今天是公眾假期, 又有攝影課, 老師索性改到戶外上, 既然是假期, 我們又索性帶同Bingo Spicy一起出動!
酷愛玩水的Spicy今次可樂極了! 一到步便不斷說服老兵玩水的樂趣!
Spicy: 你看河中很多小朋友, 大家都玩得很開心呢!
Bingo: 看似真的很吸引....
很有詩意的畫面.
Bingo今天除了跟Spicy落河之外, 也花了點時間與朋友們聯系友誼. 其餘時間都獨自去了探險, 所以照片不多.
而Spicy則不斷穿插於泥水與沙地之間, 深水淺水都可看到她的影子.
突然發現原來自己身處在一堆小樹苗中間, 不知是否可以吃的呢?
太陽下山了, 不過今天太熱, 人太多, 雲層太厚, 小狗太活躍....一堆堆照片拍得不好的理由.
腳下便是Spicy的至愛. 平常遠足, 單是見到一個小水氹, 她都會樂極忘形, 今天能夠身處在一個一望無際的泥灘....
白泥的magic moment.
我與幾個影友的剪影照, 你們可以猜得到誰是我嗎? 我自己那張當然是要Oldman幫手拍啦.
Bingo Spicy 當然也有剪影照啦.
挑夫Youngman - 今天沒有準備, 要被迫脫下鞋襪拿著走, 不過很多朋友都一早脫下鞋子走到水裡玩.
臨走前老師和大家都要與我家的兩隻泥鴨拍照. 他們都已經"種入"這些泥濘裡了.
Spicy: 我都愛看日落, 天天都可以來這裡便好了.
最後, 大夥兒轉陣到流浮山吃海鮮, 我倆就因為要應付這兩頭醬鴨, 所以便與大家告辭, 當晚要大清洗至午夜!
前兩天收到一個不幸的消息, 就是老師和很多影友當晚都出事了, 應該是食物中毒, 又發燒又上吐下瀉, 並已聯絡衞生署跟進事件. 希望大家最後都沒大礙吧.
這兩頭醬鴨免了你两老受皮肉之苦 。
回覆刪除[版主回覆07/08/2008 14:50:00]點止, 直情救咗我地一命啦!
HAHA~ 不知為何, 很多人愛在白泥影剪影照, 我也在白泥影過~
回覆刪除[版主回覆07/08/2008 14:49:00]我地一家大鄉里第一次去咋. 不過反幾多個鐘, 返去洗番雙倍鐘數 !
回覆刪除呢張相好有postcard既feel.. 好正！
[版主回覆07/08/2008 14:47:00]嘩, 從來都未試過有人咁話我d相架, 多謝你.
spicy, 呢次一心去做泥鴨, 玩得係咪特別痛快呢?
回覆刪除[版主回覆07/08/2008 15:10:00]你見佢d跑相就知啦, 直情忘我呀! 其實都唔係一心去做泥鴨, 之前Youngman要帶, 我話唔想佢地去做泥漿浴, 佢話佢會拖住唔落泥灘, 卒之我都係唔忍心見佢地個被困樣, 立即放生啦!
Spicy媽
我可以想像到，spciy身在泥漿中果個得戚樣...
回覆刪除不過真係難為你老媽and老豆返屋企同你地淨身....
[版主回覆07/09/2008 17:26:00]一放繩佢直頭好似仲咗六合彩咁添啦! 跟住唔止係兩隻狗, 而係成車啦, 兩老個身啦, 相機啦, 同埋成屋都係濕沙!
食物中毒... 咁你父母真係要多謝你lee兩隻醬鴨囉!
回覆刪除[版主回覆07/09/2008 17:24:00]係呀, 仲未覺得佢兩個咁旺我地!
嘩,白泥都帶埋佢地去,你地真係偉大!!
回覆刪除剪影如果再低角度d影,水平線就不會穿過人啦~
[版主回覆07/09/2008 17:24:00]係喎, 點解我諗唔倒呢? 淨係諗住天黑喇, 天黑喇, 要快手d. 又影又跳, 我又軟, 腳又痛....
又唔好話偉大, 我都覺得你成日帶薯don去泳池仲偉大啦.
日落的白泥原來咁有feel，好正呀，影子舞2位女士身體輕盈又柔軟，羨慕屎咩咩呀 ~(邊個係你)
回覆刪除你2隻似乎變了泥鴨了
你咁台舉我呀，10年前我還肯定跳得好輕盈，今天行路唔氣喘都謝天謝地啦，還未有人叫聲肥婆都已經要感恩呀，哈哈....
回覆刪除呢個係你，估仲有乜獎，哈哈.....
[版主回覆07/10/2008 00:03:00]你真係謙! 起碼等多兩個朋友仔估下先話你知!
youngman的相影得好好呀,剪影相都好靚呀,你都仲係好slim姐,彤彤放左榜,係佢自己去考的賽馬會體藝中學,等彤彤放暑假,同埋我兩去玩下,好掛住你地幾個呀
回覆刪除[版主回覆07/10/2008 00:03:00]D相全部都係我影架, 只係一張我跳的係Youngman影的. 彤彤咁叻女呀, 你地兩老都好安慰啦.
好彩有你地至幫你bama途過呢劫
回覆刪除[版主回覆07/10/2008 00:02:00]所以返家同佢地洗到半夜都唔可以有怨言啦!
spicy可以盡情玩水做泥鴨,係咪開心兼痛快呢！
回覆刪除[版主回覆07/12/2008 23:45:00]直情一路玩, 一路唱住 "我心感興奮!" 咁啦!
Spicy，咁你爸媽知道你哋救咗你哋一命，有無比番ｄ回報你哋先？
回覆刪除[版主回覆07/13/2008 21:30:00]hehe...今晚佢地食完飯帶咗d白灼蝦番黎比我同老兵食, 點知個衰公未開飯就偷咗食一半! 仲想連我果份都搶埋!
嘩! 泥漿浴...我兩老見到即刻嘩然....我一世都唔會有呢個機會 不過呢次泥漿浴就真係救咗你兩老免受食物中毒之苦
回覆刪除[版主回覆07/13/2008 21:29:00]咁你兩老就唔夠我兩老錫我地咁錫你喇!
好開心呀，可以係沙灘上跑步，一定好好玩，我咁大個仔都未去過，羨慕死狗啦！相影得你地好靚呀！ pitt
回覆刪除[版主回覆07/15/2008 16:26:00]多謝你呀, 好好反架, 快d叫你媽媽都帶你去沙灘反啦. 如果你都去, 肯定你d相仲靚呢!
唔好意思, 我想請問你0地影相0既地方點行入去? 我上次坐小巴入到白泥終站, 但係唔知點行返出呢個泥灘...
回覆刪除[版主回覆07/16/2008 22:54:00]應該在波記漁場對面, 沿住對面的引水導行入去就係喇. 我估小巴應該經呢個魚場.
真係塞翁失馬，焉知非福！ 係咁你有無請兩隻泥鴨食番餐好野咁呀？
回覆刪除[版主回覆07/21/2008 15:51:00]hehe....當然有啦, 因為啱啱壞雪櫃, 迫佢地食清貨大餐!
spicy媽小心d噃...
回覆刪除咁樣跳法...好危險呀...
食物中毒...??好在你哋冇去...
不過都希望佢哋冇事啦...
[版主回覆07/21/2008 15:50:00]hehe...返屋企隻腳痛咗三日.....
食環署檢查咗果間食肆, 話佢地衞生無問題喎. 果10個人無仇報添, 只可怨自己抵抗力弱啦.
你要多謝Bingo & Spicy救左你嘞! haha! 一睇就知呢個係你啦!
回覆刪除哎 , 都話 彭彭 同 spicy 一定係 friend 嚟0架啦 , 星期六下午 , 同個 衰仔 去咗 南生圍 行吓 , 個 衰仔 一見到個 泥水 " 乙米 " , 即時九秒八行落去 ~~~
回覆刪除搞到腳仔同肚仔都係黑蚊蚊 , 你哋都應該知道 南生圍 冇水洗手0架啦 , 唯有用濕紙巾幫個 衰仔 係咁抺抺抺 , 最後都比我响廢屋草叢搵到條好隱密0既水喉 , 先有得幫個 衰仔 大洗手腳同肚仔 咋 ~~~
所以你哋話 , 彭彭 同 spicy 係咪 friend 吖 ~~~
[版主回覆07/22/2008 23:46:00]嘩, 簡直係孖生添啦! 南生圍....唔玩水d手腳都可以整到黑mong mong, 加埋泥氹....oh.....
d相好靚呀~~~勁呀
回覆刪除