晚上因為要去游水, 所以今晚唔可以出去食, 於時焗完餅餅就走, Oldman回來接力煮晚飯. 上次的辣酒煮花螺都幾好味, 所以今晚可以encore.
八點幾游完水上來, 在電梯已經見到頸部有兩個紅印, 其實近來每晚吃完飯返來腰和肚部都有小許, 但沖完涼十零分鐘就會散.
沖完涼出黎吃飯我都心知不妙, 因為紅印蔓延到背部, 心口, 大脾都有, 雖則我一向對海鮮無敏感, 但咁情況下又辣酒又海鮮.....
噚晚仲買倒大蜆, 荃灣無大雄買的咁平, 要$14一斤. 油鹽水粉絲煮大蜆, 咦, 居然好味過禾輋大排檔.
encore辣酒煮花螺, 可能就係我噚晚的至命傷!
清炒西洋菜
本來Oldman仲想買魚, 不過佢發現原來銀包無錢了, 唯有返到屋企加個清雞湯蒸水蛋.
一路食, 我d風癩就一路擴展, 好似世界地圖咁, 好立體呀, 倒咗半支無比滴都唔得, 仲越發越突. 唯有敷冰袋啦, 一面飲冰水. 諗住如果上到面部, 我就要去醫院喇, 因為驚會蔓延至氣管, 又已經10點幾. 靈機一觸, 就打比Pazu醫生啦, 可能佢屋企有藥, 又住得近, 佢放12點嘛. Pazu都話無上頭就唔洗睇醫生住, 最後Oldman就出咗去葵芳接佢放工, 順便攞藥返黎. 誰不知佢返到黎, 身上的癩都差不多退得七七八八了!
你對咩野敏感呀?應該唔關食海鮮喎! 不過好彩何醫生住得近, 有咩事即刻call佢過黎就得啦!
回覆刪除OOO.. 又嚟荃WAN 買送.....又唔叫埋我....
回覆刪除係咪d酒太勁, 煮時未揮發得哂???? 我樓下都冇大蜆賣啦!!!! 連bb都冇隻, 螺都冇想效發你的海鮮餐瘟疫都唔得添..
回覆刪除我樓下係$10斤, 兩斤$18, 真係平好多, 幾十個%, d海鮮檔真海鮮價..
回覆刪除敏感呢家野都煩擾咗我接近兩年, 基本上我要日日食藥先唔起, 一起就癢到想死.... 我都無晒符!! 食咗藥又好眼瞓 (雖然話隻藥應該唔會眼瞓, 但係我食咗真係好眼瞓, 起唔到身, 個人好似遊魂咁! 好慘!!
回覆刪除江太, Oldman返屋企時永遠都係即興, 都唔知佢老人家愛去邊度買架. 大雄, 買一斤就唔覺貴好多, 不過噚日買兩斤就好大分別啦, 我地28, 貴你差不多三份一! Jose & Bobo, 以往我只對四環素敏感, 試過有次腫到好似隻龍蝦咁, 返緊工都要立即打的去養和, 所以睇醫生時要話佢知, 但呢排又無食緊咩藥, 都唔搞咩鬼, 差不多日日都腫一暈, 酒不嬲都係大忌, 平時我飲啤酒都會成身一撻撻, 所以噚晚腫緊黎, 肯定係d酒再加一把啦.
回覆刪除一向冇敏感...點會突然會生風癩架..? 有冇順便問吓醫生咩解究呀..??
回覆刪除都好嚴重下, 會唔會對泳池水(chlorine)敏感?
回覆刪除牧牧, 所有皮膚敏感近99%都係成因不明, 我近排都無連續接觸過同一類野, 醫生就問係咪我屋企, 但我通常去到停車場, 未上樓就已經發緊, 連上次Cotton生日會番黎都係咁. Brownie, Oldman又係咁估, 不過唔會掛, 我日日都有落去游水咁滯, 噚日下午想去再證明一下, 點知落到泳池就啱啱關咗, 因為雷暴警告, 出門口打落去問仲有開, 激死!
回覆刪除你又敏感????? 好長手尾喎...要唔要睇多個醫生問下..
回覆刪除真係同病相憐呵... 千醫生話我, 唔係日日都做開就一定冇事, 突然間對o個樣o野敏感都有可能. 或者係build up, 或者係 突 發... 咁你而家駛唔駛日日食住藥呀?
回覆刪除佢唔發我唔食架喇, hehe...今晚我又會去碗屋, 諗住帶埋d藥去!
回覆刪除薯爸食多幾隻蝦已經敏感啦,不過呢啲無得斷尾,唯有忍啦!
回覆刪除今晚再戰碗屋回來, 全程勁食魚生, 串燒同火鍋, 一路都無發. 但一入門口, 就發覺整個肚腩都又再一撻撻了, 幸好沒有蔓延, 只係去到大脾, 到宜家個幾鐘了, 都未散. 我見無前晚咁不斷擴散, 所以都無食抗敏藥, 尤得佢!
回覆刪除係唔係落得太多酒去煮呀? 我細佬飲酒都起點點架, 下次吃少啲啦
回覆刪除應該係出緊時再加咗碟辣酒啦, 呢排都要忍下口, 噚晚個肚都半夜都係好似地圖咁, 背脊半夜又起, 搞到我要叫Oldman幫我攞無比滴.
回覆刪除下次你真係要忍口呀！
回覆刪除