外面氣溫高達30多度, 如無特別, 我們一家都寧願留在室內享受空調好過, 但又心思思, 想出去吃飯. 之前見到McMug在西貢一間餐廳舉行生日聚會, 其實以往駕車就常經過, 都不知道原來都歡迎狗狗, 於是就相約快生日的Bobo一家前往, 以試菜為名, 同時又想感謝Bobo家在早幾個星期前幫忙看管我們, 讓我和老兵及兩老分別都有一個偷快的假期, 今晚決定兩家人到那裡聚聚.
不知是否因為餐廳後面就是碼頭的關係, 這裡居然超大風, 甚至可達烈風程度, 辣媽坐到一半居然感到有點頭痛. 唉, 真麻煩煩, 熱又怕熱, 冷又怕冷!
西貢天氣真好, 吃飽後我們還到後面的碼頭跑又幾圈. 我家樓下也有碼頭, 但就從沒這般大風過.
6月24日
大家一定以為夏天最好的飯後菓莫過於是西瓜了. 但我可不是這樣想呢.
我最喜愛吃的水果之一其實是士多啤梨! 我知道很多狗狗都不愛, 所以每逢有生日聚會, 蛋糕上的士多啤梨我都吃不少呢.
早幾天爸爸買了來了一大盒長柄士多啤梨, 當然不及日本溫室那種香甜, 不過那些要在春天才當造, 夏天有Driscoll牌都不錯吧.
一見到我的最愛....我兩眼立即發光, 眼中只有它....眼珠子立即由藍色變紅!
小時有人說我是雪狼, 今天狗狼出現了.
我因為太興奮了, 所以辣媽叫我要先冷靜一下.
老兵對它的熱愛情度就不及我了, 如不是我大口大口的咬下去, 士多啤梨出現缺口的話, 牠只會用舌頭舔著舔著.
斯文點就有得吃嗎? 好, 讓我細細口....
敝! 老兵的食欲不知何時被我激發了, 居然食髓知味, 回來與我搶!
更不幸的是此時電視內突然又有動物出現, 令我不慎分心了....結果最後半個都落入老兵咀裡了!
下次我會學精, 一口一個, 不要讓老兵有機會乘虛而入!
我地都成日去舢舨 DINNER, 下次等我好返, 約埋一齊去... HEHE,
回覆刪除不過我地都唔知果度可以搞 PARTY, 可以包成間餐廳 ? 連室內??
[版主回覆07/03/2009 00:13:00]好呀. 我估朋友應該無包晒餐廳嘞.
我屋企買親士多啤梨,食得最多的是honey,個衰仔酸的都照食,下次約出來,等你地來個食士多啤梨鬥快比賽,睇下邊個食得快
回覆刪除[版主回覆07/03/2009 00:13:00]哈哈, 咁我spicy未必及honey, 我一般食野都唔係好心急咋. 好多時仲會含住,搵個安全地方收埋先, 慢慢吃!
西貢好多餐廳都肯給狗狗來幫襯, 咁這間的食物好味嗎? 還有是食什麼菜?
回覆刪除[版主回覆07/03/2009 00:11:00]食物質素ok, 是泰國菜.
回覆刪除排排坐食水果, 呢3個小朋友真係乖喇!
辣媽, 小狗們可以食士多啤梨嗎? 我睇狗仔書話唔可以食架!
[版主回覆07/03/2009 00:11:00]嗄, 我地又無聽過呀, 不過知道果糖其實多食無益, 所以只係淺嘗.
Spicy 你知唔知街落去有個碼頭呀 ? 不如......
回覆刪除[版主回覆07/03/2009 00:09:00]我Spicy果晚已經好幾次想衝落去碼頭邊的石級....不過又黑, 又比人喝住, 如果係日抖, 我啋你都傻!
招待Bingo & Spicy兩位貴賓係BoBo家既榮幸呀! Spicy媽真客氣呀
回覆刪除[版主回覆07/03/2009 00:08:00]嘩, 係你客氣先真呀.
Happy有東西吃時絕對不會分心的,她的一雙精靈的眼精會打從食物出現開始緊貼食物的位置. 雙眼會變成食物的GPS般運作呢!
回覆刪除[版主回覆07/03/2009 00:07:00]哈哈, Spicy其實相比好多狗狗, 實唔算大為食架. 起碼比起老兵唔係.
這家餐廳真的很不錯喎, 仲可以包場搞生日會添, 真係要去試下先得
回覆刪除[版主回覆07/03/2009 00:06:00]其實我又唔知朋友係咪包晒場喎. 不過好似都十幾廿人.
haha, spicy 同wasabi一樣, 對電視入面ge小動物都好敏感
回覆刪除[版主回覆07/03/2009 00:06:00]我地屋企賽馬日都要轉台, 連美聯隻獨角獸都唔放過....
士多啤梨cookie都好like。
回覆刪除[版主回覆07/03/2009 00:04:00]原來spicy都並不寂莫.
Driscoll 最近超市大減價, 我地都有入貨. 落完街散步番去食番個. 係狗生一大享受
回覆刪除[版主回覆07/03/2009 00:04:00]係啦, 唔知做咩咁鬼平, 今晚又去補貨了, 仲買咗Spicy愛偷吃的車厘子, 不過今次賊人無咁易會再得手!
yeah~~
回覆刪除妳哋都去試咗菜嗱!好味嗎?
三位小朋友影相影得好靚靚呀~~
6月中,我幫Charlie 囡攪生日會前,
都有預先同餐廳方面商議餐單價錢及聚會日期的,
好讓Sampan充裕時間預備食物。
Happy Sharing^.^
[版主回覆07/05/2009 00:07:00]OK呀, 不過結果Bobo自己無開到生日會.
Hi...你d狗狗好靚呀....我都係住坪洲架...你都有坪洲朋友???
回覆刪除[版主回覆07/05/2009 00:08:00]你好呀. 有個狗友都係住坪洲.
乜原來很多99都不愛士多啤梨!?我同辣妹一樣, 很愛士多啤梨... Spicy,識貨!
回覆刪除[版主回覆07/05/2009 20:28:00]yeah!
我都鐘意strawberry and cherry... 不過媽媽唔比食咁多呀...話驚肚痛...
回覆刪除[版主回覆07/08/2009 23:52:00]我每次都係同老兵一齊分晌半粒士多啤梨咋, 雖然好大粒.
我都鐘意食士多啤梨架
回覆刪除