不要誤會, 我是不搓麻將的. 我指的是食甜品的糊.
這是一家我至愛的糖水舖 - "圓"記, 在西營盤正街. 
我很小很小的時候爸媽常常都帶我到這裡吃糖水消夜. 以前媽媽常跟我說: 你看這裡的伙計, 全都是老人家, 當這班人老去之後, 這間店的甜品便會失傳了. 所以去趁它還在要多一點來呢. 不過到了今天, 它還健在, 而伙計們已經由一班"亞伯"變為年輕一點的"亞叔".
小時候常見店門外有很多名車泊在門外, 現在已經很少了. 其實說真的, 這裡的甜品沒有什麼特別, 可能大家就是愛它沒有花巧, 只賣熱的傳統中式糖水.
我最愛它的蓮子合桃露, 蓮子杏仁露及桑寄生蓮子蛋茶.
令我奇怪的是它們的蓮子永遠都是那樣鬆化, 其他地方真是吃不到.
通常我每次都會吃一碗蓮子合桃或杏仁露, 然後外賣一碗桑寄生蓮子蛋茶, 晚一點或第二天早上吃. 桑寄生茶裡的蛋像茶葉蛋, 很入味. 我問過伙計們是怎樣弄的, 他們只說是桑寄生蛋, 不肯說. 如果很肚餓呢, 就會加多件清蒸蛋糕.
很多年前搬往沙田後, 試過有一次晚上開車過來吃宵夜, 原來它們11時便關門, 枉我吃了那麼多年都不知道!
我地之前都成日去食嫁~~~好好味呢, 好過我地附近個間好多呀~~
回覆刪除我媽媽久唔久都會去下, 飛佛係杏仁同合桃. 仲會食下個清蛋糕, 同現代各式各類的蛋糕比, 清蛋糕個味道就... 但勝在夠似而前細個食嗰d味.
回覆刪除真係多同道中人嘞. Brownie, 係啦, 我都覺得個蛋糕嗎嗎地, 不過唔知點解細個呀媽成日都叫比我吃, 食食下可能係慣咗, 有時耐唔耐都會叫. 文妮, 所以話呢, 食野真係間間都要揀招牌菜, 一間最好吃的舖頭都有最唔好吃的食物, 我地附近果間甘露同飄香就舉世馳名, 但中式糖水就....相反"圓"記可能知道自己會做得唔好, 所以就唔賣其他花神野.
回覆刪除咦....返到香港我又要去試試
回覆刪除CaMa, 包你唔會失望!
回覆刪除你碗野好正喎．．唔ｌｉｋｅ杏仁都流左ｄ口水．． 我以前中學係那附近番學都唔見既，正街由高街打落皇后大道我都食均哂，最深刻係以前那些綠色鐵皮的牛腩麵檔和茶水檔，還有附近的森美餐廳，那糖水店係咪近電車路多ｄ架（因為那兒我好少去）．． 等我下次探開朋友試番下都好．．
回覆刪除大雄: 係呀, 高街晌上面, 呢間舖頭晌下面, 即大道西夾德輔道西段, 所大道西果邊多小小. 森美餐廳最令人記得就係門口好大隻牛的招牌, 連搭小巴d呀婆乘客都叫 "唔該前面隻牛果度有落", 成架車d人都笑.
回覆刪除我以為係打麻雀食糊......
回覆刪除