連續下了半世紀的雨, 忽然今天天氣超好, 是出海的好日子, 但是由於太久沒有出海釣魚了, 不知老地方的是否仍然一切依舊, 於是我與Youngman相約Bu-B公主父王母后, 先往碼頭探路, 待掌握好行程和價格, 下次才相約狗男女等其他釣魚愛好者認真的來個釣魚大賽.
未到碼頭時真怕找不到船, 從前試過風聲緊是一只船只許坐三個乘客, 四個人便去不成, 六個人去的話又要每三個人分坐一只, 真的不爽. 幸好今天的船家說四人一船沒問題. 遺憾是紅虫賣光了, 只有青虫與游水蝦. 風大浪大, 是測試傻瓜那防手震功能的好機會. 很久沒坐過海盜船, 小艇一直衝一直衝, 有幾次屁股完全被拋離坐位, 嚇得我呱呱大叫, 像坐上瘋狂過山車!
很多影友都愛拍青馬橋, 我今次的位置夠特別啦.
養狗天堂柏麗灣.
船隻高速開行了廿多分鐘, 到達目的地膠椅灣, 可以開始釣魚了. 第一個有魚上釣的是Bu-B爸, 石狗公一條.
Youngman第二個跑出, 結果不錯, 是條石班呢!
Bu-B媽都跑出了, 是什麼來魚呢?
原來是牛鰍, 結果大家認為它年紀太少, 要留待下次才來找它, 暫是放回海龍王保管.
我是最後一個有魚上釣的, 雖然大多都是石狗公, 不過之後都釣了一條石班.
結果今天成績太強差人意了, 我們轉過多個地方, 船家都不好意思, 又把船駛往狄士尼讓我們碰碰運氣, 她的結論是一連下了太多天的雨, 把海水都沖淡了, 一般清況都會比較差. 我就把今天的成績部份歸究於買不到紅虫!
很快又黃昏了, 我縱使多不捨得, 仍是要收起魚絲回航.
話雖如此, 不過一個下午, 都釣到差不多40條魚, 這些大條的會清蒸.
這堆小的呢, 便用來煮湯.
回到碼頭時見到一堆人在分魚, 嘩, 收獲是我們的幾倍, 而每條又是我們釣的幾倍大, Youngman走到對面魚具店細問, 原來魚是在大陸的領域釣的, 每位的價錢也是我們的幾倍!
最後Youngman把全部魚劏好, 煮完晚餐時已是九時半了. Bu-B爸亦趁Youngman準備晚餐時回家帶了Bu-B上來, 結果大家吃吃喝喝, 11時多才離去, 而我倆呢, 就善後到1時多, 今天認真充實呢.
釣厭了~
回覆刪除****************************
click > 8 月茶家有 1 個月大之唐狗仔尋家
約 1 個月大之可愛唐狗仔尋家 ~
請用私人留言 Or Email augustra389@yahoo.com.hk
好怕坐呢d艇仔，會暈船浪...
回覆刪除嘩~~~~你地已經好叻呢~~~俾我咪都釣唔到呀
回覆刪除[版主回覆07/03/2008 12:35:00]真係算好差喇, 同一地點, 我地試過一個下午釣到差不多100條, youngman淨係劏都劏到晚上11點!
小牧豬: 我爸爸都好仲意 fishing 架, 但聽爸爸講話媽媽唔仲意.....所以幾年都無去過啦..!! 不過釣完魚魚我同細老都會有魚魚食架 bor........所以我都好想搵機會叫媽媽帶我地去丫.!!
回覆刪除[版主回覆07/03/2008 15:06:00]釣魚好好返架, 快d叫你媽跟你爸去多幾次佢實會愛上呢.
咁曬你媽子居然著背心？有無燒焦呀？
回覆刪除我隔離屋3號仔都好鐘意釣魚，佢成日都分d魚比我地食架！
老媽多數用黎煲湯，心情好的話我都有份飲架！
[版主回覆07/03/2008 15:05:00]果日無諗住見人, 咪打出對麒麟臂晒下太陽囉, 傻啦, 你都無佢咁驚燶呀, 臨走前都叫Bu-B爸停車比佢買太陽油!
釣魚好開心, 但最怕就係返黎d魚唔知點算, 有又煩無又煩, 難得有人肯幫你個鄰居分敢d, 佢梗係開心啦.
係播, 點解果日佢地唔分d湯過我同老兵飲架....!
你地坐山板出海, 絕非[浪得虛名]喎, 咁搖法都唔嘔仲有收穫, 勁!!!
回覆刪除[釣魚]對我來說有段驚險經驗, 你地第日預埋我, 我再話你知. 哈哈!!!
[版主回覆07/03/2008 15:51:00]梗係啦, d人成日問, 點解唔坐遊艇呀, 但我總覺得係要呢d小船先釣倒魚喎.
咦, 你得閒要講我知喎, 一大班人去釣魚真係開心好多, 無魚上釣都無咁悶啦, 不過搵個訂方劏晒佢地就有d難道...
講漏左, bu-b媽唔出鏡兼高度防曬造型好專業喎..
回覆刪除[版主回覆07/03/2008 15:52:00]呢個造型確係work, 不過我當日見倒覺得好好笑!
我唔識游水，實唔會坐小艇。
回覆刪除都算有收獲啦，我覺得咁樣都好滿足了，好過全程空手回。
以前去親踏石角，人家釣大大條魔鬼魚回家蚊豬肉，我呢，就全家鷄泡魚一家七口都比我釣哂上來，再唔係又來全家大小藍蟹走哂上來，激屎。
[版主回覆07/03/2008 22:58:00]全家鷄泡魚一家七口都比我釣哂上來....
你地可以考慮下去拜師考返個劏河豚牌, 咁就全家都有口福啦!
都算幾好收獲呀！
回覆刪除嘩!會拋到屁股離坐位, 我呀媽都唔洗去lu! 佢實嚇到唔敢郁啦!
回覆刪除[版主回覆07/04/2008 14:25:00]嘻嘻, 係幾拋架, 可能係老媽近年已經好少出去釣魚, 所以廢咗武功, 以前佢好enjoy仲話好刺激添. 果日反而隔離的Bu-B媽仲笑佢V哇鬼叫.
坐遊艇的話係唔得閒釣魚啫, 又要游水, 又要曬太陽, 又要上岸玩, 整呢整那, 邊有時間坐定定等魚上釣呀, 釣到都會多魚得去邊, 分分鐘比哂船家免麻煩.
回覆刪除[版主回覆07/04/2008 14:28:00]我淨係覺得魚係會去島仔邊緣, 一石比較多, d水比較淺的地方, 但遊艇去唔倒, 只會晌海中心, 所以釣倒魚的機會無咁大. 以前細個跟爸爸公司去遊船河, 見佢都好少有收獲.
spicy媽
e...有咁多魚釣, 而且size 都ok wor !!! 係時候出動tim !!!
回覆刪除[版主回覆07/07/2008 14:40:00]咁就快手啦.
我諗我有10年無去釣魚.... 你哋今次收穫都唔錯
回覆刪除