上星期日我和老兵還在彭福公園扮風火輪跑跑跑, 估不到今個星期天氣已熱了很多, 我們要轉移陣地, 進行水戰了!
由於昨晚差不多11時才接到英雄帖, 所以我們什麼準備都沒有, 以往辣媽總愛弄些醉雞亦及帶個西瓜一起去, 結果半夜辣媽決定焗個蛋糕, Bobo媽就去通宵營業的超市去買西瓜. 幸好早上我們都趕及起床, 如不就前功盡廢了.
上星期聽BBG說他們都會在這日去橋咀遊水, 不過他們是早去早回派, 不會會否碰見他們呢?
一提到海, 我便精神百倍! 大家在10時多便到達海灘, 未等大家舖好沙灘蓆及換衫, 我已獨自衝去水邊了!
今天天氣都算好, 不太曬又沒下雨, 否則太陽太猛的話對我們來說都不是好事. 我們就在海灘的入口處落腳, 遠望都看不見BBG一行人, 有些失望呢, 回來才發現原來他們在海灘的最後方.
老兵一向不愛水, 但又不甘心被兩老拋低, 所以永遠都只愛在岸邊大吵大鬧!
偶爾, 我都會過去陪他「唱雙簧」!
這天牧媽帶了很多器材來, 包括一隻大海龜, 一個大水泡, 和一架水中用的相機. 我們的相機因為不能濕水, 所以只可在淺水地方拍.
大家都努力放小狗到龜龜上.
跟雀兒拍照叫打雀, 那這張相應叫打落水狗!
不明白小白, Bobo 和牧牧三個同時間下水, 但結果是大濕, 中濕和少濕.
膽小的樂樂怕到不得了!
跟著我都像其他小狗被人放上龜龜上, 噢, 很不喜歡那感覺! 老兵你算好運, 不過之後你都走不出兩老的魔掌!
不過很快我就逃出來啦!
老兵因為怕水, 到他被人放上去時只會在龜龜上震, 一點也不敢動! 在牧媽那裡借來一張相, 難得老兵識強顏歡笑, 其實扒下不敢站起來.
Don Don 和我一樣, 其實要有玩具才肯游到深水區.
我最"慳家", 什麼玩具也不愛, 只愛樹枝!
看我的一連串拯救樹枝行動吧.
只要辣媽在水中一揮動指揮捧, 我又衝出來了!
小白今天在龜龜上跳水追波, 很英勇呢.
玩了幾個小時, 我們都累極了, 可以在表情上全看到.
加上一張大合照, 大家便回程去吃飯/洗澡了.
spicy,我cookie都好鈡意游水呀.
回覆刪除[版主回覆06/20/2009 11:50:00]其實我鍾意玩水多過游水呢.
Spicy真係好愛玩水呀! 佢個樣好開心呀!
回覆刪除[版主回覆06/20/2009 11:51:00]係呀, 我係嬉水莫嬉山.
Spicy你個假髮唔見咗嘅?
回覆刪除[版主回覆06/20/2009 11:52:00]果日呀媽都係咁問我, 因為我要保護支樹枝, 所以個下身就沈咗了.
睇見你地玩都爽呀~
回覆刪除[版主回覆06/20/2009 11:53:00]但太陽太猛時又唔可以去游水, 所以次次都要早起身, 對兩老好有難度...
spicy，睇埋你第2條跳水走路片，真係勇呀~~~~~
回覆刪除[版主回覆06/20/2009 11:54:00]算咩呀, 只係叻過老兵啫, 我見人地d狗狗在泳池會飛落去搶玩具架.
游水好好玩呀, 下次再齊齊去啦!!!
回覆刪除[版主回覆06/20/2009 11:54:00]好呀.
哈哈, 估唔到老兵咁細膽
回覆刪除係呢, 果日我地見到你地果時係o岩o岩到定準備閃喇?? 果日咁o岩有船到, 都唔可以同你傾多陣tim!
[版主回覆06/20/2009 11:55:00]係呀, 果日等埋朋友仔沖完身就可以回程了. 如果唔係你好眼, 我地都唔認得你呢.
你呢張相好正, 隻手仔好得意!
回覆刪除[版主回覆06/20/2009 11:56:00]你唔講都無留意倒原來我都有"撲"添.
水好清喎. 如果有得幫佢地沖埋涼咁就好喇.
回覆刪除[版主回覆06/20/2009 12:03:00]有得沖涼的地方就只有污濁水了 - 西貢舊海灣酒店啦.
我認得"美艷親王"spicy丫嘛
回覆刪除[版主回覆06/21/2009 01:01:00]嘩, 唔敢當, 只係癲婆巴渣妹一個咋.
點解無spicy空中游水既相既? 好搞笑架嘛~
回覆刪除[版主回覆06/21/2009 01:00:00]係喎, 原來我地無影到喎, 不過可能拍Video會搞笑d.
好好玩咁番! "橋咀"即係邊度呀? 難唔難去架? 沖身食嘢嘅地方又係點呢??
回覆刪除ee, 話過我知可唔可以呀~
[版主回覆06/21/2009 12:09:00]橋咀島在西貢碼頭坐十分鐘街渡去, 包來回$20. 80年代被發展成遊樂場, 不過宜家已經係一個荒島, 島上有兩個灘, 一個係石灘, 有更衣室,
救生員, 及沖身設備 (雖然話係井水, 其實都係咸水), 但同一般康文署管理泳灘一樣, 狗狗全部唔可以入, 格離另一邊有一個沙灘,
比石灘灘果邊大, 雖然咩設施咩都無, 但狗狗可以落水, 好過在其他沙灘狗唔比入呀.
Spicy 我肯定我地走嗰時, 你仲未到, 無可能 Bingo 係咁吠, 我地都聽唔到. 仲有你地隻海龜咁大隻, 一定吸引到我地目光.
回覆刪除下次我地帶你坐大飛, 遠征 大蛇灣 啦, 超正呀. 但係又要一早去, 嗰度好多遊艇埋架!
[版主回覆06/21/2009 12:12:00]哈哈, 我都覺得你地應該係走咗, 因為我雖然無行暈成個灘, 但對眼都不斷"屑"住, 睇下見唔見你地架. 早起.....有少少難度....我地去西貢要架45分鐘車程, 45分鐘出門口, 即係要早多個半鐘起身....
估唔到呢個非正式的灘, 竟然一早都咁多人喎, d水好似好涼快喎..
回覆刪除[版主回覆06/21/2009 12:10:00]梗係啦, 果日太陽都唔猛.
我家2個小寶都唔太鍾意游水...
回覆刪除[版主回覆06/23/2009 22:52:00]以前老兵都唔鍾意, 咁你少好多樂趣了.
無水沖身呀? 有無士多借水喉呀? 你們十點去到算好早出發啦, 畀著我地又一定只係游黃昏水
回覆刪除[版主回覆06/23/2009 22:51:00]我地無問呀, 因為次次都係咁醃住走, 我連泳衣都無隨就回程, 出去吃埋飯先同佢地回家.
BINGO都肯企係水邊吠,好過FOX好多倍, 佢只會係岸邊一路吠一路向上走.想問佢地是否要乾晒才上車回家,還是濕著回家才洗?
回覆刪除[版主回覆06/23/2009 22:49:00]bingo以前係好討厭水的, 連濕到腳仔都唔鍾意, 但自從spicy個玩水精黎咗, 佢已經開通咗好多. 我地唔洗特登等, 因為要等船, 搭船, 行去攞車, 食野, 番到屋企真係差不多乾晒了. 再開工洗. 其實都ok架, 因為乾咗d沙先會甩晒, 濕著身係沖唔走沙的.
spicy玩得好開心呀~~~我都係時候帶MTM進行下水禮
回覆刪除
回覆刪除呢張好sweet sweet