本來這篇網誌是打算在跟大家分享完整個旅程後才發表的, 不過我的心情實在太興奮了, 所以急不及待要說出心裡的感受.
正如我在毛媽的毛毛點點頭，答應和我一起去伊豆書中的序言說, 能夠有此旅程, 最大的功勞是毛毛媽. 沒有她的鼓勵, 我根本沒有信心可以辦到, 由開始搞手續到出發的前一晚, 她都在旁一直為我打氣. 我知大家和我一樣, 最擔心的都是年邁的老Bingo, 在我迷茫的時候, 亦有不知就裏的朋友一盆冷水臨過來, 說狗狗不會喜歡跟著我去旅遊, 為什麼要為著滿足自己的私慾而打擾到他們呢? 但毛毛媽的一句「你又不是我隻狗, 你怎知他不開心? 如果你準備功夫做得好, 我不相信會有什麼問題, 只要事事小心點便可以了!」
隨著今次老兵爭爭氣氣地平安會來, 我現在都可以信心十足的出來跟大家講句, 我可以肯定我兩只寶貝是100% enjoy的!
接著要鳴謝的是兩位獸醫, 第一位是這幾年來一直跟進Bingo病情的Dr Tint, 另一位是參與驗血及發出驗身報告的Dr Ng. 他們兩位都同時不斷給予正面的鼓勵, 並再三告訴我Bingo一定做得到! 尤其是最初當我還在猶豫應否帶Bingo一起去時, Dr Tint的一句 "why not?" 更是令立下決心. 我知如果這次我拋下他的話, 會令整個旅程都蒙上污點, 無論旅程有幾多姿多彩, 我都不能完全享受, 並且一定會後悔. 聽罷好友Sandie (Spicy哥哥的媽媽) 說: "要去便一起去, 一不大家都不要去", 我知我沒有選擇錯!
不可缺少的當然還有Youngman, 沒有 "他點點頭, 答應和我去北海道", 我一個人堅持也沒用. 上至當柴可夫, 下至搬運工人, 別忘了我們一家大大少少共有八件行李, 以及照顧兩頭小狗的每項細節, 他都事事做得比我細心. 由他最初抱著只是為了陪我完成一個夢想的心態, 到最後被Bingo和Spicy的驚人適應力感動了, 結果他都可以真真正正地享受這個一家四口9天朝夕相對的旅程.
出發前我做了很多資料搜集, 還幸運地認識了毛毛媽. 所以隨即坐言起行, 約獸醫替狗狗安排驗血, 填一大堆的申請書, 聯絡日本農林水產省及日通貨運 (安排回港宅運), 最重要的還有訂機票, 以至及後的租車, 編排行程等, 太多太多鎖碎的事,
在租車和訂某些酒店時我才發覺原來要懂日語才可在網上預訂, 但我又完全不曉, 幸好公司有個精通日語的同事可以幫忙. 當然還要再三講聲不好意思我們常常要打擾到毛媽問這問那啦. 我們構思這個旅程時, 正好毛媽也剛巧在籌備著到北海道作她的第二次狗狗出國之旅, 而且她會比我們早三個多月出發. 所以這樣我們就因利成便, 有了先頭部隊為我們打點了更多東西, 甚至連札幌的酒店都是她替我們預訂.
我回來後急切要與大家分享這次北海道之旅, 目的並不是想眩耀什麼, 只是想以一個過來人的心態, 對大家重覆毛媽對我講過的一句說話: 只要你有信心, 一定可以做到.
最後希望大家都能排除一切心理障礙, 勇敢地帶狗狗們走進夢想中的世界.
老實講, 我覺得可以同佢地去旅行真的很開心呢, 見到bingo, spicy同summer笑得咁開心, 真係咩都值得呀, 平時離開佢地幾日都真係好擔心好掛住佢地呢~~
回覆刪除[版主回覆08/09/2008 11:44:00]多謝你支持呀, 之前一直都期待住呢一日 - 我地成功歸來時同你分享心中的喜悅!
Spicy媽, 好多謝你嘅分享! 自從媽媽睇完你地嘅旅程後, 心情一直興奮! 既開心又感動! 這個夢想在媽媽腦裡只是一瞬即閃或只是紙上談兵, 正如你所講, 當中不少旁人質疑是否將自己快樂建築喺99痛苦上... 見到現在答案咁正面, 信心增加不少呢! 這個美好的回憶將留在你們一家心裡!
回覆刪除[版主回覆08/09/2008 16:35:00]我真係好開心你能夠分享倒我地一家的喜悅架! 期待住Brownie仔陪你遨遊四海的一天!
wow... I hope I will travel with my doggies too
回覆刪除[版主回覆08/09/2008 16:34:00]i'm sure you can do it if you wish.
能夠一家齊齊整整咁去日本旅行, 呢個夢想, 你地已經做到, 真係恭喜哂
回覆刪除ee 要多謝其他人, 我想spicy 同埋 Bingo 都要多謝你呢
[版主回覆08/09/2008 16:33:00]我都要多謝你支持就真!
我諗而家你係最清楚我去完旅行返嚟,張d相同行程放上網嘅心情,係好開心,覺得係一個好好嘅經歷,希望可以有更多嘅狗狗可以同主人一齊去享受呢個經歷,並唔係眩耀!
回覆刪除我都好開心可以識到你哋,有共同目標嘅人唔易揾架!
[版主回覆08/09/2008 16:39:00]我開心到由出發前一晚直至今日, 每日都只係瞓得4個鐘! 出發前同回程的一晚係因為太緊張, 驚有野做漏做唔足, 第一晚到達日本民宿時都唔可以相信己經同佢地到咗日本, 感覺好唔真實, 所以4點幾又醒咗!
我多謝你幫我實現多年的夢想就真啦!!
回覆刪除Summer媽
[版主回覆08/09/2008 21:51:00]千祈唔好咁講, 你出心又出力, 而且無你點點頭, 我都仲係在原地踏步!
無錯，只要有夢想，凡事可成真呀！！！睇見Bingo同Spicy咁開心，就知佢哋都好enjoy同你哋一齊去旅行啦！！
回覆刪除唔知小白又有無機會同Lolo一齊向世界出發呢？
[版主回覆08/09/2008 21:49:00]點解無喎. 只要你想, 小白願意跟你一起走遍天涯海角呢.
哈哈! 相信我係第一個潑冷水的朋友啊! 因為以我BoBo咁痴身, 恐怕在機倉同我分離既數小時, 佢可能已經精神崩潰暴斃左lu!!
回覆刪除雖然我唔會帶埋BoBo去旅行!(at this moment!) 但知道你決定要去時, 我都好支持你架! 見到Bingo & Spicy地咁開心, 就知佢地好enjoy呢個旅程啦! 連我都"鄧"你地開心呀!!!
BoBo媽
[版主回覆08/09/2008 21:52:00]咁又唔止你潑我冷水既, 你地都係唔放心老兵姐.
而你先係Bobo既呀媽, 你至會明白佢的感受, 所以我無打算遊說你, 改變你的睇法呢. 雖然有機會我都好想同Bobo一齊感受下外面自由的空氣.
帶著牠們旅遊是一次好好的經歷. 我想你會回味回味再回味. 相信你會好快上癮plan定下次旅遊地方.
回覆刪除[版主回覆08/10/2008 01:43:00]嘩, 傻啦, 要夾好多好多野, 天時, 地利, 人和決一不可, 再起程出發談何容易!
儍啦，說甚麼眩耀的話，無謂給自己一個包伏的壓力，有共鳴的人只會細心欣賞你影回來的靚相和無比羨慕，你應為自己在人生旅途上能完成一項心願，比甚麼都值得自豪呀，真不是人人能做到的。
回覆刪除我上年知有狗狗去旅行的消息也有考慮過，雖然ba b也會支持，但真的好多因素未能實現，例如我的體力，人雖胖胖，但得個樣，冇鬼用，氣喘問題，毛毛又不知能否捱過飛機那程，豆豆又痴身膏藥，等等........太多顧慮，總知想完成一個夢想，真是談何容易。
咁，你係咪應該自豪呀~
[版主回覆08/10/2008 01:42:00]唔好咁話自己啦, 我覺得豆豆同毛毛有你呢個肯為佢地犧牲唔去旅行的狗主, 仲更加應該自豪呀! 我都只係唔想丟底佢地先會想到一齊去.
哈哈..我都好羨慕你哋呀...因為知道你哋好開心...
回覆刪除雖然我都好想可以同佢哋一齊去旅行...如果可以一齊坐就好..
就算要我坐動物倉都okay...
但係我的諗法就真係同bobo媽一樣...
牧牧同606都係極度痴身...+極度細胆...
我都見過有人話d貓狗因為响機倉度受驚過度..
所以响我暫時未放低度呢個心理包伏的時候...
佢哋就無緣見識香港以外的地方lu..
不過...我都好讚成你哋繼續去旅行...
咁可以影多d相俾我哋睇...等我感受一下你哋的喜悅...
牧媽字
[版主回覆08/10/2008 01:39:00]都明白你地的憂慮, 如果唔係Dr Tint再三同我講無問題的話, 我都可能好似你咁諗. 未帶佢地坐過飛機之前都唔知原來狗狗坐飛機並非咩新奇事, 外國 (甚至香港) 都好多狗主不停帶狗四圍參加比賽. 至緊要係上機千祈唔好比鎮靜劑佢地食. 不過都係果句, 你先會知你地的狗狗雖要咩同鍾意咩.
我看了你的xanga~~ 我已下定決心，日後我有狗狗的話 一定會和他們一起到這樣美麗的日本！ Thx for your sharing~~~~ 到時，一定不停同你怎樣和狗狗去日本的方法及手續 hahaha~
回覆刪除怎會是眩耀呢？！這是你一直以來的心願，現在夢想成真之餘，又和大家一同分享你的喜悅，簡直一樂也！
回覆刪除這也是我的夢想啊，帶樂樂一起去旅行遊玩，那種感覺一定會比自己去更奇妙更開心，可否告知詳細手續嗎？
回覆刪除可以同愛犬去TRIP，真係一件非常難忘嘅人生经验，恭喜你呀！
回覆刪除[版主回覆08/10/2008 14:52:00]其實我的dream place係美加呢, 不過機程太耐, 對老兵係不可能了.
看到你們一家可以去到旅行真的好開心,這是人生同狗生裡好重要同值得回憶的事情,厲害!!!
回覆刪除[版主回覆08/10/2008 14:49:00]我之前都無諗過真係可以做倒.
HI, 你好呀! 我係由毛毛果邊LINK過架!
回覆刪除你講得好啱呀! 有信心就一定做得到!
我都會計劃帶我既寶貝去日本.
ALICE
[版主回覆08/10/2008 14:49:00]你好呀, 祝你事事順利, 等住你的好消息同靚相.
其實, 每個人對生活的要求都有唔同, 只要自已開心, 又何須太理會別人的睇法呢! 你今次的決定是絕對正確, 因為你為自已同Spicy & Bingo 創造了一次深刻的體驗及美好的回憶 我看見你們的照片都覺得好滿足... 好開心
回覆刪除[版主回覆08/11/2008 10:35:00]唏! 我又無理人點諗喎, 不過當時真係有d壓力, 尤其是當個個都都叫你唔好帶呀兵去.
您好！Spicy媽，對你呢個決定十分嘅支持……唔係，應該係#連腳趾都要舉埋呀#廿分支持至岩~HeeHee ！妳令我有好大感觸，可以同自己嘅心肝一齊去旅行確實唔係一件易事，可能喺過程上狗狗會有牠的想法，但我相信只要能夠同你哋一齊，必定是「開心」的，*你見佢哋笑得咁燦爛就知啦 *能夠同佢哋喺一片咁靚嘅大自然留下印記實在太難得，我四個小朋友就冇咁幸福喇~~一來資金有limit啦又為免留低佢哋喺酒店，玩都玩得唔安心~~所以我只可以留守香港~~ 所以你嘅分享好精彩！"正"呀
回覆刪除~~Spicy & Bingo，你哋真真真係巧幸福呢~~~記住要乖乖錫媽媽 & 爹爹呀
[版主回覆08/12/2008 12:12:00]多謝你呀! 你太謙喇, 我肯定你地四個小朋友一d都唔係唔幸福, 只要有爸媽的愛護, 我相信無論去唔去旅行, 只要大家一條心, 每隻狗狗都係全世界最靚, 最幸福的狗狗!
睇見你哋可以同 Bingo & Spicy 一齊去旅行, 令你夢想成真, 真係恭喜哂你哋.
回覆刪除如果我可以帶埋 Mo 仔一齊去日本就好囉... 因為日本係我同 Mo 仔爸最鍾意去的旅遊地方.
[版主回覆08/14/2008 12:06:00]如果你地鍾意日本, 就真係應該帶埋mo仔去喇. 日本其實唔係我的dream place, 只不過係佢近, 咁兩個宝貝就唔洗坐咁耐飛機嘛.
你好呀~~我的朋友幾日前給過我毛毛豬的網誌, 再從毛毛豬的留言中看到你們這個旅程, 我們亦已約好一行4人+3狗 (貴婦)到北海道, 但這個旅程十劃還沒有一撇, 因為不知由那裏開始著手好, 但心情已經興奮得不得了, 真的希望這個旅程能順順利利, 亦希望我的小狗能跟我一樣享受愉快的旅程
回覆刪除[版主回覆08/21/2008 10:31:00]你好! 你的3隻貴婦好靚呀! 4人3狗同我地上去去的組合一樣喎, 3隻狗都是你的嗎? 你朋友又幾好喎, 唔帶狗都同你去呀! 好開心呢. 你地打算幾多月去呀? 想清楚出入境手續程序的話, 我建議你買本毛毛媽寫的新書: 毛毛點點頭, 答應和我一起去伊豆 參考下, 你有問題留言比我地, 睇下幫唔幫倒你呀, 我當初都係靠毛媽呢支盲公竹, 先可以順利完成旅程咋.
你狗狗一定能感受倒呢份喜悅, 話唔定佢地仲開心過你呀!
多謝你的回覆, 毛毛的旅遊參考書剛剛從三聯買回來了, 其實我不是帶晒我三個寶貝去, 因為我的朋友也有狗狗, 加上可能只有我一個人去, 平時一個帶三隻去街街已經很吃力, 更何妨出國旅遊, 我唔想太大壓力, and then是第一次, 所以我只會帶一隻, 希望另外果兩隻會諒解我, 我會同佢地個心理輔導 (呵呵呵)
回覆刪除[版主回覆08/22/2008 00:11:00]oic. 唔緊要啦, 咁今次先帶一小狗去探下路, 第日掌握得好咪再去過囉. 我地兩日照顧兩狗都有點吃力架.
我都有隻小牧-fox, 佢現在都有11歲半, 雖然我沒本事帶牠去旅行,但我都曾經咁諗過,就係我身處加拿大洛磯山胍時,因為外面的世界有時真想與牠們分享,我好支持你
回覆刪除[版主回覆12/22/2008 16:45:00]多謝. 唔好講咩本事啦, 其實只要可以時時陪住佢地, 晌邊都一樣咁開心.
我想請問Dr. Tint 是否梳亞道個E生⋯佢地係咪都做出國驗血手續同験查？Dr. Ng 又在邊間診所？我要準備帶我個小朋友去驗血啦，需然未必去到⋯(因家人不贊成，意思同你一樣)但都験左先，免得以後後悔⋯
回覆刪除[版主回覆11/26/2012 17:48:25]Dr Tint 是梳亞道呀, 不過近年Dr Tint升格, 搵佢驗要加收約$600 consultation fee. Dr Ng在西貢, 其實一般診所都有此服務, 因為血是要抽去日本認可的外國診所驗, 唔一定要Dr Tint 或 Dr Ng, 你只需格價便可.
Spicy ma我問過，dr tint 間診所，佢竟然話冇做⋯唔通我話做血液樣本和出國健康檢查唔岩？
回覆刪除[版主回覆12/07/2012 10:20:06]我今年4月先問過, 佢地係架架喎, 血液樣本寄去外國化驗瘋狗症抗體. 香港多數診所都有做, 收費1500-2000不等. 日本承認的化驗所: http://www.maff.go.jp/aqs/animal/dog/lab.html
香港大多謳所都send去英國的Biobest.
唔通個護士唔知？等我問多次，因為九龍做依D檢查唔多，唔搵佢都唔知搵邊間，真係唔該晒你⋯
回覆刪除[版主回覆12/07/2012 17:47:26]唔好客氣啦, 其實我估你睇開的獸醫都應該識做, 據講佢地只係send個血液樣本比香港的agent處理. 不過你最好同日本農林省聯絡咗先, 比晒你之前兩支針的日期佢地, 確保唔洗再打, 因為之前兩支係唔可以過期的. 再問埋漁記, 就萬無一失啦.
因為我問咗問左睇開個間NPV佢話唔做，dr tint 個間又話自己有lab…唔洗send 去外國做；我真係比佢激C；我已經在上一次的有效期內打左新的一支；而家只要去驗血個part~
回覆刪除[版主回覆12/10/2012 11:35:09]咁都得? 但佢應該不屬人地認可的診所. 咁你下荃灣寵物醫院或享和獸醫診所, 兩間都應該做.
問過dr tint 個護士話要去美國驗血，而不是英國，其實是否一樣？驗血1500，抽血費80，醫生費300，填form 驗身350！臨行前再見醫生300再加滴frontline 杜蟲薬⋯
回覆刪除[Mobear回覆12/16/2012 01:24:04]收到⋯唔該晒你，因為打rabies到現巳經五個禮拜⋯真係不能再拖啦⋯
[版主回覆12/16/2012 00:20:11]咁你試唔試下西貢亞洲獸醫診所？之前就係搵佢，診金抽血費簽PC109都唔另收，佢地個agent係send去英國Biobest驗的。不過又係果句，自己跟緊D D form同追住個報告。
[Mobear回覆12/15/2012 11:10:56]我唔係咁既意思；有D野，我好似問完又問，問得太detail…我真係怕煩到你;因為時間緊迫（距離打rabies 已經過左5個星期).所以好心急；我當然想搵一間熟手做過的，但佢堅持話send 去美國（做開移民），而美國個間；香港是唔承認呀（只有日本承認）！所以我又要繼續問，繼續搵！
[版主回覆12/15/2012 02:05:25]唔好咁講，我有時講野掘咗d
我上次果間今年錯漏百出，所以之前你問我佢响邊我都敢唔介紹你了，反而提你要樣樣跟足D。
不過聽你咁講，個護士應該係熟手的，記得4年我第二次去日本搵佢地簽時（唔洗再驗血），佢地都未做過，今次識答咁你，佢地可能已做過好多，識續樣同你計。
上次荃灣覆我2000，雖然我唔知佢簽漁記果張驗血附屬form(PC109)會唔會另外收錢，但醫生費/抽血費應該唔會另收，你可以再格下價先。
[Mobear回覆12/14/2012 00:45:10]Spicy 媽，麻煩到你，真係唔好意思，只不過我見你地個個都係send去英國間lab 而佢又send去美國間lab,我有check 過⋯雖然佢美國個間曰本都承認但怕有所不同而個nurse又話好少做⋯但佢又好似講唔實每一樣野⋯我明白樣樣都要收$⋯我巳經不是指定要dr tint, 所以先打搞你問多一次⋯個nurse 有冇搞錯，希望你不要見怪！
[版主回覆12/13/2012 23:18:08]請留意我以下12月7日給你的留言回覆, 列出咗日本認可化驗所的資料. 咩國家都有. 你一定要熟讀日本農林省網頁提供的資料, 唔可以依賴獸醫或漁記, 佢地好多時忙中有錯,
各間診所收費不同, 之前同你講Dr Tint診所要另加診金沒錯呀, 如果指定要Dr Tint, 還要加600, 不是300. 其他有D診所未必收抽血費/醫生費/填form驗身費, 但驗血費唔同價錢, 你要自己週圍格下價了. 臨行前再見醫生滴frontline食杜虫藥簽FormC是按日本農林省要求, 要醫生再為你服務當然要另收錢啦, 但無規定一定要搵返驗血的醫生做, 之後還要去漁記加簽都要另外比錢架.