Cotton四歲喇, 年年生日佢老爸老媽都會好重手咁招呼大家, 我地試過食意大利菜, 又試過豪吃燒烤, 又試過去小丁站, 今年就係清水灣+角落咖啡店晚飯.
不過因為媽媽要整野比狗狗食, 但又手腳慢, 所以下午無得去玩!
我媽整的八星拌月南瓜撻! 係咪好有排場呀?
Summer媽咪整的壽包, 我媽都有份幫手加工架!
Bobo媽焗的吞拿魚薯蓉批.
當然唔少得Jose媽咪焗的大蛋糕啦! 嘩, 今次居然有兩層!
佢地仲整多兩盒餅餅黎.
睇下呀盾幾開心!
大家排隊同壽星仔影合照先!
先有佢老婆Double
佢舅仔Single
Bu-B公主
唔知點解好似苦瓜乾的Bobo
Jose同媽咪
全場年紀最大的No爺
Summer
我哥Tanbie & 大山婆Gigi
仲有我, 不過我只想快d食晒面前d野!
本來只有老兵同呀盾合照, 不過我唔執輸, 又要涉番享中間, 我自己跳上黎架!
呀盾一家三口開心到牙唔見眼.
切蛋糕喇!
大家都排排坐, 等開餐!
最開心真係Cotton媽!
佢地食完到我地! Cotton爸好好心機將南瓜批切開.
口快有, 口慢無! Tanbie話我咁矮, 要擒高先得喇!
食完野又影下相啦! 我的全家福.
呢個係Jojo, 唔係成日見倒佢架, 佢有大party先會出黎. 佢屋企有個妹妹, 同佢媽媽一樣樣, 好可愛的!
Jojo的全家福.
Gigi今晚又比人洽, Single跳起黎咬佢, 不過以Single的身材, 簡直以卵擊石呀!
老兵成晚都好開心.
兩個老坑合照.
No爺.
我唔發癲果陣個樣係咪好甜?
Bu-B的全家福.
主人家.
Joel & Friends一家四口.
仲有Summer一家
同我姨媽哥哥地.
不過哥哥唔係影相同食野時就好似好攰咁播.
Bobo又係好唔精神, 可能係下午沖完涼, 跟住又去跑, 無電喇.
Jose就一於少理, 伏享路中心攞舖屎等人影!
有甜品送喎, 不過可惜我地無份! 媽咪話好好味!
大家影番張合照就散band返屋企覺交豬喇!
唔好漏咗影Cotton的回禮, 係佢媽媽親手焗的餅餅, 好好味呀, 我同老兵第二朝一早起身就合力搞掂咗一包!
沒有留言:
張貼留言