最愛的老兵已走了三天
今年的聖誕節
雖然每天都有一大班朋友陪著
大家都怕我們寂寞
但我們所看到的一切都是灰色的
不單止完全感受不到節日氣氛, 一家都像行屍走肉似的
沒想過連辣妹也一樣
人前的她還可以, 但當單獨面對我倆時, 頓時變成一個獨僻鬼
不玩, 不吃也不啋
可能她也在怪責我們上星期日帶了老兵出去, 自此牠沒再也沒回來...
原來我以前一直低估了兵的離去對我們做成的創傷
從前我常掛在咀邊, 狗兒一定會比我們先走
YM有時說將來老兵走了不知怎算
我總是答, 這是自然定律, 難道你望我先走不成?
從沒想過, 到當真的發生時, 原來可以這樣痛, 痛得這樣深
那種痛, 深到沒法形容
我的所有朋友都說我偏愛Spicy, 連我自己都以為是
沒想到原來在我心底最深處, 老兵才是我的要害
如果可以的話
我願意用我所有東西去交換, 換取你回來
與Bingo有著太多太多回憶
由我倆生活清貧, 背著負資產的名列
每星期帶著老兵搭公車, 火車巴士轉了又轉
為著長途拔涉帶你去淺水灣、大尾篤, 三口子過一個下午
很快車是為你買, 家是為你搬
到現在生活好過一點, 可以多點時間一起
誰知老兵突然要走了, 走前還受盡節磨, 一點都不快樂!
口裡雖說老兵年事己高, 但原來我還是一點準備都沒有
是我太貪心嗎?
可知3星期前我還帶著老兵辣妹去Dr Tint那裡做過身體檢查
驗血驗尿, 所有報告都是完全正常!
上星期日我們一家還與Tanbie Gigi及No家一起到南丫島遊玩
一家四口過了兩日一夜的快樂時光
2010年12月12日 - 那日天氣和暖, 在南丫島風車山上, 老兵笑得很燦爛
很喜歡這張合照, 回來時還想用它作2010年年曆咭的主題照
這是老兵最後一次在郊外開心地對著鏡頭微笑
自此一家四口的歡樂日子不再
老兵雖不愛海, 但在我們身邊
永遠都是那樣開朗, 笑容滿面
以後辣妹搶灘, 再不會聽到老兵在岸邊大聲吠叫
上星期高高興興與聖誕樹合照
今個假期表原本是密麻麻的
每天都給你安排了節目
結果平安夜還未等到日出, 你失約了....
如今我家已不再完整
老兵永遠都不會再回來
Bingo永遠在辣家每位成員心中
回覆刪除[版主回覆12/28/2010 23:05:00]有心.
(Empty)
回覆刪除兩星期啦 , spicy 會 ok 架 ! 你地釋放嘅負能量 , spicy 嗅到辨認到架 ! 加油 !
回覆刪除[版主回覆12/28/2010 23:08:00]希望承你貴言. Spicy近日的行徑太古怪, 從沒見過. 我已經盡量收起傷心一面, 唔希望加重佢的壞心情.
老兵有你地甘錫佢，佢此生無憾架喇，希望你地能夠收起傷痛，老兵而家喺彩虹橋好開心甘玩緊呀，如果佢見到你地三個甘唔開心，佢都會唔開心架！發放正能量俾辣妹，等佢繼續做隻開心小狗啦，活著比任何野都重要，保重身體！
回覆刪除[版主回覆12/28/2010 23:11:00]我都唔想只向壞方面想, 但正因為活著最重要, 我們生命中好像已失去方向.
唔好咁啦, 雖然我無經歷過, 但每一次聽到不幸的消息, 我都會好心痛~~雖然不是我的狗,所以我都好難想像, 當囡囡離去的那一天我會點. 但你地告訴我, 當你可以愛佢的時候, 盡量愛佢, 盡量珍惜與它相處的日子, 我相信叫你地唔好傷心係無可能, 但老兵在你地身邊, 被你地愛護, 被你地寵愛, 已經比好多狗狗幸運, 佢亦唔想你地唔開心, 唔開心~~一陣好啦, 你地仲有辣妹, 你地仲可以愛佢, 老兵在你地愛護下, 可以開心, 可愛到老年, 辣妹都要咁樣, 努力呀!
回覆刪除[版主回覆12/28/2010 23:19:00]我想信老兵得大家歡心都係因為佢生生命中充滿愛. 還記得3個月前你地帶著怕醜的囡囡來與牠慶祝生日,好開心. 我都希望帶著Spicy盡快走出陰霾.
加油
回覆刪除[版主回覆12/28/2010 23:19:00]盡力.
當我睇到你寫第一篇Bingo出事開始,我每日都追看希望bingo會出院無事,當知道bingo走到佢狗生最後一天的時候我抱住冬冬哭了,我同你一樣以為自己好堅強,以為係大自然定律但不竟我們係有感情的人類.叫你吾好傷心吾好喊都無用,但哭過後要堅強地生活起來,因為我們都知道bingo不往係人世走左一圈因為佢有最好的爸媽同spicy
回覆刪除[版主回覆12/28/2010 23:55:00]多謝你. 我都唔希望我地的負面情緒影響大家的節日氣氛, 但當聽到有人為老兵留淚總覺得有點恩惠, 有咁多人疼錫佢.
老兵雖然走了, 但我們永遠記得他燦爛的笑容和瀟灑的身影。辣媽和YM請保重 不要讓老兵在天堂擔心你們。
回覆刪除[版主回覆12/29/2010 00:07:00]多謝你, 希望大家日後記得有隻像牠那樣漂亮可愛的小牧羊曾經出現過.
我和你一樣有共同經歷, 所以好明白你一家心情, 這段時間真是好難過, 個種從深處痛出來的感覺,而又幫唔到手真是唔好受, 我都用了大半年才可以平靜下來, 時間會幫到你一家, 放心, 你們一定會再遇到牠
回覆刪除[版主回覆12/29/2010 00:10:00]大半年.....老兵走了才四天, 為咗餘下的Spicy, 我會努力希望快點走出悲痛.
辣媽, 辣爸, 你地要保重身體, 無野比生命更重要, 老兵亦都努力去支持到最後, 所以無論點樣, 你地都要支持落去,如果唔係老兵會唔開心架, 而你地仲要照顧辣妹架! 我地都會支持你地,希望你地加油!
回覆刪除[版主回覆12/29/2010 00:14:00]多謝關心. 我身體還可以, 只是三星期內不停被感冒惡搞, 以為好了又回來, 今日第3次又再重頭黎過,由零開次,偷偷想到落淚....
如果, 上一次驗身, 已發現問題, 你們去不成南丫島...
回覆刪除如果, 不是聖誕前, 你仍會問, 點解過不了, 1/1, cny, 情人節, 復活節.. 等等
如果, .....不要再如果!
因為愛, 你才這麼痛, 但"愛"最大的成份是"快樂", 老兵想你開心, 想你快樂, 你不能為他辦到嗎 ?
相信我地既小天使一定希望我地可以明白 "活著多好"... 送你以下這首歌:
http://www.youtube.com/watch?v=UIXrofw9-js&feature=related
當我還在花園散步 當我還在浴室洗澡 十步以內 可擁抱 遇著什麼煩～惱 想跟我說都可聽到 翻到有趣圖～畫 何妨大笑 讓妙事亦被我看～到 遊玩時開心一點不必掛念我 來好好給我活著就似最初 仍然在呼吸都應該要慶賀 如果想哭可 試試對嘉賓滿座 說個笑話 紀念我 到處還是香水氣味 到處還是塗鴉筆記 就像我未 拋低你 遇著什麼煩～惱 想跟我說都可聽到 翻到有趣圖～畫 何妨大笑 讓妙事亦被我看～到 遊玩時開心一點不必掛念我 來好好給我活著就似最初 仍然在呼吸都應該要慶賀 如果想哭可 試試對嘉賓滿座 說個笑話 紀念我 遊玩時開心一點不必掛念我 來好好給我活著就似最初 仍然在呼吸都應該要慶賀 如果想哭可 試試對嘉賓滿座 說個笑話 紀念我
[版主回覆12/29/2010 00:20:00]如你之前所言, 你講的道理我是明的...再次回味呢首歌的歌詞一遍.
問題在於能否做到又是另一回事. 某程道上你好有道理, 如果, 如果, 我知點做我都會怪責自己, 我都話我係輸打嬴要, 但老兵才走了四天, 比我發下爛渣, 希望我地一家可以盡快走出陰霾.
辣媽，明白你們一家有多痛，眾多貓貓我只會抱住妹妹話佢係我十月懷胎親生嘅，妹妹走後我都時常記掛住佢，到依家睇返佢啲相我都會忍唔住流淚，但我會提醒自己只可以傷心一陣，要感激有妹妹陪伴我地嘅歲月，因為有AC講過如果我地唔放開，妹妹就會唔放心去唔到彩橋架喇......希望你地振作，仲有辣妹要照顧呢....同埋我相信老兵轉頭就會以另一形式返嚟你地身邊呢，加油！
回覆刪除[版主回覆12/29/2010 01:08:00]我都在努力說服自己有彩虹穚, 努力說服自己佢仲在付近, 同埋將來有機會再見.希望我成功. 仲未有時間恭喜你, 你好快生活有個好改變, 變得好充實.
兵兵，we will miss you forever
回覆刪除Spicy 媽，依一關真係好難過，但係你地以前既所有野都係最美好，仔仔離開我個陣我崩潰，係人面前還可以，得番自己個陣係咁喊，妹妹由細痴住阿仔大，晚晚都要一齊訓，仔仔離開後，妹妹好失落，成日周圍搵仔仔，衝入床仔之後出黎係咁望住我，個一刻真係好難受，給大家時間，加油
[版主回覆12/29/2010 01:11:00]充心多謝你. 講件事你知, 我地雖不常見, 但次次都好鍾意見到你見到老兵時好親切咁佢做兵兵, 我唔多朋友咁叫佢架, 好親切.
明白你係過來人, 都好想知你地果時點走出陰霾, 我地會努力的.
樓下係我嚟，用錯咗a/c登入。。。
回覆刪除[版主回覆12/29/2010 01:12:00]放心, 我知係你呀!
bingo ma, 不要太傷心啦, spicy需要您地既正能量架. bingo可能喺屋企既一角靜靜睇住您地, 唔可以俾佢見到您地唔開心架...add oil!!
回覆刪除[版主回覆12/29/2010 01:12:00]多謝, 努力中.
《陪牠到最後》裏頭這樣寫道: "身體的運作, 三分之一靠主人的照料與醫療保健. 三分之一是牠們的生命力, 剩下三分之一是未知, 掌握在老天爺手中....... 然而再怎麼努力, 就只能做好三分之二. 所以, 當牠們要走了, 我們心存感恩的祝福牠, 謝謝牠給了我們一段彌足珍貴的美好時光. ...... 能夠把狗養得那麼老...... 這樣的主人絕對是獨一無二的, 我非常替他感到驕傲. 所有的狗都是上天派來的天使, 時間到了, 終究要回到上帝或佛菩薩的身邊. 牠們匆匆來去, 就是要來教導我們以感恩與祝福來消除傷悲, 這個艱難的功課."
回覆刪除[版主回覆12/29/2010 01:13:00]多謝你. 好有意思的文章節錄.我睇咗兩遍, 我志地會努力面對.
只要你掛住, 想起佢, 佢永遠在你們身邊...
回覆刪除[版主回覆12/29/2010 01:15:00]永遠都掛住, 希望可以做到覺得佢無走過.
其實你已經做了很多事. 令bingo 好開心. 每個月都一定和他出外幾次. 已經比很多狗狗幸福得多了. 不要忘了還活的spicy . 向前看. bingo 只是沒了軀殼. 精神還在... 努力 愛好每一個你身邊重要的事和物.
回覆刪除[版主回覆12/29/2010 01:17:00]每一隻狗兒都是父母心中的瑰寶, 無話邊隻幸福過邊隻既. 我都希望可以快D企番起身, 唔想同spicy鬥慘, 累鬥累咁.
完全明白, 真係好痛... ... 但總會過去的.
回覆刪除朋友說 : Bingo選擇在那天走也許是要寄語家人平安; 明知各人會為他忙不過來, 數天假期, 正好叫大家有時間安頓下來, 預備重新得力. 唏! 要領受老兵的心思, 別枉費他的一番心意啊. 正面d, 會舒服d, 日子會易過d. 加油.
[版主回覆12/29/2010 01:19:00]多謝你. 知道你地原來24號再黎過, 老兵失咗你地約, 好心痛. 你地好有心. 我都希望可以好快出黎比你家的sunny照下.
老兵永遠都在你身旁
回覆刪除[版主回覆12/29/2010 01:25:00]有心. 努力相信中.
he is not gone , trust me, he is still with you .
回覆刪除[版主回覆12/29/2010 01:27:00]thx, am convincing myself too.
大家都同樣有共同經歷, 好明白此刻心情, 好難過, Bingo老兵, 永存心深處,
回覆刪除I Miss YOU Forever!!!
[版主回覆12/29/2010 01:30:00]真的有點唔好意老兵的事破壞咗大家的節日氣氛. 但好多謝你地佢的厚愛.
人生有太多如果，往往都是後悔後所說的，但你們不用如果，因你們一直珍惜著對方，愛著對方，幸福一直在你們身邊了，今天之後，只是暫時看不到BINGO，應到它的溫暖，但當合上相眼你也會應到它的氣味，夢中也會見到它，只是現在不習慣，但你們之間的愛沒有消失，相反昇華到另一階段，路要走下去，但我知道快樂的走下去和照顧好妹妹是BINGO最想最想看到的，今天只是它累了，尋睡了，他日BINGO一定會用另一種方法回到你身邊，我相信彩色的BINGO是最漂亮的，所以每張相它也笑得很 ，請你請你一定要再展示那些美麗的照片，每一個人都愛BINGO，幸褔常在，你們一定要堅強走下去。
回覆刪除[版主回覆12/29/2010 15:42:00]多謝你, 多謝大家愛Bingo, 人總是貪心的, 以前成日以為佢都年紀咁大, 但原來要到呢一日永遠都無心理準備.
我都覺得南丫島的相佢好開心, 我正努力從佢離開前幾日的傷痛走出, 希望到時有機會找回彩色的Bingo.
好多事情係自己差不到的,今天開開心心明天又可能變成悲傷,安慰說話我不會說,只希望你們一家能快點從傷痛中站起來........
回覆刪除[版主回覆12/30/2010 18:17:00]有心. 我地會努力的.
唔洗唔好意思, 有緣在此刻相遇, 可以比此關愛分享係件好事, 我也曾在普天同慶日子年30晚失去我摰愛大兒子, 離開心痛感覺致今仍相當清楚, 大家要加油, 把愛好好珍惜!!
回覆刪除[版主回覆12/30/2010 18:18:00]原來你都有同樣經歷, 我都唔想令大家失望, 大家一齊努力.
保重吧!
回覆刪除留意吓spicy, 牠會見到bingo回家,但牠知道只有靈魂而沒有了軀體, 相信spciy現在唔會咁辣了, 就好像kiss咁, 頭一星期,我簡直將牠日托了給朋友照顧, 晚上我接了牠都是去亞媽家坐到好夜才回家訓,連我自己都唔想回家,因為感覺凄涼,難捱了一段日子才好點, 所以你一家都要慢慢黎恢復原氣,不用急!
回覆刪除[版主回覆12/30/2010 18:21:00]可以想像你當時的日子幾難過, 唔係過來人唔會明. 無想過老兵咁快又去埋見foxi了, 緣起緣滅.....
保重!
回覆刪除(Empty)
回覆刪除看完令我再哭...
回覆刪除[版主回覆01/01/2011 03:14:00]我都唔想為老兵的事破壞大家的節日氣氛. 但除咗掛念,唔習慣,老兵走咗的感覺好唔實在,我相信過來人的感受更深.
其實好巧合,fox出事前2星期,我都帶左牠們去南丫島一遊, 料不到2星期後就走左,仲要捱左2星期咁痛日子, 我真是一想起就好內疚! 因為係我唔好先
回覆刪除[版主回覆01/01/2011 03:22:00]好多事我地控制唔倒, 唯有努力做好避免. 咁邪, 你咁講無人敢去南丫囉....
(Empty)
回覆刪除[版主回覆01/01/2011 03:26:00]Happy New Year to You too!
幸褔可愛的老兵在聖誕節搬家了, 搬進了你溫暖的心, 你的心就是老兵的新家, 若想念老兵, 就往自己的內心搞門吧
回覆刪除搞搞門, 跟老兵和自己說聲Happy New Year, 讓老兵安心, 媽咪會一切安好的
在新的一年, 為至愛的家人, 包括Spicy和我的一屋貓貓狗狗, 大家一起加油吧
[版主回覆01/01/2011 14:17:00]多謝關心, 之前朋友介紹我去看你blog, 老兵走了你留言我才知原來你之前和在都是blog友.
老兵是一隻超親人的狗兒. 若他知道原來有這麼多朋友一定很恩惠.
放心, 我們會努力從悲傷走出. 一同加油.
勇敢去愛, 努力活着. 加油呀朋友.
回覆刪除道理淺白, 做到很難. 但我相信你會做得到.
[版主回覆01/03/2011 23:20:00]努力中. 可以想像當時你們面對同樣處境時傷痛有多深. 但我覺得你們一家的性格都比較樂天, 較我們做得好得多.
所以我冇講出黎! 只得幾個朋友知咋!
回覆刪除老兵永遠都不會再回來, 但永遠在你們三口子心內啊~
回覆刪除[版主回覆02/12/2011 16:30:00]我都要好好整理心房一下, 比佢搬進呢個新居.