早幾個月我Spicy生日時有朋友仔送了包豆腐曲奇給我, 令媽媽靈機一觸, 今次嘗試用豆腐焗餅給我吃. 因怕單是豆腐可能太淡, 所以還加入了芝士, 效果不錯呢.
材料: 麵粉兩杯, 脫脂奶粉1/4杯, Parmasen芝士20gram, 低脂植物油兩湯匙, 豆腐半磚 (瀝乾水), 雞蛋1隻 (半隻混入麵團, 半隻塗面).
先將Parmasen芝士刨碎 (像芝士粉), 麵粉過篩, 加入奶粉, 豆腐也要過篩.
全部材料混合半隻蛋揉成麵團, 太濕的話可能要再加粉. 用餅模印好, 再掃上蛋汁, 用180度火焗50分鐘至金黃色便成.
嘩嘩嘩~~~好吸引呀~~~連我都想食呀~~~
回覆刪除好靚呀? 其實用豆付整甜品、會唔會無味架? 我都想試整豆付芝士cake
回覆刪除餅餅.. (唱:) 我等著你過來... 我等著你過來...
回覆刪除文妮姨姨, 我都好想請你吃呀! CaMa, 我都驚淨係用豆腐會太"寡", 狗都唔"吼"...所以在餅中加咗芝士, 你芝士餅都有芝士應該得啦. Brownie: 又唱番隻國語歌你聽: 能不能讓我, 陪住你吃, 既然你說, 你肚子餓...
回覆刪除HEHEH.. 好好味呀呀, 老媽子啱啱睇到肥媽私房菜, 敎整人0既tofu 芝士cake...都好好味呀呀...
回覆刪除WAH~ 唔好比我2隻小鬼見到...唔係一定會漏夜走去你屋企偷食!
回覆刪除我未整個ｃｕｐ模餅，上次攪ａｐｐｌｅ批塊皮都好難攪，唔知係咪天氣熱，軟哂好難撕．． 你用一般麵粉／高粉／低粉整ｃｕｐ模餅？？因我都想試下．．
回覆刪除大雄: 整餅用中筋粉, 比批皮易, 因為少好多油, 而且細細件, 易handle好多, 反而我因為開住冷氣黎cup, 好快會乾硬晒. elaine, 我兩狗無你咁乖呀, Bingo老人家有時嫌焗得硬唔"吼"架. Spicy雖然無Bingo咁為食, 但就最比面, 係我的餅餅粉絲. 柏仔, 咁點係呀..... 江太, 等你的製成品!
回覆刪除Parmasen...但我哋果d本身已係碎... 咁點再整成粉..? 我哋上次試整過豆腐餅...但失敗咗..
回覆刪除牧牧: 我買大舊的用個刨刨成粉, 我嫌買碎的唔夠碎, 而且成日整, 我覺得大舊襟擺d同經濟d. 失敗咗? 會唔會係你要求高咋....
回覆刪除睇到都想食，如果我用多士爐(細)做唔做到呢？好想試下親手整餅餅俾樂樂食！
回覆刪除係咪99都食得架........
回覆刪除歡樂之家: 我未試過用多士焗爐焗餅呀, 不過聽d狗友講好似唔多得, 因為多數個面好易燶而入面都未熟, 不過你可以張麵團搓薄小小試下. mydoggieshop老板娘: 係比狗狗食架, 所有Spicy新煮意入面的食物都係.
回覆刪除快啲去我個 blog 度, 我有嘢俾你玩
回覆刪除唔該哂，試下先．．
回覆刪除用硬豆腐定軟豆腐整?
回覆刪除硬豆腐, 因為軟豆腐太多水份.
回覆刪除咦?豆渣餅就試得多, 豆腐芝士餅就未試過播!留番d比我試下好喎!
回覆刪除芝士 + 豆腐好似好得喎, 但d餅硬唔硬呢..因為我 no 爺 d 牙已經...
回覆刪除AUNTIE JO，第一天返工辛苦嗎???小心身體呀!
回覆刪除Bobo & 狗男女: 得呀, 估唔到咁得呀, 老兵近年都唔係次次肯幫襯我d餅, 但唔知點解呢次居然好心面呢, 我都成日焗芝士, 佢都無咩感覺. 所以我覺得可能係豆腐+芝士起的化學作用 (又可能係掃咗蛋晌面), 你都咪話豆腐無味! 不過我一向都鍾意焗到好厚同好硬, 如果比No爺可能要就一就整薄d唔好焗咁耐. CaMa: 我d風癩己經去去百熱化階段, 宜家吸啖新鮮空氣都一身紅腫! 總之晚上就黎! 薯家: 有心, ok啦, 宜家好似個失憶病人咁咩都重頭學囉. 呢個星期仲要自己搭車返工, 不過好好彩兩日都有位坐, 出門口又無大雨.
回覆刪除spicy 媽, 加油呀, 你好快就會識應番嫁啦~~spicy同bingo習慣嗎~~
回覆刪除文妮, 多謝你. 與其問Bingo Spicy習慣與否, 不如問我吧. 現在早上要努力調教他倆恢服正常一早一晚的大小便時鐘....剛巧碰著星期日是牧牧生日會, 他倆晚上狂喜一番後, 今回我真是老猫燒鬚, 只顧控制一向腸胃不好的Bingo食量, 忽略了Spicy, 星期一放工回來時一家都在"便海"浮沈, 非常痛苦呀! 幸好今天一切已大致回復正常! 希望明天亦如是.
回覆刪除冇事丫嘛...係咪食得多得滯呀...
回覆刪除牧媽: 真情係啦, 個衰女整晚都四處化緣! 等我仲成日聲大大話自己個女食咩都痾石仔屎! 今日已經一切如常啦. Spicy媽
回覆刪除咁都好d...正常返就好啦... 我都係咁架...食得多就會... 不過今次冇噃...唔通我食得唔夠多...
回覆刪除