之前有一晚行百佳見倒幾包本地牛坑腩, Oldman掙住話要買, 本來我只想買幾包牛肉比Spicy, 可惜Oldman遭反對, 佢話搵日佢自己去街市買, 仲靚, 不過到今日佢的承諾仲未實現!
以往我地只炆過急凍的牛肋條, 不過見呢兩包坑腩個樣酷似牛肋條, 咁就試下啦, 第一次用紅酒咋, 往時我愛用bbq sauce黎炆.
仲加咗紅蘿蔔, 番茄同洋蔥.
先將牛腩洗淨, 抺乾水, 然後用粟粉撈暈, 好似撈炸粉咁, 用植物牛油加橄欖油略煎一下, 然後放入煲中, 同一隻鑊再爆香一半洋蔥 (另一半待差不多炆好才落, 咁d洋蔥就唔會全部都熔晒啦), 加入蕃茄及紅蘿蔔略炒, 加d水煎一會, 滾後全放回牛腩煲中, 加入紅酒一大杯, 及茄汁(或茄膏), 再加水, 鹽, 炆焾就得喇. 我仲用咗真空煲, 溫咗兩小時先再攞出黎煲一小時, 落埋另一半洋蔥, 掂!
咁岩Double媽上黎, 仲搵咗佢黎試味.
我一路食, 一路諗, 唉, 狗狗又唔岩食, 如果佢地可以一齊吃就好啦. 誰不知食飽飯之後......
Oldman入咗廚房煮飯比佢地吃, 佢習慣等狗狗一邊吃才一邊執碗, 一來廚房無位, 二來為Bingo一見我地執碗就會吠. 我就入咗房上網. 當我出黎時就見倒 - 嘩, 隻碟咁乾淨既? 有一半汁無咗???
因為有d碗阻住, 如果唔係, 隻碟應該洗得仲切底!
枱面仲有碗紅米飯, 係留比Spicy晚餐的. 不過個賊仔一d都唔感興趣!
賊仔今暈開心啦, 又酒又牛腩, 晚上Oldman煲紅豆沙又比碗佢. 唉, Bingo真係老了, 早幾年只有佢會上枱偷野食, 佢試過威到擒上枱, 偷咗我d滷水鵝掌上天台慢慢dap!
淨咗既牛腩仲可以做埋我第二日的午餐, 烚d貝殼粉, 一半撈牛腩, 一半係賊仔的晚餐!
一句講哂, 唔係氹你...好味...係真0既.. 嘩, 仲有紅豆沙... but 碗我食埋嘛...(hehehe...老實唔客氣...咁熟....駛咩鬼客氣呀呵..hehe ) double為食老媽子
回覆刪除鬼咩, Oldman10.30先話要煲咋, 我反對都無乎, 煲落咗先發覺無果皮, 附近三間超市都係收10點!!
回覆刪除嘩.. 睇完即刻知道聽晚食咩好...正, 唔洗諗 但牛坑腩唔係成日見, 牛仔骨得唔得呢??? 同埋, d 蕃茄燜完係咪熔晒呢??
回覆刪除哈哈哈! Spicy話你唔買牛肉比我食, 我就食你地既紅酒燴牛坑腩! 仲正!
回覆刪除狗男女, 無牛坑腩用牛肋條或者就咁牛腩都好過牛仔骨喎, 都未見過人攞牛仔骨黎炆, 因為咁薄, 一陣就散晒啦, 點炆成個鐘呀? 我見過肥媽私房菜有集佢個仔上去煮係用牛柳添. d蕃茄係會溶得七七八八架, 得番d皮, 想唔溶晒的話唯有好似我d洋蔥咁留番一半最尾先落啦. Summer, 個衰女越黎越大膽, Bingo老咗返而規規矩矩.
回覆刪除10 點幾先嚟煲, 幾時得嚟有得食呀...紅豆沙唔係又要浸林d 豆, 又要煲一段時間咩... 你地今朝紅豆沙做早餐呀...
回覆刪除11:45睇完最後親聞就一家四口一齊食囉. 無浸豆喎.
回覆刪除呀.. 我唔知有無記錯呢, 好似話如果吃豆類食物, 越浸得耐, 食完有"氣"0既機會就越會減少...咁...你地一家....夜晚...有無....成晚......响"on"呀...
回覆刪除嗄? 未聽過播, 都唔係好make sense....anyway, 答案係無的.
回覆刪除我真係响唔知邊樹見過嫁...下面個link, 馬豆糕果part 都有提過....喂...响on 啫....唔駛怕醜喎..哈哈哈 http://www.veg.org.hk/Happy/hr_dsd.htm
回覆刪除有住家飯食係最幸福的事! 薯媽
回覆刪除好俄羅斯feel, 好想食......... 紅酒唔怕出野咩... spicy, 你好勁幫爸洗左半隻碟, 下次要快手d嗎??? 哈哈.. 肚痛你就實比人鬧死..
回覆刪除邊個話Spicy無斷正呀! 我從房出黎時佢仲伸長條頸lam緊個碟! 我喝佢, 佢於是就之之助助去聞下碗飯, 死都唔落地, 真係厚面皮! 薯媽, 有住家飯食唔係最幸福, 最幸福係 有人煮 住家飯你食. 好懷念小時呀媽煮飯的日子, 每日放學最主要工作都係只瞓晏瞓, 瞓醒就有得食.
回覆刪除大雄, 好奇怪, 噚晚無出過風癩喎, 可能因為無出過街, 每晚我都係回家就入門口就發, 好似係因為個人relax咗就出咁. 紅酒其實炆咗咁耐, 咩都揮發晒, 無得留低. 辣酒一煮就上枱, 酒精重好多. Spicy係鐡肚皮, 一年都唔會肚痾一次, 至多係食得草多嘔架唧! 同老野Bingo的玻璃肚剛相反! 江太, 呢個理論真係未聽過呀, 你出面食紅豆沙人地都唔會浸咗自煲啦, 莫非你食親都不停响on?
回覆刪除你個炆牛餸可以放d紅腰豆三角豆之類, 咁就更有營養.. 紅豆沙係咪用真空煲煲, 我就實用, 因為好快有得食, 擺完, 再明火滾多10mins就掂.. 分享: 我整馬豆糕的馬豆都係用真空煲焗稔, 水滾放豆, 滾一陣, 擺真空煲, 唔洗15分鐘就可攞出來用, 又唔怕滾潟和睇火, 你下次想煮稔d豆都可用這方法. 其實冇真空煲就用番焗稔通粉那方法一樣得, 煲粥都可以..
回覆刪除大雄, 你講的應該唔係真空煲, 係壓力煲下化....我無呀! 我用的就真係真空煲, thermos果種, 不可以摼時, 只可以摼火, 實際上更費時, 煲湯炆野要煲幾個種我就會用, 但趕時間就真係唔掂喇. 我都知紅腰豆有益呀, 不過可惜我唔愛吃...有時沙律見倒就迫自己食埋.
回覆刪除江太Double 豬 , 腹 部 脹 氣 或 放 屁 多 ， 原 因 很 多 ， 例 如 ： 1 . 大 量 食 豆 類 及 澱 粉 類 食 物 。 2 . 服 多 量 維 他 命 C 。 3 . 胃 酸 缺 少 。 4 . 消 化 脢 缺 乏 ： 造 成 消 化 不 良 。 5 . 食 物 吸 收 不 良 。 6 . 對 食 物 過 敏 ： 乳 糖 不 耐 症 、 對 牛 奶 過 敏 。 教煲紅豆沙, 浸係想縮短煲的時間.. http://hk.knowledge.yahoo.com/question/?qid=7007030500726
回覆刪除Spicy, 我的係膠那種燜燒煲 (即真空煲), 想快煲10mins, 擺入真空煲30mins, 再煲10mins, 再擺30mins, 再煲10mins, 飲得(大概咁上下方法), 咁做就可縮短時間, 因為你加左熱力比佢. 唔係屋企咪又它擺都冇所謂..
回覆刪除大雄, 嗄, 咁咪即係我同緊果d呀? 唔似係壓力煲喎, 因為壓力煲據講只需10分鐘就可以煲好紅豆沙, 4分鐘可以炆焾雞亦...但你呢個方法我見你前後煲咗30分鐘, 係咪快過就咁枕住煲30分鐘? 係又摼倒火又摼倒時間喎, 因為我咁枕住煲都煲咗個幾鐘啦.
回覆刪除牛坑腩???? 同牛腩有セ分別??? 睇個樣都知係正嘢, 唔怪得 Bingo 吃到汁都唔放過
回覆刪除Spicy斷正.. 為食妹抵死..
回覆刪除CaMa, 我都唔知牛坑腩同牛腩的分別呀, 但個樣好似係坑腩薄d. 我都係覺得急涷的牛肋條好d, 快焾d.
回覆刪除我早排都少少想買壓力煲, 但這個唔爛都唔想洗成千元又買一個回來.. 碧碧佢買左, 半個鐘整好炆牛尾, 唔知oldman聽完會唔會想買番個呢??
回覆刪除你真係知佢心意, 次次行親百貨公司見人做示範我倆都心思思, 不過一諗到我地平時一星期都煮唔倒一餐飯, 屋企大中小煲加埋都成十個, 唉, 都係唔好嘥錢啦. 不過你買就抵用喎, 你多煮愛心晚餐嘛.
回覆刪除Spicy,偷食咁大膽媽媽有無打petpet呀？我唔係好識炆嘢，唔知要落幾多水至啱？
回覆刪除賊仔曳曳呀，打pat pat!
回覆刪除spicy真孝順, 用條脷幫oldman洗碗.
回覆刪除咁大件事...要報警先得~
回覆刪除有冇偷埋俾bingo食呀...
回覆刪除歡樂之家, 我都係求求其其架咋, 一唔係不斷加水, 一唔係就水汪汪要臨尾開大個火黎抽番d水. Lolo, 檬檬&牧牧, 個衰女好厚面皮, 話佢都係面矇矇咁. 如果佢偷埋比Bingo食, 我就真係唔得佢死, 佢自己係鐵皮肚咋, 唔係累老兵呀. Parco, 你咁耐唔出現, 閃咗去邊? 不過你個blog的底板好靚.
回覆刪除睇來我的煮家飯疫症已開始漫延緊, 去到你家變左種做海鮮煮家飯疫症, 再傳給jose媽, 劉生佢地..
回覆刪除我估我地都差不多收手喇, 噚晚Oldman話煮海鮮已經煮到悶悶地, 要搵d新意思喎.
回覆刪除壓力煲又慳火又慳時間真係幾好架, 我家姐用左幾年都讚不絕口, 30分鐘就煲好老火靚湯, 一於叫oldman買番一個, 咁下次即慶玩煮飯仔我地都有老火靚湯飲啦!
回覆刪除買啦買啦! 咁咪可以搞吓新意思囉!! 我地又有口福喇!
回覆刪除Turbo Bobo, Summer, 你地咪玩啦, 要買都係你地買先啦, Bobo媽你家姐話好用就應該聽家姐話買番個啦, Summer媽咪, 你係時候要做個好煮婦考敬下Summer爸爸, 你少煮飯都係因為廚具唔齊, 有咗呢個煲呢, 你好時我地又好!
回覆刪除我地買左啦, 不過老公係都要買套"獲"+蒸籠, 唔肯買煲, 咁佢係"一家之廚"緊係佢話事啦!其實佢都唔煮飯都唔知買黎做咩 BoBo媽
回覆刪除bobo: 啊.........那即是你有壓力煲加壓力蒸籠? 唔....你爸一出手, 就誰與爭峰! 我等我等! 要不要我幫你做下資料搜集, 看你的武器可以弄點甚麼菜色?
回覆刪除