2007年8月18日 - 家訪Bobo, 清水灣郊野公園, 再家訪Joel&Friends

今天過得真充實, 因為媽媽因為要去Bobo家看錄影帶, 又不想放下我倆, 唯有一家四口一起去, 中午先放下我和老兵陪Bobo, 不過老兵似乎很不滿這個安排, 所以今次爸媽臨走時不斷吠叫, 累得我和Bobo都差點聽覺受損!

然後爸媽們就去飲茶, 中午就回來看錄影帶, 黃昏無無聊聊, 就去清水灣走一趟吧.

到達時已經差不多五點半, 嚇然發現整個公園仍像火爐般, 令人都透不過氣! 媽媽坐了十多分鐘, 已經覺得頭暈暈和胸口翳悶, 連相機都不想拿起!

媽, 你咁渣架, 睇下我! 

老兵, 追我啦, 你副老骨頭唔郁會散架!

Bingo:

咦, 做咩我咁傻陪呀妹癲?  Tanbie你地係咪笑我!

Tanbie:

唔係呀, 你睇住路跑啦, 唔好仆親呀伯!

老兵:

咁熱都係飲多d水穏陣d!
Bobo: 我想跑喎, 點解你地個個停晒架....

老兵:

姨媽, 你真好.

Gigi:

喂, 你霸住我媽做咩呀!

過不久, 媽媽發覺六時多還過麼熱, 正想至電Auntie Micky叫媽不如不要來了, 誰料他們都到了公園門口, 那就一起來焗焗桑拿吧! 

不過我已經無氣喇, 要抖下先!

Jose 你哄住晒做咩唧, 你扮獅子王保謢獅子仔咩! 你自己去玩啦!

Jose:

我唔係想扮獅子王同獅子仔, 我想扮獅子公同獅子乸姐....車! 講下咋, 個草你地架咩, 唔比人訓!

Bobo:

連我都唔跑, 你地話有幾熱? 臭妹咁惡, 趴地好過.

老兵:

我都係咁話, 趴下地係無草地咁涼, 不過好過無啦.

Bu-B公主:

我最叻, 坐父皇大脾, 扮大爺!

今日難得我和公主心情都好, 可以一起笑笑口影相張! 


合照時間到!

Joel:

我愛獨照多d喎!

晚上, 大家都想找個有冷氣的地方吃飯, 結果Bu-B母后致電我們西貢常去海鮮酒家, 對方應承可以安排以住的冷氣坐位.  誰料去到對方居然反口, 要我們坐門口.  算!  於是Vera姨姨立刻通知Auntie Micky, 晚飯地點即改為Joel&Friends安樂窩! 

我們和姨丈兩家先出發, Bu-B公主便留下等白頭uncle放工.  不過突然下起連場暴雨, 我們到了Jose家門外都要等雨停才可下車, 結果都差不多和Bu-B們一起到達.

其實媽媽覺得Pepperoni's比西貢海鮮更美味, 又經濟實惠.

飯後姨丈抱著我們三雲石, 像大咕臣.  不過我們實在太累了, 個個都面無表情, 只嘆一句:冷氣冷氣我愛你!

大家都中了冷氣睡魔. 
先看Bobo的睡相!

Bobo: 

可唔可以唔好影?

Tanbie:

我都無氣啋你地.

Gigi睡眼惺忪:

你影夠咩呀.....

Bingo:

磚地好涼, 真好瞓...

原來Jose都被睡麽纏擾, 不過媽媽居然利用Bu-B公主氣弄他, 梗要公主搶他的至愛的鴨寶寶, 大家不可少看"摟眼瞓"的Jose, 發惡時與我差不多燥呢!

轉眼又快到午夜, 我們都要早點回家睡覺喇.  多謝Joel & Friends的熱情款待! 白頭Uncle還請我吃狗糧, I love you!