多謝咩咩瀏覽過老Bingo在十年前照片, 並在網誌中留言, 又另我重溫了十年半前剛收養他時的模樣, 鈎起了很多回憶.
初收養Bingo時, 他已經兩歲多, 還記得是在98年的12月第一個星期天來的, 那時我家分上下兩層, 頭三天他都躲在樓上不肯下來, 並不吃不痾, Youngman說如果一星期都是這樣的話, 恐怕他捱下住, 要把它退回舊主人那裡了.
沒想過十年半後的今日, 他還健在, 也沒有想過自己會這麼有耐心, 實行照顧他一生一世的誠諾.
與他過的第一個夏天, 被寵物店騙了剷光他的披毛, 還剷到一肚子都傷痕累累, 心痛死了.
已經很多年沒有去過尖東海滨長廊.
帶他去東涌釣魚, 不知那裡來的好興緻, 又要看著他, 又要留意魚釬...
當年與老兵合照還在讀幼稚園的小妹妹, 如今已婷婷玉立, 讀中學了.
這張在山頂拍的照片, 一直都放在我家的窗台上.
回想起以前只有Bingo的日子, 他是最幸福的, 那時我們眼中只有他, 買車都是為了他, 到Bingo 6歲那年Spicy來了, 試過被Spicy刺激到絕食, 半疸, 無奈都趕不走這隻小老虎, 之後所有注意力, 愛心, 玩具, 零食也要被分一半, 不過如今年老的老兵聽力及觸覺都不好, 老來始終都是有個伴, 有支「盲公竹」, 想起Spicy對他的優點還是多過缺點吧!
回覆刪除由bingo笑容就知佢跟左你這ma ma有多幸福滿足，除了你們把他好好的養到13歲外，這年來的緣份一d都不淺呀，而且還給他添個伴(spicy)，bingo，你有這家這ma ma真是你前世修來的。
[版主回覆07/24/2009 10:51:00]其實我地作大咗少少啦, Bingo仲有個幾月先夠13歲.
你太誇張喇, 能遇到佢係命運的安排啦, 我成日諗, 無養Bingo, 就唔會養Spicy, 無養狗, 可能自己生咗幾個, 今日係一頭煙的肥師奶了, 弄兒為樂了.
原來老bingo是收養的.
回覆刪除[版主回覆07/24/2009 11:00:00]係呀, 兩歲時因為吠叫比人投訴, 舊主人被迫放棄佢.
呵... 我又知多d bingo既事啦... 一轉眼10年囉... 係咪重覺得好似無耐前呢!!
回覆刪除Bingo, 要一直開心健康呀!! 爸媽同spice都咁鍚你架!!
[版主回覆07/24/2009 11:04:00]多謝, 係啦, 原來養咗佢就黎11年了. 以前佢跑得好快, 識用後腳企, 可以跳, 宜家散步都跛跛腳. 不過個外型就無咩點變就真.
雖然養一隻可以萬千寵愛在一身, 但佢地始終會比較悶. 我們返工時間又長, 多一個陪牠點都開心些.
回覆刪除[版主回覆07/24/2009 11:18:00]我都係咁諗, 尤其是係當佢地老咗, 老兵宜家都係靠Spicy先知幾時有得食, 幾時有人返.
bingo好幸福, 有spicy一齊爭吓野係好架! 我同你一樣心情, 真是估不到可以養到牠們十幾年, 這一份感情真是好深, 好難形容, 大家都好珍惜這段緣份
回覆刪除[版主回覆07/24/2009 12:07:00]難怪你幾隻狗中最錫fox.
原來 Bingo 已經13歲, 真係睇唔出啊!
回覆刪除養狗的時間真係過得好快, 我相信辣媽覺得十年前收養 Bingo 時, 好像係不久以前的事. 真係要繼續珍惜同佢哋的每一分每一秒.
Bingo, 有爸媽咁錫你, 又有 Spicy 做伴, 你要繼續健康快樂呀!
[版主回覆07/24/2009 15:16:00]多謝. 大家都要努力養好自己的狗狗.
話咁快就十年, 只要佢地過得健健康康, 開開心心, 我地日日做奴才都情願!!!
回覆刪除[版主回覆07/24/2009 15:14:00]100%同意.
我們家的beagle--Newnew今年也要10歲了...從我剛出社會開始養他,到結婚嫁來香港轉眼10年就這麼過了...
回覆刪除對了..我一直很好奇點解你可以把他們兩個的毛養到這麼靓....我們家twinkle的毛都亂生...近排我實在頂唔順他一直甩毛...帶他去剪了個軍裝...我看又要等至少明年才生返....
[版主回覆07/24/2009 15:14:00]原來陪嫁狗Newnew都快要十歲...不要說移民, 很多人結婚都把貓狗寄在爺家娘家, 不帶他們走, 你的Newnew真的很幸福耶!
我覺得Twinkle的披毛很美呀, 尤其是他的樣子酷似Spicy的哥哥Tanbie. 剃光了實在有點可惜, 希望他可以快快長出新毛來吧.
噢,咁快Bingo又快13歲了! 希望佢身體健康和愉快地伴著您們和Spicy啦! 佢仍然好靚仔啊!
回覆刪除[版主回覆07/24/2009 15:10:00]多謝, 希望Happy都一樣健康快樂地生活呀.
以前我都有諗過養多一隻狗仔陪蕃茄架, 不過佢係一個大醋罈,我又唔想我對佢既愛分左一半(講起都有d作嘔 ),所以都係諗左一陣啫! 話咁快佢已經8歲, 真係時間過得好快!
回覆刪除老兵就快13歲喇, 外表真係唔似呀, 希望佢同Spicy同你地開開心心身體健康!
[版主回覆07/24/2009 17:50:00]哈哈多謝. 一隻有一隻好 (莫講話你的愛, 所有資源都唔洗分一半啦). 有個伴陪下佢又好. 好似老兵咁, 以前佢日日洽spicy, 宜家成日靠呢支盲公竹過活架.
我現家先知 bingo 係收養翻來.............原來佢剪過毛架, 佢現家 d 毛真係好飄逸呀, 我都想小牧豬既毛可以咁長啊.!
回覆刪除十年前既 bingo 同現家無咩點變..........唯一變就係佢既面毛白左唔少......, 其實 bingo 有你這個主人佢覺得好幸福, 起碼去日本都去過 3 次.......小牧豬好 envy 啊.!!
[版主回覆07/24/2009 18:03:00]係呀, 果時唔識, 帶去沖涼比人氹, 剷光晒, 足足兩年先長番, 個貪靚鬼DOWN咗好耐, 成日匿在房唔肯出來, 出街見倒其他狗又頭DUP DUP.
佢去過兩次日本咋. 唔係年紀大, 有機會都想帶佢去多D地方, 今朝有朋話佢在日本影的相係最開心的, 諗諗下又係喎, 佢兩次旅程中都係HIGH足咁多日, 無停過. 每日一睜大眼就又跳又叫問今日又去邊度玩!
其實講到尾, 只要一家人齊齊整整, 成邊都係咁開心既.
Bingo 好幸福, 過去十年同, 跟住將來 好多好多好多年都有愛佢 ge baba mama, 我都要 birthday 可以一樣貢幸福先得.
回覆刪除[版主回覆07/24/2009 23:52:00]哈哈, 原來你的狗狗叫Birthday, 初初睇都唔明你講咩添. 見你地張全家福就知Birthday的幸福指數一d都唔比我地少啦!
哈..哈...佢在日本最開心.......會唔會係因為日日都有你地 24 小時陪著.呢.? 而且個度既陽光空氣都好 d, 加上日日都有得去玩..........!
回覆刪除原來要 2 年 d 毛先留得翻架.? 上次同小牧豬 cut 完毛後, 以後我都無打算 cut lu..............剪到咁短唔靚仔.!
[版主回覆07/24/2009 23:50:00]24小時陪住佢一家有關係啦, 每日起身都有街街去喎! 出街又無人V哇鬼叫, 眼厲厲... 小牧真係唔好剷光, 我地寧願日日開恆冷氣比佢.
Bingo真幸福被您地收養. 成日聽人講被主人遺棄的狗脾氣會古怪, 睇嚟都吾一定, 反而可以被主人的愛心感染. 好感動呢.
回覆刪除[版主回覆07/24/2009 23:49:00]你講落又唔係, 老兵的性格永遠都唔及其他狗開心, 尤其是同老虎仔Spicy相比, 佢自少對生保人同狗都有介心, 但0手狗如Sunny同Spicy就係天生的happy dog, 我覺得同被遺棄有直接關係. 講d心酸野你知, 就算係早幾年 (即係我地都養咗佢好多年喎...), Bingo在街見倒佢的舊主人, 都要諗好耐, 我地催佢, 先會跟我地走! 所以亦手對佢的打擊都咪話唔大...
我都覺得養他們係命運安排，未養樂樂前從未諗過養狗(雖然我一直都好鍾意狗)，如果我無養他們已家唔知會忙啲咩呢
回覆刪除[版主回覆07/24/2009 23:44:00]應該同無養狗的我一樣, 變咗個肥師奶囉!
但點睇bingo都唔似咁,所以仲好耐日子陪你地的
回覆刪除[版主回覆07/25/2009 16:37:00]唔似咁老? 咁佢副披都仲見得下人架, 哈哈!
原來老兵係收養架...老兵細個 d 相好似總係唔夠開懷 , 可能係曾被亦手既原故吧 ! 但日本之旅 d 相真係笑得好開心 , 係由心而發果種 , 相信被妳收養之後既老兵 , 每天都過得很快樂 , 作為狗主既我地 , 只要見到狗狗健康快樂咁成長 , 真的很滿足了 .
回覆刪除祝妳們一家未來既日子 , 繼續健康愉快每一天 !
[版主回覆07/25/2009 16:36:00]多謝. 作為狗主既我地 , 只要見到狗狗健康快樂咁成長 , 真的很滿足了 → 絕對同意呀.
Bingo見到舊主人有捨不得的感覺也很正常,您吾洗心酸! "忠誠"正正是牠們的天性ma!
回覆刪除[版主回覆07/25/2009 16:36:00]呷醋就點都有d架喇, 個衰仔後後腳唔好, 但見倒個舊主人居然會撲佢! 其實好好笑的, 人地只係在側邊經過, 無人門口叫過Bingo,佢居然都試倒, 不過都係早幾年的事了, 宜家老到矇矇下, 唔知係咪仲咁醒呢.
Bingo見到舊主人都情有可原, 每次我們去旅行帶佢去dogotel他都第一時間衝入運動場, 連眼尾都吾望我地一眼, 到接佢走時又吾願走, 我地都無氣呷醋. 仲有係街道同D陌生人玩到反晒肚, 我地叫極佢都吾走, 何止心酸, 簡直無面, 吾知好嬲定好笑.
回覆刪除[版主回覆07/26/2009 00:01:00]嘩, 你曬命啦, 你的Sumny真是一個超級開心果, 永遠不怕陌生, 真是很多狗主夢寐以求呀! Spicy細個都一樣, 不過宜家年紀大左咗, 有時見倒生保日都有d保留. 我都不知幾想佢好似以前咁, 逄陌生人都玩得一餐!
我每次睇親呢d生活片段重溫都會有好感動, 又會諗下究竟bron同pheobe十年後會係點呢?? 希望可以好似BINGO咁, 仲係咁靚仔可愛and健康最緊要!!!
回覆刪除[版主回覆07/28/2009 00:10:00]我有信心bron仔與phoebe一定會健健康康地生活到老!