抓, 可能係平衡問題, 過兩日就知了.
回覆刪除這張床真是好舒服, 睇黎BINGO開始識訓,好快會好番