今天是No爺與Gi妹的生辰
No爺雖已仙遊
但這天陽光普照, 他想必是與我們同行
一起慶祝
是日目的地是浪茄
數數手指, 原來上次來已時08年頭
那次是No家第一次踏足這裡
之後因為老兵腳不好, 我們也沒來過了
剛起步
走了半小時, 望見沙灘了
誰輕輕叫喚我.....
快到了
我趕時間, 辣媽可否叫YM別再拍?
後面便是今天的目的地
難得今天可以趁與No家賀壽
獲「御准」親吻我的愛海!
下水前先來個簡單而隆重的切餅儀式
Gigi姐, 祝你青春常駐, 身體健康
No爺, 祝你在彩虹橋同樣生活得逍遙自在
又要鳴謝Lolo及狗餅店的
精美壽餅, 還要登山涉水, 帶到這麼遠來
今次大合照要反傳統
在到步便要拍, 因為一轉頭, 大家都變濕水雞了
以前辣媽常說老兵總是滿懷心事
而我相反, 是隻天生性格開朗的狗兒
沒想過老兵走後, 我會因此變得孤癖
幸好出外見到朋友又是另一個樣
嘩嘩嘩, 大海呀, 來深深抱緊我....
記得上次No爺上時也有下水
08年 - 一晃眼, 原來三年前的事了
沙灘上遍佈我的小足印
與Gigi的大掌印
不愛海的老兵, 以前都在這裡留下腳印
還記得07年初, 當時10歲的老兵
可以自己走足全程不用抱呢
今在這裡認識了一位新朋友
不見牠家人, 可能是戒毒所養的狗兒
看似很寂寞, 整個下午都跟著我們
可惜我們黃昏要起程回去了
下次再來探你吧!
呢隻金毛我未見過呀, 會唔會走失架 ? 好驚見到呢d 情況呀. 自從上年馬莎唔抗拒游水, 今個夏季應該會多d 去浪茄和大浪西啦. 不過大浪西沖身方便d ^^
回覆刪除[版主回覆04/10/2011 21:15:00]嗄, 係喎, 當時完全無想過走失呢個問題. 不過隻金毛仔好淡定, 一D都唔慌, 似係在沙灘住咗好耐, 我地一直估佢係戒毒所養咋.
Spicy大鄉里, 好似都未去過大浪西添. 好好笑, 我同你附近都有沙灘, 但都不惜攀山涉水去搵過個好地方比狗狗游水...
我想講, 辣妹未必轉性變孤癖, 馬莎一隻狗仔喺屋企都係唔郁唔玩的, 成日瞓, 我用眼仔目及佢, 佢99.9 %時間都喺梳化瞓, 但出街見到其他狗都開心嘅, 出去反就更加開心, 所以多d 帶辣妹出去反啦 ^^
回覆刪除[版主回覆04/10/2011 21:30:00]馬莎在家會唔會匿埋架? 平日我地在廳點叫佢都唔會出黎的, 有時正餐都唔食,三文魚呀牛肉呀都唔啋,起初都同佢睇過醫生, 但宜家都慣咗了, 一星期總有一兩餐絕食, 就算夜D苦口苦面食晒, 轉頭又嘔番晒出黎. 幸好見到朋友, 無論出去玩同有訪客都爽晒, 完全兩個樣.
嘩...下水禮喎,陽光與海灘好正哦,各位小朋友回程時係邊到沖身呀!
回覆刪除[版主回覆04/10/2011 21:31:00]哈哈, 我地無沖架, 抹乾, 拍晒D沖梳下毛回家先沖.
回覆刪除好開心見到辣妹既燦爛笑容, 辣妹你要成日都要笑呀, 唔好要爸媽擔心呀!
[版主回覆04/10/2011 21:33:00]一有得玩就勁開心, 一日笑不停, 可能全職日日去威, 仲要搵多班唔洗做的朋友先得.
每次到Spicy玩水個開心樣, 真係懷疑她是海狗扮牧羊呢, 嘻嘻.
回覆刪除[版主回覆04/10/2011 23:04:00]明顯係兩棲動物啦!
辣妹的樣子勁enjoy!!~辛苦爸媽同佢洗白白
回覆刪除[版主回覆04/12/2011 11:16:00]辛苦爸爸啦, 今次佢洗吹一手包辦!
見到Spicy的笑容, 唔知點解我覺得很感動, 好開心, Spicy, 你要笑多d
回覆刪除[版主回覆04/12/2011 11:15:00]多d出去玩就一定開心笑. 夏天快到了, 有機會烏雲同灰塵又可以一齊衝浪!
spicy既開心樣好正, 你地影得好好呢~~~
回覆刪除[版主回覆04/12/2011 11:14:00]哈哈, 邊好, 亂咁影咋.
又係一大班狗仔，真係好開心呀 gigi唔知係咪肥夾大呢，隻腳仔印又大深呀 狗狗無憂無慮咁生活，真好．
回覆刪除[版主回覆04/12/2011 11:13:00]哈哈, 佢家人仲嫌佢細隻, 今年生日願望係要再大一個碼呀!
如果我地都可以好似佢地咁食飽無憂米就好了.
你又勾起我好多回憶啦~~~
回覆刪除當年咪有一大舊長長木頭, d 狗係上面排排坐影相既 , 好似狗狗玩獨木舟咁, 而家仲有冇係到呀 ?
[版主回覆04/12/2011 11:08:00]早幾日睇番都覺得經典! 近年牧羊大合照已經少影, 仲要唔係平排就真係無幾可.
見到Spicy 响海灘咁開心，辣媽你真係要考慮吓搬去海邊住啦！
回覆刪除[版主回覆04/12/2011 11:10:00]好不幸, 我地樓下都有沙灘, 當然比唔上呢個咁靚啦, 所以我地一搬散步都要拖都實, 一定唔可以放繩!
哇哈哈, 我到而家唯止, 都係同 chili 沖過 果唯一次涼咋....
回覆刪除係囉, 好like 果張相, 好似狗狗乘風破浪咁~~
[版主回覆04/12/2011 12:43:00]自己沖過一次咁多? 你真係一個幸福少奶奶呀!
哈哈..SPICY..好想親眼見下你同你玩丫添...
回覆刪除SPICY你玩得咁開心..之後就辛苦辣爸辣媽同你洗白白..整返D沙出來了..哈哈
[版主回覆04/17/2011 00:14:00]香港咁細, 實有機會見既.
真係益左你啦,,咁好有特准下海,,不過諗起要冲沙就唔想比豆落水,,
回覆刪除[版主回覆04/17/2011 00:12:00]其實只要D毛乾晒, D沙就自然會甩, 咁回家沖涼都易好多啦.