今天是虎年大年初一, 我Spicy代表我們一家恭喜大家新年快樂, 狗狗們都似我和Gigi一樣虎虎生威, 年紀大的就像老兵一樣老而彌堅, 還要像我Tanbie哥哥....似牠什麼好呢? 就虎年旺相吧!
今天早上起來, 窗外只是白濛濛一片, 好不容易等到午後才隱約見到對面Tanbie的舊居, 整個海和穚仍是看不到. 天文台說農曆年假都會有雨, 今天出去玩是沒希望了.
Tanbie哥哥怎麼了, 大年初一都一副生意失敗相? 太悶的緣故!
電視又整天重播著那些陣年舊片.
辣媽初招呼貴賓時還想著要帶大家一起去玩, 連接著春節後的假期都申請了, 唉, 我都覺得很無耐.
上街不成, 唯有自娛. 我把我最愛的輝輝拿出來. 讓大家高興一下.
哥哥立即精神起來!
我和哥哥在玩時, 老兵在做什麼呢? 休息?
當然不是啦, 他是個十分投入的球迷, 一等我們跑過, 就大叫, 又作狀要衝出來制止我們!
而Gigi, 仍是一天到晚這個招牌相. 無論我兩老給牠任何指命, 包括上廁所, 飲水, 過來, 出去.
難怪姨丈常說牠的上唇一定全已鬆馳了, 皆因一天到晚都不停做伸展運動!
但話雖如此, 大家都仍是覺得牠比Tanbie聽話, 整天都要跟著辣媽, 只要你不要大動作, 不要不小心碰到牠. 所以外出回來抺手時, 我們要先讓牠帶上口罩才可與牠清潔. 今天老爸替我們逐一梳毛, 牠都一樣露著所有犬齒婉拒了.
不給Gig任何指命時, 牠是頗正常的.
可憐的Gigi, 辣媽常說可以想像她未被姨媽家領養時在外一定有過很多恐怖的經歷.
辣媽常想讓在無人在家時讓我們一起好好相處, 不過老爸始終不放心, 堅持他們不在時, 大家還是要分開困.
人們都覺得我聊事鬧飛, 不過對於Gigi, 無論媽怎樣罰我, 我都不可屈服, 要抗戰到底!
這點辣媽可不明白了, 姨媽說我在Gigi和Tanbie家並不是這樣的. 大家都可和平相處.
我真討厭我有個蠢媽媽呀....因為我實在太討厭Gigi這副惡形惡相, 在我家, 我要努力保護我愛的辣媽, 怕Gigi會傷害兩老.
辣媽問: 那為何菠蘿來你都一樣兇呢? 噢........這遲點才答你.
為了証明我是不怕她的, 看! 我夠膽隔著柵欄與牠對峙! Gigi, 你有本事便放馬過來!
再伏前一點我都可以!
看我多勇敢! 辣媽還讚我是一隻駝鳥呢, 有誰知道是什麼意思?
新年快樂啊！祝你們身體健康，日日有街去！日日都有美食吃！
回覆刪除[版主回覆02/15/2010 14:28:00]我都祝你身體健康,學生們都聽教聽話！
回覆刪除原來辣妹你我都一樣係100%門口狗...
只會在家才欺悔家人...
一出去和面對陌生人時就非常順得狗..是嗎....
那gigi個E牙樣..錯覺以為係自己隻豆豆...
原來差不多毛色..
E起牙來都一個樣架...攪鬼...
[版主回覆02/15/2010 14:06:00]Spicy在外都一樣欺悔其他狗狗架. 我覺得係自卑怕死的關係, 成日想先發制人, 但對人就一定100%懶乖, 懶嬌嗲.
Gigi淺色好多, 不過講到E牙, 豆豆一定無佢咁在行, 佢可以一日E一千次都唔攰...
Spicy媽
祝你一家新年快樂!萬事勝意! spicy同gigi真是各有各惡, 難得相處沒問題. 原來gigi有唔好經歷, 要唔要請教行為專家,可能對牠有幫助
回覆刪除[版主回覆02/15/2010 23:12:00]多謝.
Gigi已被姨媽收養六七年, 我地當初都分別有請教過Tanbie同Spicy的trainers. 其實總括都算handle倒, 四隻狗中佢係最乖最痴人的, 只係唔鍾意人比任何命令佢.
回覆刪除好恐怖呀! 係唔係拍緊彊屍片呀!
[版主回覆02/16/2010 00:40:00]我都識架, 個樣仲猙獰呀!
咁有幾勇敢呀?!
回覆刪除[版主回覆02/17/2010 13:06:00]呀,唔係勇敢, 係勇敢加次靜先啱.
回覆刪除真係好惡噃, 你地要和睦共處呀, 唔准打交架.
[版主回覆02/17/2010 13:00:00]其實gigi對我地都算忍樣, 佢只係對人惡, 兩老就做咗為持和平部隊.
新年快樂!
回覆刪除辣妹想保衛家園, 但又要做鴕鳥, 好搞笑
[版主回覆02/17/2010 13:09:00]祝你一家虎年快樂呀.
有外敵一日, 我都會抗戰到底, 雖然世日都覺得我係以卵擊石.
嘩﹗你惡形惡相WO~~~
回覆刪除[版主回覆02/18/2010 00:44:00]同我不相百中啦.
虎年成班友仔變哂惡老虎 ? 果真虎虎生威 !
回覆刪除[版主回覆02/20/2010 00:14:00]我係卧虎藏龍, Gigi先係虎虎生威 !
Spicy 媽......., 佢 e 牙時你摸佢, 你唔驚佢會咬.?
回覆刪除[版主回覆02/20/2010 00:13:00]驚架, 所以對住佢咩都要慢慢黎.