今天是我打週年預防針的日子, 近來千醫生越來越忙, 很難預約, 誰不知今次居然只用等兩天, 媽媽預約時還以為要等下個星期六呢.
我們的習慣是無論誰看醫生都是全家總動員的, 所以一早起床, 我們先到葵芳取回要維修的吸塵機, 然後老爸開車帶著我們去佐敦找間茶餐廳醫肚, 狗狗可以入嗎? 老爸先找一間人流較少的, 抱著我入內問一下, 如果店主不介意, 老媽便入去找個角落陪我坐下, 先叫食物, 然後老爸再上車抱Bingo回來.
看我倆得手後幾招積!
吃飽後便啟程到診所.
每次都是坐滿人, 但今天真是例外, 還有一個驚喜, 就是碰見這隻超超超可愛的Toy Poodle!
其實近年Toy Poodle隨街都是, 不過這隻認真迷你, 只得2公斤! 而且兩邊耳毛留得很長, 驟眼看還以為是卡通片內的小免呢! 她的名字叫菲菲, 今年一歲半.
診所內的助護們都愛不惜手, 媽媽很辛苦才可搶過來抱一下.
想知有幾可愛?
我們兩隻大牛龜真是自慚不如!
不過旁邊兩隻黑色和灰色poodle的主人似乎不太滿意所有人的注意力集中在菲菲身上, 正當媽媽說菲菲是toy poodle時, 這個小姐立即說, 她已過了toy poodle! 菲菲的主人都沒有出聲. 媽媽好奇問, 難道她是屬於tea cup poodle嗎? 對方又沒有回覆. 雖然媽媽對poodle認識不深, 不過估tea cup身材應該再少一點吧.
事後助護對媽媽說, 這隻應該都是toy, 不過另外兩隻poodle主人認為她養的那兩隻才算toy, 所以便有所不悅啦. 其實只要可愛, 誰才是toy又有什麼所謂呢?
午後, 我們到了近來較少去的泰廸士餐廳吃下午茶.
今天天氣真好, 涼風陣陣! 又沒有其他食客, 我還是第一次和Bingo在那裡盡情地自由行呢! 
我最愛大風吹的時候!
Bingo, 快來與這隻正牌"門口狗"合照呀! 嘻嘻, 我雖不及菲菲討人歡喜, 不過站在這隻道具狗面前, 還是我較優勝呢!
Bingo:
Spicy:
媽媽:
老爸, 我雖不算袖珍, 不過勝在夠
而且表情多多, 你們都是愛我樣子
Bingo: 扮鬼扮馬我真不是Spicy敵手!
還是正正經經坐下來影相吧!
正當我在聞風喪跑時突然聞到.....枱上已傳來食物!
雷達要我立即調頭!
老爸的冰涷咖啡....
老爸說咖啡我不能飲, 但漢堡包還可以分一點給我和Bingo!
這是媽媽吃了一半才拍下的士多啤梨醬waffle.
眨眼又到黃昏, 要回家了. 本來爸爸還想帶我們到獅子會, 不過媽媽說今天不太在狀態, 還是下次再去啦!
嘩!真係超可愛呀! 細細隻好易照顧姐, spicy媽下諗諗佢呀!
回覆刪除你地真係好識擺甫士架WO﹗做最上鏡狗狗啦﹗
回覆刪除Bobo, 我媽都想呀, 不過一來邊有咁容易找倒咁既身型 (hehe...好似我咁難搵!), 二來老豆大力反對, 三來, 我仲更大力反反反對呀! 比佢入咗門, 我同老兵仲有掟企既? 靚太家肥, 唔係啦, 我地兩個一日都笑騎騎, 唔知醜就真!
回覆刪除你地係茶餐廳個樣, 好似等緊食雞髀薯條的小朋友咁, 好聽話咁.. 那些人擺明妒忌菲菲搶鏡，菲菲我老公都話你ｑ呀！ 係餐廳門口，3個伸脷那張相真係好正，你地兼職去做生招牌都得喎．．
回覆刪除有得入茶餐廳咁好!!養多隻咁大鑊，玩下就好!!
回覆刪除本來晞禧都係今日 (星期六) 早上十點九睇千醫生, 但星期三已去了睇所以星期六取消了, 如果唔係今日實同你見到面啫.
回覆刪除喂, 你响阿門口狗身上有冇嗅到我d味. 我星期三晚至去咗. 坐你則邊張檯之嘛!
回覆刪除咁都叫出咗成日街丫...算係咁啦... 我都係落咗樓下一陣咋... toy poodle & tea cup...乜有咁多分架咩..? 其實都冇所謂啦...好似我哋咁... shelties...我哋一樣咁多種size啦...一樣各有各靚...
回覆刪除點解仍然有咁多人介意狗狗身型係咪標準,係咪純種呢?????????
回覆刪除如果你去獅子會就會見到我喇！
回覆刪除咁介意佢係米純種或是乜乜乜..............愛狗有限吧!
回覆刪除Spicy鬼鬼馬馬又識擺甫士真可愛！ 愛狗嘅人係唔會介意狗狗係乜品種，街狗也可玩一餐架！
回覆刪除嘩~~~~可愛到暈呀, 我今日同brian係街見到隻poodle, 之後問brian我幾時可以養多隻呀, 佢竟然答我, 唔好再諗啦, 兩隻夠晒數呀~~ spicy, 你同"門口狗"影第一張相好靚靚呀~~
回覆刪除係咩品種有乜所謂喎，自己喜歡咪得囉！ 好似Lolo話斎：小白係Lolo心目中係最可愛嘅！(真係唔知醜... )
回覆刪除我媽子覺得, 每個主人都會覺得自己狗狗最可愛, 但係另外那個poodle 主人當著faye faye 主人面前批評faye faye 就非常無禮貌囉......... 以下係poodle 的一d 標準....比大家reference吓呀．．． ●體型﹕ 1.美國AKC[American Kennel Club]標準: 標準貴婦standard poodle 肩高點逾 15英吋 迷你貴婦miniature poodle 肩高 10-15英吋 玩具貴婦toy poodle 肩高 10英吋或以下 2.香港、台灣、日本、澳洲、英國等國家標準: 標準貴婦standard poodle 肩高點逾38cm 迷你貴婦miniature poodle 肩高28-38cm 玩具貴婦toy poodle 肩高低於28cm 3美國繁殖家私下制定標準: 玩具貴婦 toy poodle :體重6磅以上,肩高10寸左右 嬌小型玩具貴婦tiny toy poodle:體重4-6磅,肩高9寸 茶杯貴婦 teacup poodle:體重4磅,肩高8寸
回覆刪除仲有呢條ｌｉｎｋ．．．．有興趣都可以去ｌｏｏｋ ｌｏｏｋ睇吓有關ｐｏｏｄｌｅ 0既資料 http://www.web2go.net/teacup
回覆刪除大雄 , 搗亂我地就得 , 邊個請著我地都真倒楣 ! 晞禧 , 你地唔係睇開老虎醫生嗎 ? brownie, 星期三都有得去咁好 ? 牧牧 , 我地一係唔去 , 一係就出車架喇 , 行一陣又係要洗 , 但兩老覺得去遠 d 返黎洗腳抵 d 喎 ! 都唔知咩理論 ! mick mick, 我地都估如果去獅子會的話一定可以見倒你地是旦一個 , 唯有下次啦 ! 歡樂之家 , 文妮 , 多謝你 . lolo, 狗男女 , 江太 , 咁果個人又無話人地隻狗 d 咩 , 不過唔抵得就一定有小小 , 其實大家養咗狗咁耐 , 好多野都見怪不怪 , 所以菲菲的主人都無出聲 , 其實我都試過比 d 中牧人話我怪 , 係哥基啦 ! 我媽唯有當果 d 人唔識野囉 , 都費事教精佢 .
回覆刪除哥基????? 唔係呀化...spicy 喎, 灰色歌基.....個施奶定亞嬋/ 呆佬定大叔嚟嫁....你有無問返佢" 哦, 大嬸/大叔, 借問聲你又係咪人猿呀!!!!"
回覆刪除吓，哥基？？咁都得！！！我都試過比人話似雪橇...
回覆刪除吓. 雪hill~~~~~~~~~~~~~~~~~~
回覆刪除其實各花入各眼, 咪唯有當佢地唔識野囉, 我媽都費事擺錢入佢袋.
回覆刪除我地多數睇千醫生或者老虎醫, 邊個快就book邊個. 老虎醫生好難book!!! 所以多數睇千醫生.
回覆刪除菲菲很可愛嬌小呀! 但老兵好英呀! Spicy 夠嬌俏可愛! 還有暑假時我家姐一家從加拿大回港渡假住我家, 我到貴blog給姐看Spicy, 她也讚Spicy靚女呢
回覆刪除檬檬, oic. 我地當年都係因為搬咗屋 同埋老虎醫生太難book所以變節投向千醫生啦. 玻璃心, 嘩, 同我多謝你家姐呀!
回覆刪除我都被人話係"哥基"，我個friend明明係哥基d人就話佢係"矮腳牧羊"...... 可能我老媽遇人不淑啦，所以佢唔係咁鐘意d養poodle既人。 (當然11同single唔計)~
回覆刪除