老兵三月時覆診過
轉眼打週年針的日子又到了
早兩個星期前已預約
才可約週末見千醫生
簡單檢查過後, 醫生發現老兵的牙石問題十分嚴重
並催促我們要替老兵洗牙了
但老兵在舊年七月才洗過牙, 並且把牙床內的一個腫瘤切除
才10個月的事.....
快要14歲了.....
醫生說除了洗牙, 現時最好隔天就讓老兵吃生牛骨
雖然我們說吃骨對牠的作用不大
另老兵的聽力好像又差了很多, 兩三年前來問過千醫生
當時測試結果是牠多多少少還聽倒的
不過今天的牠對聲音好像一點反應都沒有了
醫生說, 即使有都是聽力很低很低
即使聽不到, 老兵依然是個開心的小老頭!
今天在診所巧遇梳乎
梳乎妹腳不好, 膝蓋要做手術了, 是貴婦狗患的通病
雖然是早期, 但醫生說趁年輕做, 較快復元
坐在乎妹旁的老兵都變成大兵呢!
老乒有辣爸、辣媽同辣妹陪住，一定係幸福開心的小老頭啦！
回覆刪除[版主回覆05/26/2010 09:56:00]老兵話聽唔倒仲樂得清靜呀! 難怪佢近年越吠越大聲, 皆因自己都以為自己無聲!
咁結果有冇再洗牙 ? 唔洗係咪好快會甩 ??
回覆刪除[版主回覆05/26/2010 10:00:00]應該都會洗, 不過想等多三四個月先, 一來老兵到時夠期驗血, 洗牙都要驗, 一齊做埋, 二來我想等佢過咗14歲生日先做.
只要有你地陪住老兵,佢時時刻刻都係一個開心既小朋友!
回覆刪除[版主回覆05/26/2010 14:53:00]哈哈, 是老朋友了.
bingo's ma可以慳番啖氣, 喉痛都冇得賴bingo, 而bingo就越吠越大聲即係代表佢[中氣十足], 咁都唔一定壞事啫...祝年年檢查都順順利利, 身體健康!!
回覆刪除[版主回覆05/26/2010 23:09:00]老兵真係好中氣, YM以前成日估佢老咗會吠少D, 結果係相反的!
最初醫生話吳小菇 (poodle)膝蓋要做手術都唔信, 見佢行得又好跳得,原來真係貴婦狗的通病. 醫生話佢一隻腳有事, 但做完手術後重要做物理醫治療. : (
回覆刪除[版主回覆05/26/2010 23:08:00]如果選擇唔做的話就要限制佢的活動喇, 唔好比佢雙腳企, 同埋唔好跳咁多.
洗牙要全身麻醉, 聽說對"老友"的肝腎功能可能有影響. 可否有其他方法?
回覆刪除老兵開心每一天, 聽到幾多就幾多.
[版主回覆05/26/2010 23:07:00]麻醉應該對肝同腎都無影響, 而且醫生都知老兵係長期腎病患者, 只係好多狗狗對麻醉藥都敏感, 有機會會醒唔番. 而且老兵年機咁大, 我地先有點擔心. 其實佢自少都麻過好多次, 絕育, 跌親照x-ray, 洗過兩次牙, 肚又割過cancer...
我估現階段都無得比我地揀了, 佢兩隻大牙可能已經好痛, 我最近開始比番骨佢, 佢都無興趣, 只係用門牙, 同lam倒就lam, lam唔倒就走開. 食餅都一樣, 一係照吞, 你迫佢咬佢就唔食. 相反, spicy食骨可以一個鐘都唔停口.
小狗狗最緊要生活開心, 一睇Bingo個樣就知道佢生活幾咁快活呀, 成日都笑笑口, 好靚仔呀, 我以後每見一次Bingo, 我都要話佢知我好鍾意佢先得, 佢聽唔到都會feel到啦
回覆刪除[版主回覆05/26/2010 23:00:00]乎媽, 你咁講我地唔回應一句 I love you! 都唔得啦!