一連五天假期, 還有兩天便完結
今天YM去拜祖先, 我則跟隨檬家去東涌探探這班朋友仔
計起原來都很久沒來過了
上次替檬媽送狗糧過來時
因為趕時間都沒入去和牠們打招呼
沒想過差不多一年沒見
各位依然照樣熱情, 崩崩跳地歡迎我們
以往只曾試過替牠們洗澡
今天第一次帶牠們出去散步
第一回只陪著檬媽一起帶朗朗出去
還記得上次來我都曾經嘗試過拖牠出去
不過還未踏出屋外, 牠一發力
我整個人都差點被拖跌
於是那次大家叫我還是回去看看有沒其他事情雖要幫忙吧!
今天我再捲土重來!
這是毛毛, 我的第一次給了牠
五、六十磅的狗兒, 對九十多磅的我來說, 可算是一個重大挑戰
幸好乖巧的毛毛只是在初出去時狂扯, 回程牠已開始習慣我的步伐, 沒再拉扯
很喜歡這張照片, 雖然只是用手機拍的
這是鳳寶, 是眾多狗兒最文靜的一個, 不過今天我沒有機會帶你呀
稍作休息後, 我們繼續出去逛逛
長尾, 短尾, 毛毛和朗朗在等出發, 很心急呢
拖過長, 短尾後, 發覺原來朗朗都不算大扯繩
在路上又見到另一張尋狗啟示
原來一隻狗兒在被主人運返英國途中
在貨運站不見了
東涌山多人少, 可尋獲的機會實在有點渺茫
只能慨嘆牠無緣到英國享福吧!
一星期後在報章見到外藉主人沒有放棄牠獨自返英
並懸紅兩萬元尋狗
真的很感動, 希望牠真的可以早日跟主人團聚!
不能想像如果我家的老兵辣妹走失了, 我的日子怎麼過....
回家徹底大清洗後, 再帶著兩小狗出去與朋友吃飯, 珍惜每天一起的日子
又會在貨運站唔知狗狗o既? 點會咁o架? 希望佢早日同主人團聚呀!
回覆刪除[版主回覆04/16/2010 14:55:00]其實都唔係第一次聽, 之前我地一家去旅行時都聽在貨運站做野的朋友講, 有狗試過衝破個籠走甩喎架, 不過果隻就捉得番.
我都試過有一次返工時响屋企附近見到一隻好生面口的狗狗周圍逛, 有頸圈的, 我估應該走失了. 我在想如果有一日囡囡走失了, 我都唔知點算好, 想吓都想喊, 所以一定會愛佢一生一世.
回覆刪除[版主回覆04/16/2010 14:57:00]希望你見倒果隻唔係走失架啦.
其實唐狗都好乖架, 我細個時屋企都有養幾隻, 自從佢地死左之後既十幾年都無養過,直至十幾年前既阿懵同而家既蕃茄, 如果唔係居住環境問題, 我地都想養唐狗架!
回覆刪除[版主回覆04/21/2010 14:15:00]可能香港人地方又少, 加上d人又崇洋, 先令佢地唔受一般狗主歡迎.