大家有否留意最近電視廣告中常出現兩隻牧羊犬? 一隻雲石色, 一隻啡白, 這兩隻狗令我最近出街時都被受注目.
今天到千醫生診所作週年檢查時, 所有的狗主一見我入門都圍著我說: 「Fedex 呀, Fedex 呀, 好靚呀你!」
唔....「/好靚」呢, 就常常都聽到啦, 皆因每次我和老兵上街時, 大家都會指著他說這句話, 不過從來都沒有人留意我, 為什麼叫我做: 「好靚呀」 「Fedex呀」呢? 甚麼是「Fedex」?
就連幾個助護們都捧著我的面龐問媽媽說: 「唷! 有否看電視? Fedex呀! 你呀!」
不過我有話說!!!! 不知各位小牧主人知否廣告中的那頭雲石牧羊並不是 Sheltie / Shetland Sheepdog (喜樂蒂牧羊) 呢? 其實那是一隻 Aussie / Australian Shepherd (澳洲牧羊犬).
這是 Aussie (澳洲牧羊犬)
下面是Sheltie (喜樂蒂牧羊犬)
其實我們是兩個品種呀! 就連爸爸也弄錯了, 說見到我和Bingo在電視出現....老媽看了後對他說, 你連自己養的狗狗都不認得? 啡白那頭確是小牧, 不過雲石色那隻可不是呢!
雖然Aussie都很美, 不過媽媽心目中總覺得還是Shelties最可愛的!
我地都有留意這個廣告, 個廣告幾好. 成個故事內容都好得意.
回覆刪除[版主回覆09/21/2008 02:30:00]係呀, 不過老公話呢幾日播果個係短版, 之前有個長d既版本喎.
我真係分唔出，剩係見有牧羊就鬼咁興奮，見到隻2色就話豆豆呀~~~~
回覆刪除[版主回覆09/21/2008 02:29:00]咁你地宜家識分未呀?
你唔講我都唔識分喎!!
回覆刪除[版主回覆09/21/2008 02:29:00]咁你地宜家識分未呀?
係呀, 媽媽睇咗好多次, 發覺隻雲石對耳仔&鼻鼻同sheltie唔同...不過又難怪啲人分唔到嘅, 上次喺太x道寵物疹所留醫, 都將我寫成Mini Collie...
回覆刪除[版主回覆09/21/2008 18:31:00]仲有, 你同老兵都係三色牧羊! 我都係呀!
我老媽咁醒, 梗係一睇就知雲石果隻係Australian Sherperd啦! 老媽都係覺得小牧靚D! 廣告人都識揀, 識搵隻小牧吸引隻Aussie , 掉轉既話, 就一d說力都無lu!!
回覆刪除不過我頭先都諗咩果隻雲石叫Fedex咩? 諗咗咗好耐, 先知原來係果個品牌既名!
[版主回覆09/21/2008 18:31:00]我媽都估若果係你地就一定分得出, 因為你同佢都係小牧癡!
我都以為係呀~
回覆刪除[版主回覆09/21/2008 20:14:00]hehe.....我都仲未識分英曲同美曲!
我媽媽一睇都知唔係我哋小牧啦...
回覆刪除其他野佢冇研究...牧羊就唔多唔少研究少少...
所以澳州牧羊..難佢唔到呀...哈哈...
[版主回覆09/22/2008 15:16:00]牧媽你係得既! 史立莎都應該難你唔倒!
其實我都知果隻雲石色既有 d 唔同, 但係又講唔出佢係邊種, 因為佢個嘴仔方形 d, 身形科 d, 唔同小牧嘴尖尖 ~ 原來佢係 "柯屎" 唔該哂
回覆刪除個身形同個面相其實我覺得有 d 似洛威 tim 呀~
[版主回覆09/22/2008 15:15:00]今日都有個同事同我媽拗, 話廣告果兩隻唔係小牧, 因為佢地大隻過我同老兵, 不過呀媽糾正佢廣告入面兩隻狗係兩個品種, 唔係大隻細隻既問題, 啡色果隻的確係小牧噃.
嘻嘻嘻, 我都認錯左tim ~~~~ 我尋晚重懶叻咁同我老媽講, 依隻咪係雲石牧羊law ~~~ , 哎呀, 真係醜死怪 ~~~
回覆刪除我老媽今次佢勁，佢真係分得出呢兩隻係澳洲牧羊~
回覆刪除自從個廣告出街後好多同事都黎問我老媽關於我既事~
大家突然對牧羊好有興趣~
原來係有咁既分別既!
回覆刪除[版主回覆09/22/2008 15:22:00]你唔係養牧羊唔識分一d都唔出奇呀!
對於唔係養牧羊的人, 唔識分都唔出奇.... 不過, Spicy 爸 & Bobo媽, 你地有無攪錯!!! 廣告一出, 我老媽第二朝返工已經被d同事猛叫星媽, 佢仲同d同事解釋果隻雲石唔係我果種, 隻啡白都係小牧, 同Joel 唔同, 佢當然係對牛彈琴... 家吓, 佢d同事仲成日叫我同Joel 做明星仔
回覆刪除我都係覺得SPICY種可愛d同靚d, 所以我都覺得英曲靚過美曲 可惜英曲的公仔很難找呢! 雖然我唔知佢係澳洲種,但我潛意識都覺得那隻跟SPICY不同的.... 真聰明啊! 薯媽
回覆刪除你解釋完後, 明白啦.....我都覺得aussie無咁英氣呀, 有少少似 Bernese Mountain MIX Border Collie.
回覆刪除你地係唔係講緊我呀~~~~哈哈哈哈~~~!!!!
回覆刪除