已經是深秋了, 但每天的氣溫仍有30多度, 今天看新聞又有人帶狗遠足, 導致狗狗中暑!
星期六
下午做了火雞肝小吃給老兵小椒辣吃.
火雞肝要用刀切成很薄的小片有點難度, 最好是刨. 這時用金毛四葉草送的刨薯片器就是最好幫手了. 刨剩的小塊頭尾才用刀慢慢"片"薄.
四個大火雞肝, 刨到很薄很薄, 出來都只得兩盆.
上次焗時用了太猛火, 15分鐘已經太乾了, 今次用了新焗爐, 加上熱火, 用100度爐了45分鐘, 效果好得多.
不過制成品出來只有這麼一碟. 沒所謂啦, 始終是內臟, 不像雞肉乾一樣, 一口氣不能吃太多.
別看它黑色一粒粒很難看, 拿起來其實薄到可以透光.
用上次No爺送的雞肉花膠盒入起有小半罐
星期日
早上起來見天陰陰, 快手帶他們出去吃早餐, 應該不會太熱吧.
誰不知剛坐下, 太陽便出來了. 回程雖然只是短短十分鐘路, 已經有千個太陽出在沿路等著我們.
回家時放了冰粒水給他們渴, Spicy開心到攬著不放.
不過老兵則不太欣賞, 寧願去水樽飲水
把冰水放到水樽前都不理我.
之後YM替老兵抺手抺腳, 小老頭開心到活像一隻puppy.
下午見家裡有兩隻超熟的香蕉, 於是做了香蕉合桃牛油蛋糕, 兩人吃不完, 明天還可帶回公司請同事吃.
晚上本來想帶狗兒一起出去吃飯, 還是覺得外面太熱了, 結果和昨天一樣, 只是兩人開車出去算吧.
一個優閒的週末就此又過去了.
小虎都好想食呀!!!!!
回覆刪除[版主回覆09/01/2009 22:16:00]下次有機會一定焗d好野佢嘆!
個香蕉蛋糕爆得好靚喎!!!
回覆刪除你真好, 成日係屋企整野食, 好心機
回覆刪除[版主回覆09/01/2009 22:14:00]無無聊聊咪整下野食囉.
好多好野食喎, bingo個樣真係笑得好甜好puppy呢~~見佢康復得咁好,真係好開心~~
回覆刪除[版主回覆09/01/2009 22:13:00]買咗個焗爐要盡量用多d嘛. 係呢, 我都覺得Bingo果個look好可愛.
我點解無你呢d咁好既同事既？
回覆刪除[版主回覆09/05/2009 01:30:00]哈哈.
香蕉合桃牛油蛋糕好正呀, 做得好靚啊!!
回覆刪除[版主回覆09/05/2009 01:29:00]多謝.
你個焗爐買得好抵呀, 成日都用, 我地屋企嗰個, 又舖滿塵嘞 !
回覆刪除[版主回覆09/05/2009 01:29:00]到交電費果陣, 仲抵呀.....電力公司話!
蛋糕勁正啦, 早知 sunday 個日出來 dinner 啦... 下次整無蕉既, 可能仲好味
回覆刪除[版主回覆09/02/2009 17:59:00]唔同食法既. 如果無蕉, 我就再戰戚風了.
個瓦水兜好靚, 個朝我帶了牠們去貝沙灣玩了一小時, 十點走時又係熱到爆, 餘下大半日都是在家休息為主. 過去2個月天氣太熱,我都沒有焗蛋糕好耐, 香蕉蛋糕真是好難整得剛剛好, 但我覺得剛焗好時是最好食.BINGO個樣仍像小朋友
回覆刪除[版主回覆09/02/2009 17:58:00]好似多年前在Q Pet買的, 有兩個, 一個已經打爛咗.
係喎, 我都好怕焗香蕉蛋糕, 但我更怕見倒熟蕉, 一定食唔倒, 所以除咗丟, 蛋糕係唯一出路.
老兵其實比Spicy更女仔.
焗肉干係咪好D 呀 ? 點解要焗呢 ?
回覆刪除[版主回覆09/05/2009 01:28:00]食下d唔同野嘛.
好有興趣知道甚麼是" 刨薯片器 "..... 火雞腎是否要雪到石咁硬才刨?
回覆刪除[版主回覆09/07/2009 00:00:00]http://hk.myblog.yahoo.com/Max-Bruce/article?mid=2334&prev=2357&next=2326 我地無將火雞腎雪硬呀, 溶咗雪就刨. 不過我估, 有d一個盒型的刨都一樣做倒.
可以見到Bingo的笑顏感到很開心呢！您時常弄的蛋糕都好像很好吃呢！其實熟了有梅花點之香蕉是有一種可以防癌的物質，所以都好有益的‧但如不幸患有糖尿病之人士便不要吃；因熟透之香蕉糖分會相對較高呢！
回覆刪除[版主回覆09/08/2009 11:27:00]我就係最怕吃有梅花點的蕉所以才用來焗蛋糕呢. 雖然知道長了梅花點的才有益.
真有閒情的weekend~
回覆刪除好豐富的美食
回覆刪除