今天是第六天, 我們的防守已隨著老兵的情好轉而放鬆.
第一次兩老都全日上班, 晚上才回家吃飯.
Spicy依然對手術後的Bingo十分感興趣, 總覺得他有點不似以前的老兵.
兩條大肥虫.
老兵就覺得什麼也沒發生過似的.
照樣咬骨, 反肚, 出盡法寶引人去摸他的肚皮.
四腳瞧天地請請?
比起星期一 (手術後的第三天) 他的傷口已好多了.
星期一那天雖然傷口已乾, 但整個肚都又紅又腫, 特別是那被手術到刮到的啫啫.
只是過了兩天, 真的有點不相信自己的眼睛, 我猜那支塗啫啫外面那紅斑的藥膏可以不用再塗吧...
看到左手面火車路的站頭打了摺, 可以想像到獸醫硬要把一個大洞縫合時的情境, 不是不知道將來康復後那個位置會否仍然有摺呢?
我剛剛拿了把尺去度過, 這條火車路足足有10厘米長....
Bingo的新花朵可以叫刀疤十了.
Spicy問: 老兵何時才好? 我已很多天沒出去, 很多天沒玩過捽交, 很多天沒跳梳化, 跳床, 因為家中的所有遊樂設施都被封鎖了....
SPICY, 等你亞哥好返先啦, 你亞哥好叻呀~~~ 勁
回覆刪除[版主回覆08/15/2009 00:30:00]望佢快d拆咗線無晒事就好了.
spicy，你唔使愁，你睇呀兵幾勁，眨下眼仔，就好似乜事都冇發生過，好快就有得四處去啦，而家咁熱，嘆下冷氣先呀，儍豬...
回覆刪除呀兵真係勁，第日不可再叫佢老兵呀，真係服左佢，咪睇佢成日比老媽話佢活在另一個世界，你米理，佢就有辦法化辛苦為樂樂，一d都冇愁過，反而你地活在現實嘅人類，就少少野叫苦叫地....
[版主回覆08/15/2009 00:35:00]係呢, 估唔到平日玩一陣就哎攰的老兵呢次就可以發揮佢的小宇宙. 可能真係同佢活在自己的世界有關喎, 咁佢就可以唔理世事, 自己休養. 又唔知會唔會因為佢今次只係開肚皮, 無開到內臟, 所以快好d呢?
spicy妳就等多几日啦,橫樹都落雨.
回覆刪除[版主回覆08/15/2009 00:38:00]落雨仲好呀, 我寧願玩水好過曬....
bingo等你好番之後就可以同 spicy一齊出街玩嘞。
回覆刪除[版主回覆08/15/2009 00:35:00]好在係夏天, 都唔會損失好多唧.
Bingo 真係好生性 , 無扮慘慘 , 應該係唔想你地擔心喇 , 不過 , Spicy 就反而好愁 , 佢地係咪懂 "移魂大法 " 架 !
回覆刪除[版主回覆08/15/2009 00:36:00]哈哈, 係喎, 都唔知邊個似病多d...
Bingo, 有我地老姑姐一日, 你都仲係小朋友一名咋, 所以你復完得咁快, 我地一啲都唔驚訝.
回覆刪除拆埋線, 休息幾日, 好出黎蒲嘞, 你個妹悶到吽茹嘞, 知無 ?
[版主回覆08/15/2009 00:38:00]呵呵呵, 真係無聽過人話老兵係小朋友呢, 你知佢在我地牧羊堆都算係得高望重, 得No爺大佢幾個月, 其他個個都係後生仔. 希望
望佢快d拆咗線可以出山就好了.
阿兵好似生猛過以前喎???? 係咪無左幾兩肉, 輕鬆晒?? 咁其實......呢個係咪抽脂手術黎架?????
回覆刪除[版主回覆08/15/2009 00:39:00]我地都懷疑佢喎....好似No爺雖然病完瘦咗, 但又精神咗, 又敏捷咗咁...
你嗲人r肚肚...好攪笑... 睇黎真係好好多啦!!
回覆刪除[版主回覆08/15/2009 00:39:00]yeah!!!
哇, 勁啊, 變番白雪雪喇 ~~~~~ Bingo康復速度好勁啊 ~~~~~ 加油 ~~~
回覆刪除[版主回覆08/15/2009 00:40:00]都算叫老而彌堅啦可....
回覆刪除老兵, 你唔好做呢d危險動作好喎!
[版主回覆08/15/2009 00:42:00]好似一條上咗水的魚....典典下咁. 不過唔洗驚, 佢個傷口好乾, 唔會爆架喇.
spicy, 等多幾日啦, 好快可以出關架喇!
回覆刪除[版主回覆08/15/2009 00:42:00]好, 我等!
見到 Bingo 咁貪玩, 好快好番哂可以出去玩喇! Yeah~~
回覆刪除[版主回覆08/15/2009 01:09:00]承你貴言呀!
見到兵兵貢生猛, 我地都開心晒呀!!
回覆刪除spicy, 你忍一忍, 好快又可以同埋兵兵一齊闖蕩漿糊架喇~~~
[版主回覆08/15/2009 01:09:00]好呀好呀, 我鍾意闖蕩漿糊...
Coco個摺成3個月都唔埋口重有血水, 後来我揾我個中医,開咗D野比COCO搽, 搽两次就好咗, 好神奇!
回覆刪除[版主回覆08/15/2009 01:15:00]你咁講又真係好奇喎, 可以算係神醫. 我地都無諗過老兵個傷口可以咁快埋, 真係喜出望外呢.
希望Bingo的傷口早日痊癒外，埋口得靚便最好了！
回覆刪除[版主回覆08/15/2009 01:18:00]哈哈, 都唔奢望d咩了, 只但求佢埋得好, 同埋兩星期後的report出黎靚就心滿意足喇.
恭喜晒!一切繼續順利
回覆刪除他: 小病是福
回覆刪除她悶到變咗啊福, 哈哈!
[版主回覆08/16/2009 03:29:00]spicy話, 其實小病是福果個應該係我先啱, 但今次所有人的注意力去晒老兵度, 對我好唔公平呀!
我其實又唔係好擔心, 反而是第一晚見佢嘔又唔訓,更加擔心,成晚都係訓左一陣,仲咳醒要食咳藥才訓得番! 星期5一早就帶牠去見獸醫PAUL,我講了牠前2日食過骨,佢一摸小腸位置就已確定有硬物. 我見佢咬骨,但唔見有幾大舊吞左. 等牠們好番真的要約出來見巳吓,但FOX好像需要長回時間才得,尤其是這幾日, 好容易變腹膜炎, 好易死,我鄰居隻狗在新年時就是因為吞左件硬物,又要開刀係小腸, 洗左2萬,但隻狗好快腹膜炎就左,所以下星期2接牠回家,真要好好照顧牠
回覆刪除[版主回覆08/16/2009 03:27:00]腹膜炎同開刀的事有直接關係嗎? 好多時就係咁, 狗狗有事, 主人用盡努力, 洗咗好多好多錢, 都係救唔番, 但條醫院數都係要找, 好慘.
老兵又係星期2拆線, 希望小FOX好快好似老兵咁生生猛猛啦.
祝 Bingo 早日完全康復
回覆刪除[版主回覆08/17/2009 00:25:00]多謝晒呀.
係因為關於腸,所以一感染到細菌,就會變嚴重
回覆刪除[版主回覆08/17/2009 00:26:00]oic. 咁你地真係要小心照顧fox了. 小心不要讓其他小朋友唔小心整倒佢, 初出院可能要分開困呀. 希望他早日康復.
Bingo 你好叻，好得好快，幾時出嚟威呀！
回覆刪除[版主回覆08/17/2009 00:27:00]應該快了, 可惜天氣咁熱...
太好了, bingo的進度真係唔錯, 應該好快有街街去啦, 加油呀
回覆刪除[版主回覆08/17/2009 00:27:00]一定會呀!