在日本回來時老媽都想帶Bingo去作驗血驗尿, 不過因為老爸要在奧運馬術工作的關係, 一直都沒有時間, 早幾天老媽突然想起原來我的週年防疫針到期了, 那便大家一起去吧.
昨天兩老已準備好了早上留尿器皿, 經過之前忘了帶尿, 連累Bingo捱一記在診所插喉抽尿, 兩老都份外小心.
我先到診所登記, 老兵就要等爸爸泊好車才過來. 不是否因為滔了Fedex廣告的光的緣故, 今天的我太受歡迎了. 弄得我混身不自在, 媽媽又顧著拍照, 我唯有撲到在旁的大隻叔叔懷裡, 還把兩隻前腿都踏在他的腿上!
大隻佬叔叔見我這樣可憐, 都不斷拍拍我安慰我, 媽媽見了不知好氣還是好笑!
這是大隻叔叔的其中一隻美曲, 叫彭彭, 十分熱情, 在診所不時追著我玩, 起初我只會避, 後來太不耐煩, 唯有對他露出我可愛的牙齒! 哈哈! 之後他便不敢再過來了!
今天還碰到小吉和紅豆呢! 我們是在毛媽的派對中認識的, 其實那天見到太多新朋友, 老媽一時間都不能全部認得他們, 真有點不好意思.
活潑的紅豆被老媽擄走了!
千醫生太紅, 老爸都等到發呆....
等了大半個小時, 首先見醫生的是老兵. 看他一副得戚的樣子, 好像肯定自己沒有問題似的!
千醫生在研究他的病情...
老媽告訴醫生Bingo最近下顎又再時常打顫, 而且眼睛開似有點白朦朦. 怕是白內障.
醫生說打顫可能是他牙肉酸痛的關係, 因為他口裡有幾隻「古玉」牙! 雖然他年紀不算太大, 不過都不值得冒險為得麻醉洗牙. 至於眼睛呢? 雖然老爸堅持Bingo的眼睛沒有問題, 不過結果還是要接受現實....年紀大, 眼球的晶體開始收縮了, 沒有什麼可以做, 不會影響視力的, 但絕對不是白內障.
千醫生為老兵抽了血及檢查過之後, 便輪到我作例行檢查了. 不過一如以往, 我老是不合作!
讓我跳下去!
千醫生見到我都縐了眉, 嘟了咀...
死也不要留在這張枱上!
抓頭? 難道他奇怪沒見過不肯讓他檢查的狗狗嗎?
想不想看看我有多害怕? 我都無病, 不要撞我!
不過無論我怎樣反抗, 這支所謂 "週年防疫針" 最後仍是要插到我的頸上!
兩老和千醫生說起去旅行的事, 原千醫生都準備帶和Dr Nina的兩頭小狗去旅行, 而且目的地更遠, 他們會去英國呢! 媽媽問, 英國那樣遠, 要十多小時機程, 那會去多久呢? 答案居然是7天而已! 不過Dr Nina會考慮將來到那邊進修, 如果成事的話, 到時他們的小狗便會香港英國兩邊走.
通常我們在老兵驗血驗尿之後都會在附近吃點東西, 遊盪著等拿了報告才離開, 不過今天診所太多人了, 醫生叫媽媽先回去, 因為他們也沒時間立即檢驗.
黃昏時診所打來, 結果Bingo的血液及尿液沒有多餘的蛋白, 腎功能一切正常, 腎臟的抗排斥葯可以進一步減少劑量, 不過心臟葯照舊. 雖然永遠都不可以停藥, 不過這對我們來說都是個大好的消息了, 今天飛走的近兩張金牛總算有點價值!
哈哈!Spicy驚得咁緊要既! 我直情當訓係屋企sofa咁反晒肚黎睇醫生架!!!
回覆刪除[版主回覆09/21/2008 01:45:00]無d"驚"持呀你!
哈哈~~!!!spicy好搞笑呀, 真係驚到咁樣呀, 不過真係好消息呀, 見佢哋有好轉, 真係好呀~~!!! 第日再一齊出嚟玩喇......
回覆刪除[版主回覆09/21/2008 12:04:00]我無病呀, 係個老野長期病患咋. 好呀, 我都好想同紅豆小吉跑番轉!
係 醫務所 都撞到狗... 都幾搞笑喎.
回覆刪除你地最近真係好紅呀, FedEx 狗狗有一只好似 Spicy 添喎 !
[版主回覆09/21/2008 12:03:00]好奇咩, 我地網上認識咗毛毛之後, 第一次見都係晌診所撞倒啦!
哈哈, Fedex果隻雲石牧羊只係似我, 不過其實佢同我係唔同品種: http://hk.myblog.yahoo.com/bingospicy/article?mid=11158
你咁搞笑嘅, 係吳醫生度又唔見你咁驚喎!
回覆刪除[版主回覆09/21/2008 18:30:00]吳醫生講我地d話嘛. 呢個泰國人講d唔知咩話, 好驚呀! 又可能見吳醫生時有你同Summer晌度幫我壯下膽!
一直只以為 Bingo個腎有事，原來心臟都有事呀？！
回覆刪除[版主回覆09/21/2008 19:51:00]又唔係喎, 我地都問過獸醫, 佢話心臟藥係要係保護個腎喎. 不過我見都好多主人黎配呢隻藥, 我估佢用途好廣泛啩.
spicy, 你點玩走佬都逃不過你亞媽的魔掌架.....哈哈!
回覆刪除[版主回覆09/21/2008 18:28:00]咁大個女都係呀媽同我入去, 老豆好多時都要看車, 但試過兩次呀媽要返工去唔倒, 老豆話如果呀媽唔晌度, 我唔係咁架喎! 呀媽真係未見過我可以冷靜咁對住醫生!
你又係星期六睇DR.TINT? 檬爸朝早帶奶奶狗狗去針灸. 撞你地唔到.
回覆刪除Spicy估唔到平時愛E牙的你，上枱驚到震。
回覆刪除12歲的小牧，比起12歲的玩具狗，體質係老d，我毛毛11歲做了最後洗牙，這幾年死命keep，今年問醫生，好彩冇牙石，d牙漬冇所謂，唔使洗，而且最好keep，將來都不要洗，怕受唔到麻醉劑(話佢老)，老兵腎不好，麻醉劑最好不用了。
豆豆上年又係眼晶體有d濛，Vet都和你話一樣，不是白內障，係晶體退化，做ma ma真係好多野擔心，哂少d太陽強光會好d。
看老兵開心自在模樣，證明你照顧有加，ma ma唔好比咁大壓力自己。
[版主回覆09/21/2008 18:22:00]你就好啦, 老兵上顎兩隻古玉大牙已經比瑪瑙侵蝕到完全見唔倒隻牙了. 所以佢個口差d仲大浸味過佢d poo!
你講得啱, 好多時我媽壓力真係幾大, 始終老兵係唔會完全好返, 好似揹住個計時炸彈咁, 唔知佢幾時爆, 近呢幾個月見佢無端端輕咗, 好驚係佢個腎功能又有問題. 但又未到驗身的時間, 好似無理由無端端帶佢去.
宜家又要再減藥, 話就話好消息, 但又好驚減咗藥會差番, 獸醫又話下次見佢會係半年後, 好驚如果到時真係差咗就半年先知, 怕到時又有排醫. 其實都知擔心都無用, 我地成日都安慰自己, 狗狗一過咗十歲就多一天都係賺咗.
有呢d炸旦病真係好大壓力，以前比高有羊間症，無時無刻，隨時隨地都抽筋，如果抽時正正在床邊(他最愛位置)，會抽住跌落地，驚佢撞到頭or骨折，所以那2年真係咩家冇日放鬆過，半夜聽見少少聲就嚇醒望床尾看比高，返工時間又長，又唔夠瞓，但都已是多年前事。
回覆刪除所以好明你苦處，你之所以成日帶佢地周圍去，都係唔想佢地做狗白過。
老兵除了腎病外，還有心臟病嗎？
但都唔好太down，因為你望住佢時，佢係知你同平時眼神唔同架，佢都會唔開心。
盡量愛他啦，這是最能又最易又是他最想的事。
[版主回覆09/21/2008 20:58:00]每次提到你的比高, 我媽個心都有點那住. 好明白你地的經歷, 真係唔係一般人頂得住. 我地都好驚果日會來臨, 唯有係望到時我地去得舒服d, 大家都唔洗咁辛苦, 呀媽成日都話佢好接受安樂死, 不過到真係打到黎時唔知係咪真係咁看得開, 肯放手.
之前老豆對帶狗去旅行都無咩霞想, 不過最近佢都改變睇法, 話都唔知老兵仲有幾多日子, 有得去真係應該要去.
千醫生咁好人你都驚
回覆刪除[版主回覆09/21/2008 20:58:00]唔明...
希望老兵可以長命百歲，唔夠食咁多藥！ 阿SPicy 平時d相好惡死ga ma 估唔到咁驚Dr.千
回覆刪除[版主回覆09/22/2008 12:44:00]哈哈...唔夠?
奶奶隻狗狗14歲多, 後腳一隻腳行唔到. 另一隻又唔夠力行. 攪到下半身要拖住來活動. 千醫生有提意有手術, 但狗狗年紀大又有心臟病. 而且博完呢一刀都未必行得番, 萬一博唔到就.....所以唔考慮做手術. 試下針灸可唔可以幫到佢.
回覆刪除[版主回覆09/22/2008 12:43:00]14歲幾, 嘩, 好開心, 宜家香港唔只人口老化, 狗口都老化, 不過真係好事呀, 希望人人都可以養到狗狗終老, 唔會只養兩三年就放棄.
Bingo對後腳都好差, 無咩力, 希望針灸真係幫倒你奶奶隻狗.
你哋預早幾耐book架...
回覆刪除家下媽媽book千醫生...book到冇心機...
我都希望bingo身體一直keep住...咁就係最好的消息....
2張金牛...小事啦..!!
[版主回覆09/22/2008 12:41:00]我無定預早幾耐架, 因為只係檢查同打週年針, 求其只要係星期六日就得架喇.
真係好得戚呀 bingo, 好似話緊 "無野既你同我定啦" 咁
回覆刪除睇到佢呢個 post 團大毛球真係勁想攬落去
[版主回覆09/22/2008 12:39:00]哈哈, 見倒佢個得戚樣真係可以令我地安心d.
千醫生而家真係好鬼full ar ~~ book親都起碼要成個星期 ~~~
回覆刪除[版主回覆09/22/2008 12:38:00]當年就係見老虎醫生係咁, 所以轉去睇千醫生, 由佢在太平道幫襯到佢自己開業, 宜家都係時候要搵多個後備...
真係睇吾出spicy驚成敢
回覆刪除[版主回覆09/22/2008 18:05:00]呀媽話我種族歧視, 以前鬼婆老虎醫生同中國人吳醫生我都唔係咁, 我唔鍾意泰國人....
尋日聽 bu-b 母后講 老兵又腳仔痛, 今日有無好 d 呀? 千醫生有無咩可以幫到老兵隻腳仔?? 我早兩年都成日腳仔痛, 嚇鬼死劉生.. 希望老兵快d好返..
回覆刪除[版主回覆09/22/2008 18:04:00]呀媽好內疚, 因為佢問醫生可唔可以唔剃頸毛, 醫生拉尾勉為其難就同佢在右腳抽, 不過都要剃毛 (唔明, 見其他醫生唔洗剃手毛架喎), 宜家就係果隻腳囉. 昨日比星期六見倒你地時嚴重, 其實晌診所走果陣都無野, 如果唔係都唔出黎添啦, 係出到黎先開始跛, 果晚返到屋企佢已經起唔倒身.
噚日明顯好過星期六晚回家後, 不過都係跛得好緊要 (差過星期六你地見倒佢果陣), 所以唔敢同佢出街, 唔知係咪抽血時整親條手筋定係個衰仔自己形住覺得痛. 今朝都係跛跛下.
我地諗住睇埋呢兩日都唔好就同佢睇醫生.
嘻! Thank you for your information
回覆刪除係「唔好！」
回覆刪除我星期日都打咗週年針啦，媽媽鬼咁多嘢問，吳醫生就同媽媽傾咗成半個鐘，我就係張枱上面行咗半個鐘 ，不過好在仲有ｄ姐姐陪我玩咋！我無你咁驚喎，可能我夠肉厚，打咗針都唔知囉！
回覆刪除[版主回覆09/23/2008 10:42:00]我都唔驚吳醫生喎! 係驚千醫生唧!
大隻佬叔叔好型仔!
回覆刪除Hi 我係彭彭爹地 大隻佬叔叔 呀 !
回覆刪除[版主回覆10/01/2008 01:01:00]你咁叻搵倒我既? 哈哈, 好在無晌個blog講你壞話唧....
祝老兵永遠健康快樂!
回覆刪除SPICY 真係好怕e生叔叔喎, 可能記得打針痛痛呀. 看來外國人帶狗狗去旅行真係等閒事, 多謝spicy和summer 媽媽還有毛媽, 為我地香港媽媽開先河, 等我地有多些信心發個好夢
回覆刪除[版主回覆10/03/2008 14:22:00]唔洗發夢, 只要有夢想, 凡事可成真嘛.