今天媽媽獲邀上薯家一起做勞作, 我當然歡喜到變 "連四萬" 啦. 因媽媽怕大聲公老兵在場的話會令自己精神不能集中, 又怕他的巨肺有機會驚動到鄰家召警, 所以只帶了我同行. 老媽, 你放心加入薯家婦女會研習社啦, 我會照顧自己的了.
其實我整天都當自己是薯家的女主人, 真真正正的達到 「make myself at home!」! 媽媽因為太投入, 所以都沒時間整頓我, 任由我四處橫行無忌!
看我樣子多神氣!
今天的戰績有...
- 用我細小的嘴巴, 但鋒利的牙齒, 試圖迫薯Don下台, 好讓我更易融入薯家;
- 四處霸佔婦女會工場椅子, 一時假扮Line長, 一時擾亂工人, 令好些工友要讓出半個座位, 甚至站著趕工;
我去薯家婦女會偷了張工場實況圖出來:
但最彪炳戰績的呢...哈哈哈...
- 便是我幫檬媽的蛋撻試味呀!!!! 不過很快便被Bobo媽發現, 並被舉報了....##@!@#!!
各位, 我今天很開心, 全屋只得我一個不停跳上椅上, 接近工場.
正當我樂極忘形之際, 突然發現有記者偷影! 後面的晞禧看到都鄒起了眉頭, 說我失策!
原來是毒王要影水珠, 影到我的嘴裡來!
工場放完晚飯, 一班女工又再重回生產線,
而我便...
等....寂寞到夜深...夜已漸荒涼...夜已漸昏暗...
晚上9時半, 老爸帶同老兵上來陪我一起等, 一入門, 見一班婦人拿著針, 不停在手上的綿偶插插插, 活像古裝劇裡的毒婦下降頭! 於是問薯爸: 佢地篤咗你成日, 你無頭痛咩?!
媽媽雖覺得好好笑, 不過手上的針還是不停地繼續插!
終於等到11時多, 庇護工場下班了, 這便是制成品喇!
讓我介紹一下:
從左起:
Bobo, 牧牧, Bingo, 晞禧, 再一個牧牧, 薯Don還有常與我們同在的薯妹!
我們向大家一起謝幕, 同人鞠躬!
等得我們一班老友都兩眼發青光! 好了, 終於可以收隊!
我和老媽今天都過了愉快及充實的一天, 要多謝薯家及想保持低調的義工好老師, 還有薯家提供給工友的豐富晚餐!
今次入唔到去庇護工場開工添，下次一定要早ｄ申請先得呀！！
回覆刪除小白話：Spicy姐姐，你好叻呀，食到蛋撻，下次不如一齊出動搵食吖？
[版主回覆07/06/2008 01:22:00]好呀, 我諗我地兩個聯手實天下無敵呀!
庇護工場個名唔係幾好,話晒我地都係一班靚太.做下手作仔.....不如叫...... spicy你作個名比我地呀! 你地唔怕我多雜物阻住你地就得啦,隨時歡迎再戰拮拮! 我想每年都整個蛋糕送比妹妹呀! 薯媽
回覆刪除[版主回覆07/06/2008 01:21:00]呀媽噚日都諗, 咁叫好似帶有歧視成份, 一於改晒跟大雄叫啦!
跟我叫咪係[婦女會興趣中心]!!!哈哈!!!
回覆刪除你改做[研習班]好聽好好多, 幾時到spicy面世呢??
整得好靚wor!! 下次教埋我都好wor!!
回覆刪除一日就起貨，真了不起，點解老兵係最肥的一隻(頭部)，身型最高大係BoBo，都好可愛，你是否做了工塲大主管？但又唔幫手，何解你有特權坐上倚。
回覆刪除另外想問Spicy媽，係咪所有動物眼睛，影相時用閃光燈，都冇法用防紅眼呢？我家連龜龜，魚及狗狗都眼會發光的。
[版主回覆07/07/2008 14:33:00]呀媽生手嘛, 所以整到老兵肉肉酸酸咁. 希望到我同老兵2號會好樣d啦.
我無特權架, 不過我細細粒粒, 鼠黎鼠去, 呀媽又顧住開工, 大家無我乎咋.
閃光燈如果唔直射, 小動物就唔會有紅眼, 但傻瓜機的閃燈只可直打, 所以無辦法, 除非唔用, 只推高個iso黎就 (但微粒會粗), 另一方法就係用大機的外閃, 咁閃燈就可以用反射黎解決.
晞禧笑點解唔大啖食哂成個蛋撻呀.
回覆刪除[版主回覆07/07/2008 14:23:00]呵呵呵, 都係知女莫若母.
我媽子成日都監視住你架! 你仲兇左薯don 兩次呀!
回覆刪除[版主回覆07/07/2008 14:23:00]人地咪承認咗用鋒利的牙齒迫佢落台囉....
點解無spicy你個狗形公仔嘅?你阿媽偏心啦!
回覆刪除[版主回覆07/10/2008 23:16:00]哈哈, 從來只有人話呀媽偏心錫我多D, 無人話佢偏心Bingo架. 本來佢想回家就立即整我, 但你知佢最近咁鬼忙, 有鬼時間咩!