我們照醫生建議, 在狗狗注射狂犬疫苗後的三星期, 帶他們到診所進行抽血他驗狂犬病的抗體.
這次旅程的準備功夫果真熱鬧, 因為每次見獸醫, 都是3隻小狗, 5-6家長一齊進入診症室.
還記得那幾天特別冷, 天文台足足連續掛了20天的寒冷天氣警告, Bingo有生以來, 都未試過連續過了這麼久的嚴寒天氣! 不知是否天氣的關係, 那幾天我發現他的下顎不時在顫抖, 有時會顫到晚上發出像咬牙般的"及及"聲. 於是我便趁今天驗血時, 將此情況告訴獸醫.
結果獸醫也覺得Bingo的情況是因為天氣所至, 天氣寒冷, 令年紀大的他要多去小便, 身體內的水份排出, 不夠電解質, 所以才會不住打顫. 獸醫並說最好的辦法是替他補充電解質, 讓他飲電解水, 但因為他有腎炎的原故, 腎臟又不能分解那些電解質, 所以他吩咐我們要大量把電解粉調稀, 才給他喝.
一向認為狗狗不應該穿衣的我, 聽罷獸醫的見解, 覺得Bingo也許今次真的怕冷了, 於是第二天與他們到尖鼻咀遊玩時, 有朋友為牠帶了件披風. 最後電解水沒有給他飲, 只靠那件披風渡過這幾天.
抽血連加簽報告每頭狗收$1,500大元.
除了之前兩隻狗每頭$200多元的狂犬病疫苗外, 今次是付出的第一個大數, $3,000 (另加了約200元Bingo的診金). 其實那時我還未決定是否都帶老兵一起去, 幸好我們是在夏天出發. 心想, 就算日後不帶他不去, 都只是用多了$1,500元, 先驗了才算.
血液樣本將會被送往英國的化驗所進行, 所以一來一回, 要等好個星期.
現在我要做的事, 便是先要打好狗狗進入日本的申請表, 和為他們準備兩個飛機籠, 因為我要travel agent通知我們的"隨身行李"有多大.
電解水即係咩呀..?? 保礦力? 睇完你地既遊記其實我都想帶佢地去旅行..不過可能係下年或者再遲 d 既事......!! 而且我仲買左毛毛媽既書...覺得帶狗狗出去見識下都好..!!
回覆刪除[版主回覆08/16/2008 11:44:00]多謝支持呀毛媽呀! 類似保礦力啦, 即係electrolyte. 比狗狗飲的會係無糖, 用粉沖的, 有時肚痾痾得勁獸醫都會開比佢地.
老兵著到小紅帽咁, 好可愛. 返老還童呵!
回覆刪除想問吓, 一般3年才打一次 狂犬病疫苗. 而且因為入日本的原固, Spicy1年內打了兩次. 醫生有冇話會否有side effect?
[版主回覆08/17/2008 00:15:00]你搞錯喇, Summer先一年內打咗兩支, Bingo上次支係06年打, 所以理應09年先要, 只係早咗一年打.
Spicy呢, 就真係08年夠期, 因佢05年打過, 所以只早咗幾個月打啫.
只係Summer最唔抵, 一年內打咗兩支.
獸醫就話無後遺症. 日本就要求狗隻每兩年要打一次, 美國有d地方一年, 有d三年.
不過仲有一樣好緊要既野呢, 就係漁護署要求入境的狗隻一年內打過. (而週年防疫針都一樣, 所以聞說有診所叫狗主3年先同佢地打一次防疫針跟本唔可以達到漁護署的要求 (如果你要同佢去旅行的話...), 即係話就算你之前兩針無過到期, 都要晌打完針一年內去旅行, 否則入境就有可能要隔離!
反而日本都承認張驗血報告兩年!!! 毛毛媽都去信漁護署同佢理論, 但對方話獸醫覺得有必要! 死未!
可愛老兵變了粒大士多啤梨。
回覆刪除毛毛周不時都無厘頭震一場，約6，7年前起，天不怕，地不怕，就是怕迷你小飛飛(即蚊，烏蠅，小飛蛾，蜜蜂之類)。
估唔到狗會缺電解質，又識多樣野了。
[版主回覆08/17/2008 23:57:00]見全呢d飛野都會下顎打顫? 我成日以為顫係physical唔會係mental reasons....
聽到你解釋狂犬病疫苗的一切, 很是複雜...
回覆刪除多謝你給予的詳情, 又做少d research了. hehe...
[版主回覆08/17/2008 23:54:00]唔知係咪我講到一舊舊...
總之日本規入口的狗隻三年內要打過兩支狂犬病疫苗 (每支唔可以隔少過一個月)
香港就要求回港的狗隻一年內打過狂犬病疫苗同埋週年針仲係有效期內.
好可愛嘅士多女郎
回覆刪除