今次日本之旅, 令我對日本人的印像加深了. 以前因為言語不通的關係, 就算去過幾次, 對這個地方都沒多大的感覺, 但多年前一次去探朋友, 在街上遇到不認識的行人, 都會走來拍拍他頭頂, 並說她的狗兒可愛, 那時我心想, 如果有一天, 我的狗兒都可活在這個無歧視的國土便好了.
沒想到多年後今日, 我居然可以帶我兩隻寶貝一起到這個地方旅行. 雖然不能留在那裡生活, 不過只是短短幾天, 讓我們一家每日都「開開心心拖著狗上街去」也是人生一大快事.
很多人問我, 你的狗兒知道自己去旅行嗎? 我可以肯定的答你: 他們一定知! 在幾天的旅程當中, 我們每天醒來, 他倆都會立即又叫又跳, 催促著我們快點更衣洗臉, 像是知道行程緊迫似的.
在香港要上班的日子, 他們每天早上都沒精打采, 就算是週末, 都是要見到我們更衣才會雀躍起來. 不過很多時, 最後我們都是叫他們失望, 因為不是所有週末都能陪伴他們.
當一些朋友和同事知道我們帶狗去日本之後, 都會覺得我們太誇張, 說: 「只是一頭狗吧! 什麼做狗好過做人, 人都沒有得去, 不如帶我去啦!」 之類的諷刺說話....老實說, 其實除了我的狗兒開心, 我自己都想藉著一次旅行, 抒發一下狗主平常在香港的受的冤屈氣. 那裡沒有人再用討厭的眼神厲著你, 你也不會在老遠已經聽到迎面的父母大驚小叫, 立即拖開小孩, 教他們要怕狗, 說狗狗會吠人..... 感覺真好! 難怪毛毛媽在我的北海道之旅回來後, 第一句便問: 這次經歷開心的地步, 是用錢都買不到吧!
說起來也奇怪, 在香港, 當我的狗兒在街上見到那些「目怒兇光」的途人, 大都會以吠叫來表達他們的不滿, 但在日本, 他倆居一次都沒有對走過來摸他們的陌生人不友善, 連一向不喜愛小朋友的老兵, 都竟然可以和日本的小朋友打成一片, 這點真是令我有意外驚喜!
12年來都與小朋友為敵的老兵, 居然會在日本和小朋友打成一片!
老人家都一樣歡迎!
美女就當然不例外.
這兩位穿和服的美少女在公園內十分惹人注目, 遊人都紛紛跑和來要與她們合照, 但她們的注意力居然只集中在我的兩只寶貝上.
這個姨姨影完相, 還強吻了他們每狗的前額一下! 我都被她的熱情嚇了一跳!
他們在影什麼呢?
原來是在偷拍老兵! 老兵都知道幾天要做親善大使, 所以都額外合作!
雖然知道Bingo年事已高, 恐怕不能再負膽到另一次日本之旅了 (因為要配合狂犬症疫苗, 最快都要在3年多後才可有下一次). 不過舊年一連兩次的奇妙之旅, 都會為他平淡的生活增添一點光彩.
試過做媽媽嘅同小朋友講快啲行開呀狗會咬你，甚至縱容佢地執樹枝石頭掉牠們，激到我即時話佢無家教，搞到小朋友抗拒小動物無愛心。不過亦有做父母由手抱BB時候就帶來看狗玩狗，給小朋友正確訊息！
回覆刪除[版主回覆03/13/2009 12:26:00]你講的三種經驗相信我們每個狗主都經歷過, 但第三種都只是冰山一角.
我對你既講法絕對認同, 日本對狗隻既尊重和愛戴,
回覆刪除真係令我地這些鐘意狗既香港人深深感動呀!
我地在香港這個社會係一定唔會搵到架!
你們一家有這兩次日本之旅, 真是幸福喇!!!!!!!!!!!!!
[版主回覆03/13/2009 12:27:00]你都好快成行啦! 我期待住分享你地的經歷架.
如果香港人有佢哋一半, 都已經偷笑啦...
回覆刪除[版主回覆03/13/2009 12:29:00]唉....就算在香港帶佢地去d旅遊熱點, 見倒d國內同胞, 發現同志們都唔係好似香港人咁睇佢地, 個個都好熱情呀.
聽完你咁講, 我都一定會帶我家既狗狗來一次日本之旅......., 我諗同佢地去旅行一定會好開心, 起碼唔會好似香港既小朋友不停對狗吠和尖叫.!
回覆刪除[版主回覆03/13/2009 12:30:00]祝你地快可以成行, 小牧豬同小狐一定會好開心!
不知道是否自己是有點哈日族之故,覺得Bingo和Spicy在那兒拍的相片特別靚,像狗名星般! 另外,也覺得日本人之公民意識和對動物專重的見解都比大部分香港人較有水準呢!
回覆刪除不要說外人,我自己的哥哥連狗狗坐在stroller內去太古城商場都說不應該(因我見過雖然也知道太古城是狗狗的禁區).我自己在東京台場時都不知幾想和Happy一起去逛街. 其實不養狗的人知否有些小朋友的破壞力其實都可以好大.個地球其實不是全部屬於人類的,其他動物和生物都應有份的.只是人類似乎最霸道佔用了而已! 到現時都不明白為何香港大部分公園也是狗狗的禁區? 我估很多外國人也會感到奇怪!
Spicy媽,我訂造不到Spicy那般的日本和服給Happy,因為布沒有了.很失望呢! 祝您們有個愉快的週未!
PS - 請問您們的推車是在那兒買的?
[版主回覆03/13/2009 16:07:00]你試下去呢度搵唔搵倒你想要既野: http://hk.myblog.yahoo.com/qqteamwork
我都聽好多狗友帶友入袋車載佢地去行商場呀. 不過我個人認為, 因為我d狗係屬畜牧犬, 佢地就鍾意在郊區行山或跑草地多d. 所以在香港我都無帶過佢地去行商場.
狗車我在深水埗一間寵物店買的, 其實荃灣, 元朗一帶都有好多款 (元朗會平d, 如果近你的話), 你可以週圍睇下.
由公告天下一刻開始, 我也遇到給朋友諷刺的話, 但大多出自無養狗的朋友, 我沒有放係心上, 因為他們是不會明白我那份興奮的心情, 就算怎樣困難 & 費時, 我都覺得是開心的, 我相信我的狗狗同我的諗法都是一樣的, 我現在經常跟他們說, 我們將會有一個愉快的旅程, 可以去到另一個國家馬不停蹄地玩幾日, 好好咁享受狗狗應有的特權
回覆刪除今次要多謝你的寶貴資料
[版主回覆03/15/2009 01:08:00]唔好客氣, 我都無咩幫過你. 我估帶狗去旅行莫講話無養狗的朋友, 就連好多有養的都接受唔倒啦. 哈哈, 明日笑我太瘋癲, 我地笑他人看不穿呢, 我地自己開心就得啦!
我同你一樣，每次去完返嚟都有好大嘅感觸，點解我嘅狗狗會生活係一個咁ｋ型嘅社會度，公園有草地，佢唔可以入去跑，香港有沙灘，佢唔可以入去游，幾百萬買層樓返嚟，佢唔可以入去住...................
回覆刪除[版主回覆03/15/2009 01:11:00]唉, 我地d狗唔太大隻, 已經算好運, 我有d養大狗的朋友, 人多的地方都唔敢去, 因為歧視佢地的人實在太多.
我帶福福返舖頭..D大人經過就同D小朋友講: 你唔乖..狗狗就會咬你 ,D學生妹經過就大嗌..有D重誇張成個人彈起..但最討厭係個D企係門口係叫狗仔..狗仔..跟住又扮狗叫個D無聊人...另外我亦唔鍾意D人突然行入舖頭摸福福...好無禮貌~
回覆刪除[版主回覆03/15/2009 01:10:00]香港好多人都係咁, 我地都見怪不怪了. 入黎摸福福都好呀, 起碼証明佢地鍾意狗, 有d又要埋黎睇, 又要驚果d咪仲得人驚.
睇到老兵媽你所講既,我諗每一個狗主都會成日遇到, 真係唔知點解,帶狗出街會比人歧視, 成日都比人望住晒, 唔係見你隻狗得意就望, 而係驚d狗咬人, 一係就驚d主人唔清理d大小便, 係香港做狗主真係慘, 不過無論點都好, 只要小狗開開心心, 比人歧視下都已經無所謂喇!真係好羨慕日本的狗狗, 佢地可以係一個唔受歧視既國家生活!
回覆刪除[版主回覆03/15/2009 22:01:00]我好肯定我地d狗比人歧視時自己都知道, 佢地見到唔友善的目光都會去吠人, 但永遠都會埋去哄d笑笑口想摸佢地既人.
香港唔使完全學到日本咁文明, 有一半都偷笑.
回覆刪除樣樣都岐視, 最唔好既係做父母唔識教小朋友. 開口埋口就話: 臭, 咬人. 痴痴地. 臭得過佢把口, 我隻狗好有家教, 唔會隨便咬人.
[版主回覆03/15/2009 21:54:00]都係架, 其實講到尾, 點解香港會變成一個咁畸型的社會, 好大部份原因都係現今d父母既教導方法囉.
我真係好羨慕 Spicy&Bingo可以同Mommy Daddy一齊去旅行, 仲係一佢個對狗地好友善嘅地方-日本 . 我 Dadi Mami 都話好想同我過一個白色聖誕兼生日架!! 可能我地要一家三口一齊發夢 至去到喇~~
回覆刪除[版主回覆03/16/2009 00:29:00]jumbo仔要乖乖養好身子, 將來有一日可以環界遊世都未定呢. you never know!
絕對明白你的感受!!! 唉......帶自己寶貝一齊去旅行, 要是有能力的父母都會做罷....偏偏, 當你的寶貝是頭狗的話, 那些諷刺的說話就來了.....有時連有養狗的朋友也會來參一咀(只不過是你我的價值觀不一致而已!)....真不知可以怎樣回應....
回覆刪除[版主回覆03/16/2009 00:32:00]哈哈, 呢d說話, 我地都聽唔少啦, 不過只要一家人開開心心, 那用理外人怎說呢! 第一次去旅行時老爸都懷疑是否應樣老爸一意孤行, 但當我地抵達日本之後, 佢的睇法完全改觀了, 第二次旅行都是老爸提出的! 未帶狗一齊去旅行的狗主, 永遠都唔會感受倒我地的開心法呢.
我剛從台灣搬來香港住的時候也發現了香港社會對狗真的很歧視......這次我回台灣短短兩個星期, 又發現台灣人除了對狗比較友善(可能流浪狗多,見怪不怪)現在狗狗只要裝在狗袋或是推車, 捷運,火車都可以坐...大部分都公園也都開放讓狗主放狗....
回覆刪除在香港,你要看到可以讓狗去的地方才可以進去, 在台灣只要沒有標示不准狗進入的地方,狗都可以去....我回去跟親戚朋友講香港是個對狗多不友善的地方, 他們都覺得很驚訝!原來這就是所謂的"國際大都市"....
[版主回覆03/17/2009 17:50:00]狗狗只要裝在狗袋或是推車, 捷運,火車都可以坐...大部分都公園也都開放讓狗主放狗.... → 我想在香港在我們有生之年都恐怕見不到了.
在香港,你要看到可以讓狗去的地方才可以進去, 在台灣只要沒有標示不准狗進入的地方,狗都可以去 ....→ 基本上我在香港未見過有什麼地方是標籤著可以讓狗進入的, 除了寵物店或愛狗人士開的Dog cafe.
台灣人當然比港人愛狗得多啦, 我們去旅行時碰到台灣的旅客都熱情地拉著我們拍照. 在香港不是沒有, 但大呼小叫的就更多.
絕對是兩次奇妙之旅呀，如果香港都可以咁樣對狗就好了...
回覆刪除[版主回覆03/18/2009 17:27:00]發夢未有咁早. 可能要等多100年.
怪就怪我地個特首只喜歡養魚, 唔係養狗
回覆刪除[版主回覆03/18/2009 17:27:00]都唔關事啦, 以前的老外港督們都同樣愛狗...
如果香港都係咁就好lu ~~~~~~ ~~~~ 我都好想帶肥米同埋雪糕去日本, 但奈何我自己一個真係冇咁既能力 ~~~ 希望不久將來可以呢 ~~~ ~~~
回覆刪除[版主回覆03/30/2009 16:26:00]只要有夢想, 凡事可成真.
我都好支持帶自己嘅寶貝去旅行架, 諷刺說話我都係聽唔少呀, 佢哋完全唔會明白個中樂趣, 我都好希望能夠快d實現呢個夢想呀, 我會努力嘅~~!!
回覆刪除[版主回覆03/30/2009 16:26:00]YEAH!
SPICY和老兵咁玉樹臨風, 梗係人見人愛, 車見車載啦...
回覆刪除[版主回覆03/30/2009 16:25:00]過獎了.
3年後先可以再去?why? 唔係打左就可以隨時去 . 不用怕我狗狗9歲了仍很健康 !
回覆刪除[版主回覆03/30/2009 16:25:00]只係打咗針的第一年可以去, 下年想再去咪下年再打過瘋狗針囉.