今天是星期三, 不是公眾假期. 不過老爸下午早了下班, 並帶了我們出去. 心想, 一定又是樓下走走吧, 也好, 總好過呆坐在家.
不過愛我的老爸又怎會令我失望呢? 原來他趁老媽不在, 又悄悄地帶了我和老兵到樓下的沙灘呀!
一到步, 我便急不及待向水裡衝!
老兵不愛水, 只有傻傻的看著我.
一到海灘, 我便精神百倍.
老兵不懂享受, 唯有四處搜索有什麼好吃的吧...
這裡也可以看到青馬橋及汲水門大橋呢.
不久, 我們等媽媽下班便一起到對面的茶餐廳吃飯, 不過不知今天我是否太開心, 還是在沙灘吃了點不該吃的食物...包括海水和沙...在爸媽吃飯時, 老爸慣性地給了點白飯我吃, 但我居然反常地絕食, 說時遲那時快, 我突然嘔吐大作, 嚇得在旁的爸爸都有點不知所不措, 幸好嘔了兩三次後我又沒事了. 不過就要勞煩老爸幫我的凳子清理一下, 晞禧, 我今次真是老猫燒鬚.....
回家後, 當然要洗澡啦, 而老兵就可以消遙法外....貪玩的代價真大.
spicy, 最尾兩張相好似有d腳步浮浮咁, 你係咪玩得太開心, 衝浪衝到暈浪, 所以嘔呀! 你尿道發炎好似未好喎, 再濕海水怕唔怕架, 會唔會比細菌再感染架, 叫媽子留意下好喎..
回覆刪除[版主回覆04/19/2008 22:05:00]係啦, 佢仲食緊藥架嘛, 上星期我話幫佢沖涼, 老豆又話佢尿道炎唔好沖, 點知轉頭又帶佢去沙灘反, 咪又係要沖涼...段估沙灘d水唔會乾淨過水喉水啩....!
Spicy媽
Spicy 媽, 海水都有好處既, 聽講如身體成日出暗瘡之類, 多去游水係有幫助既, 總之都係要沖涼, 比spicy去海灘玩都好過去水塘既, 之後有沖番勁乾淨都冇壞既, 再者那幾天天氣唔錯, d水都清番好多, 冇之前咁濁, 唔游都游左啦, 算啦! check緊d咪得羅..
回覆刪除[版主回覆04/20/2008 01:32:00]其實宜家食住藥, 所以都問題不大既. 反而佢真係夠期要沖涼, 若果唔係去咗沙灘玩, 實比老豆反對.
好少可見到d狗狗咁愛水﹗小牧見到都有點怕~
回覆刪除[版主回覆04/20/2008 01:31:00]我d性格一d都唔似小牧, 你家的小牧就正常呀.
哈哈... 咁似上次小白四圍lam之後嘔嘅...
回覆刪除[版主回覆04/20/2008 01:30:00]其實會嘔番出黎反而仲好.
做咩提晞禧瘀野啫 你咁樣下次SPICY爸實唔帶你去玩沙灘玩.
回覆刪除[版主回覆04/20/2008 01:30:00]相比我果晚嘔果d, 你上次簡直係小兒科啦!
個個海灘既水質可以嗎??我成日都想俾佢地落水玩, 但又驚污穢呀~~
回覆刪除牧牧都有 beach 行, 又肯行水wor~
回覆刪除[版主回覆04/20/2008 22:49:00]我最愛水水, 小至地上的小泥氹, 大至大海, 我都愛.
嘩，你家付近有沙灘咁好，看見你們多寫意，就算唔出去遠D都有地方玩玩跑跑。
回覆刪除為何你家付近有沙灘這麼幸福呀！大把野玩啦，唔使怕悶悶，又難得你咁鍾意水水，我妒忌死了
回覆刪除[版主回覆04/20/2008 22:48:00]去一次要太多功夫清理, 所以我唔係成日有得去架!
請問呢個沙灘係邊度呀? 乾唔乾淨呀?
回覆刪除[版主回覆04/21/2008 10:58:00]晌深井, ok乾淨啦, 但仲未達到人可以游水的質素, 所以無救生員.
好ｈａｐｐｙ呀，無ｌａ ｌａ有水玩．你老爸真系２４考，抵比條魚仔讚賞ｏ下佢
回覆刪除[版主回覆04/21/2008 17:50:00]老爸今朝偷懶唔車呀媽返工, 靜靜雞帶咗我同老兵落樓下食早餐, 食完又帶我地去沙灘玩, 不過今次佢趕住走, 唔比我落水了, 但佢之後打電話同老媽讚我乖呀! 事關我落去沙灘石級幾步就望下佢, 點知佢話No, 要返屋企了, 咁我就立即回頭, 同個海吠咗幾聲拜拜就調頭跟老豆走了. 老豆話我一定係好唔捨得個海...
唉...有救生員o既地方, 又唔輪到我地(狗狗)去o架喇~~~
回覆刪除[版主回覆04/21/2008 23:00:00]就係因為唔適合人游, 咪留番比我地囉. 不過其實近年呢個灘水質都尚可, 早兩年呀媽都唔比我落水, 年年夏天都要帶我地老遠去幾次西貢, 不過今天諗住試下晌樓下游.