昨天是今年夏天以來最天的一天, 大家放狗時都要準備充足, 慎防中暑.
早兩年就聽過有主人用狗袋帶狗出街之後中暑, 去到獸醫處時已經反魂無術.
昨天又聽到有獸醫提起星期日亦發生同樣事件, 主人居然用黑色的狗袋帶著小狗遊西貢, 送到獸醫那裡時, 獸醫無論用電子或水銀探熱針都探不到體溫, 因為小狗的體溫已經遠遠超過探熱針的極限, 獸醫說他用了十五分鐘, 小狗最終都搶救不了.
同樣事件, 其實每年香港的獸醫診所都發生很多很多, 獸醫說舊年有主人帶了一隻剷光了毛的金毛去遊船河, 最後都是樂極生悲, 幾個曬得面紅耳赤的年輕人抬著已失去支覺的金毛去求醫...
獸醫見到我兩小狗一身厚毛, 正想開口時, 我便答, 你放心, 我家夏天長年恆溫攝氐24度, 他們未到下午六時不出門! 不過他說, 六時都是太早了! 而且一定要確保他們有足夠食水, 如果天氣太熱, 最好在水裡加點冰粒.
我見一到夏天, 整個西貢市都滿是拖狗的遊人, 心裡真替那些狗狗擔心. 別以為剷光了他們的披毛便可以放心和陽光玩遊戲, 其實此舉只會令他們更易曬傷. 而且就算太陽下山了, 曬了一整天的地下仍是十分高溫, 別忘記小狗不像我們有穿鞋, 而且他們都是貼在地行....還有, 大家就算帶狗去游泳, 也別以為可以在猛烈陽光下玩耍, 畢竟狗狗不會整天把頭也浸在水裡, 人總會見猛烈陽光便替自己塗太陽油.
有時真的希望政府廣告除了勸人們養狗前要三思外, 夏天狗狗出街都要停一停, 諗一諗!
D狗一中暑,就應該立即將狗搬到陰涼處 ,並即時通知獸醫,
回覆刪除然後馬上用濕毛巾披在狗身上而且還要不斷在毛巾上淋水(不要用凍水)
最後慢慢給牠喝水,然後先立刻到獸醫診所診治
[版主回覆07/29/2008 17:48:00]問題係好多主人根本唔留意倒狗狗已經中暑, 去到獸醫時已經太遲. 最無道理係好多狗狗根本係晌個狗袋入面活活地焗死! 舊年果個聽話係係搭完地鐵, 上到地面打開個袋先知隻狗已經垂死, 去到獸度都已救唔返.
係呀, 真係好危險...
回覆刪除氣溫太高, 真係帶狗出去玩都要諗清楚呀!
回覆刪除夏天都好少出街，太熱，在家最舒服，你看豆豆d毛幾豐厚，是長期處於乾爽環境，不是長開冷氣，只是盡量抽濕及保持涼快。
回覆刪除上次游水去到4點都好哂，但又不太焗，玩不夠1個鍾就走，回家發現毛毛哂紅了，心痛死，一下忘記毛毛剃完毛冇耐。
這幾天都熱到發瘟。
真係要小心d!!
回覆刪除係呀..所以家吓夏天我哋都要4點後出動..
回覆刪除一係就要超早...
不過呢排d天氣都唔得...
都係下午穩陣...
個個好似你哋咁就好啦...
其實好多人都會覺得狗狗多毛就同佢地剷晒佢, 但又唔知道佢地冇左d毛仲會更易晒傷....嘉嘉一出街就成日比人話佢d毛咁長, 要剷晒佢....
回覆刪除你講得好岩, 好多人都唔知自己隻狗有事, 到見到佢訓低先知出事.....依家天氣咁熱, 我都係帶佢地去玩水多d. 怕嘉嘉頂唔住.
Toronto冇HK咁熱，但同COCO去街我都会好小心，入袋都会帶3個冰包係個狗袋内，狗狗中暑真係好大件事！
回覆刪除呢幾日天氣除咗酷熱之外，仲好似透唔到氣咁，出街真係要好小心呀！人同狗都要...
回覆刪除聽你咁講, 夏天都係叫朋友仔回家開p好d, 特別你地細細粒, 直頭好似痴住個地, 日頭吸完熱既石屎地, 一冇太陽散番d熱出來好攞命, 你地行都係入黑先好出動啦!!!
回覆刪除冇錯,真係要明白狗狗係"夏季"及烈日當空下長時間,係容易比人類更易中暑,希望呢個訊息可以廣泛流傳就好啦．
回覆刪除真係熱到顛! 我Jose 完全唔想出去, 一痾完大小就即係閃
回覆刪除狗狗中暑真係大件事!! 我地除了游水和去室內地方, 去室外會等黃昏至出去. 最怕是樂極生悲咁就自責一世
回覆刪除我尋日12點鐘左右係西貢市中心, 都見到有人拖住隻黑白色毛既大狗, 係好長毛果隻 ~~ 隻狗行到一個舖頭門口有個陰暗位 ~~ 即刻趴左係地下唔肯再行啊 ~~~ 唉 ~~
回覆刪除通常都會帶定多d水比佢哋飲
回覆刪除