這真是個難忘的復活節假期, 夫婦倆都病到死去活來. 很奇怪, 這麼多年來, 每次感冒發燒, 都只是一兩天便好了, 剩餘的只會是難斷尾的傷風咳, 但今次我倆居然各自發了四天熱, 難怪有個醫生朋友說最近的流感患者都是四五天持續發燒! Youngman在上星期一病發, 差不多到星期五才退燒, 我呢, 在星期三晚開始, 最初還以為自己可以靠成藥捱過, 星期四還照樣上班, 不過到頭來還是要看兩次醫生才行, 整過假期除了第一天, 都是在病床上過.
星期五是假期的第一天, 心是想去花卉展的, 前一晚我還在盤算明天是否以應付, 所以沒打算約會任何朋友, 畢竟我倆都是高危一族的帶菌者. 結果起床時我感覺應該可以呀, 這時的Youngman應該是感冒尾聲, 他原意是想留在家休息的, 不過又看著我死心不息樣子, 結果還是執好裝備與我出發, 不過在家樓下吃過午飯時, 我發覺原來我已經101度了. 這天我是靠必理痛過活的. 幸好最後我們真的去了, 因為餘下的三天, 我都病到暗無天日!
第一次用全手動拍花, 本想帶腳架, 不過我倆都只剩下半條人命, 所以只帶了一個鏡頭便走了. 到達維園已接近四時, 沒有陽光, 所以也不知道拍了些什麼出來.
在花卉只是逗留了短短的兩個小時, 我倆已經疲乏不堪, 晚上接到No爺電話說想上來探病, 無奈我連拿著電話與他多講一句的精力都沒有了, 而且以我們情況看來, 無論No爺的抵抗力有多好, 若果上來我家的話, 感染的機會將是百份之98! 為了不要累己累人, 我還是婉拒了.
第二天到了樓下的私家醫生看病, 不過真的不知是我中的病菌太惡, 還是那個醫生夾不到我, 所吃的藥一點也沒有幫助, 結果作天Youngman還是要開車送我到私家醫院再看, 而兩隻小狗待在家中都快要悶死了, 所以他們也一起去, 我在輪候診症時, Youngman便帶他們在附近走走. 吃藥後我已輕微降溫, 於是我們便盡最後的努力, 好好利用剩餘的半天假期, 與他們遊車河去, 先去了汀九橋附近, 然後再到了大埔, 這兩處我都沒有下車, 只由Youngman拖著他們週圍逛逛, 最後到了涌尾, 我見精神好了點, 便下車"hair"了一回, 黃昏吃了點東西便回家了. 四天假期正式結束!
唔怪得知這假期不見蹤影,你們真的要多多休息!
回覆刪除花花好靚啊 ~~~~~
回覆刪除依排D菌真係好勁下, 你要小心保重身體呢~~ 希望你早日好番 ~~
[版主回覆03/25/2008 23:51:00]多謝你呀.
哎唷101度都仲去影花花, 有病呀要多休息嘛..
回覆刪除你兩公婆要保重身子呀,無咗你地, 好多野都去唔成呀, 例如唱k 咁啦......
無spicy 照住, single 星期五仲响彭福比狗咬tim 呀... 嗚嗚........(講笑..hehe!!)
[版主回覆03/26/2008 08:52:00]你講笑咩, 呢個世界邊有話邊個無咗邊個唔得架. 打牌贏錢咪仲開心. 祝Single早日康復啦.
兩個bb有無嗌落街呀? 個花展都幾大, 下次約埋去影啦...仲有馬場呀, 唔去浪費晒支小黑
回覆刪除[版主回覆03/26/2008 00:02:00]你地個個都閒日去, 我唔洗做咩. 好呀, 下次跟你去馬場學下野.
你地真係好勁, 兩個病到咁都揸車周圍去, 不過出去吸下新鮮空氣, 身體都會快d好..期待你地再出山..
回覆刪除[版主回覆03/26/2008 00:06:00]花展無渣車去呀, 受藥物影響邊敢渣車呀, 都頭暈眼花, 唔會搏. 咁又係呀, 日日局晌屋企真係人都癲, 我今日好咗好多, 可能都係因為噚日youngman開車出去等我透下氣.
病到死都仲出街, 勁呀! 幾日假期內, 我都唔敢打攪你哋...你好番晒未呀?
回覆刪除[版主回覆03/26/2008 00:07:00]你搵我都無用, 我幾日黎一係無接電話, 接咗都講不多過五句. 電腦就更加摸都無摸過. 今日除咗頭暈暈, 已經好番好多lu.
兩個病到咁重可以影到咁有水準嘅相返嚟，真係勁，D相影得好有水準，可以放到大大幅做掛畫，好靚，好掂呀。你地要好好休息夠，可以帶兩隻小牧出去影D近况返嚟比我地啲狗狗友睇下，早日康復呀。
回覆刪除[版主回覆03/26/2008 00:09:00]嘩, 你係第一個讚我咋. 其實我都知我d相嘛嘛地, 好多都over咗. 我都好期待放假再可帶佢地出去反.
<---呢張好丫~
回覆刪除你終於也去了 flower show~
始終手動機才能拍出景深~
[版主回覆03/26/2008 00:09:00]多謝你呀.
咁休息咗幾日好番d未
回覆刪除[版主回覆03/26/2008 12:34:00]我就差不多好番晒lu. 不過呀年青人就仲係咳咳咳同傷風. 唉, 佢早過我開始, 又遲過我完....
近日天氣不穩,病菌又惡,要小心身体,祝早日康福,等兩位小朋友有得去街街玩啦!
回覆刪除[版主回覆03/26/2008 12:33:00]多謝你呀.
嘩，燒到101度還去影相... 期待你哋重出江湖啊！！
回覆刪除[版主回覆03/27/2008 10:44:00]我地都好耐無見呀盾喇. 遲d約出黎反啦.
d花花影得好靚！ 對呢！近排d菌好勁，多點休息吧！
回覆刪除[版主回覆03/28/2008 00:12:00]多謝. 你地都要小心.
Spicy媽，好番d未呀？近日我有的擔心樂樂，前兩晚同佢去完街返到屋企見佢尿尿有血水滴出，已即刻約定醫生第二日睇，點知食完飯返到屋企地下有好多血水，佢仲不停滴出來，嚇死我呀，即刻call醫生上門檢查，初步係尿道炎，醫生健議檢尿睇吓有無石，好彩報告出來係無石但尿酸偏高其他正常，但佢話如果好番後短期再發就要照Ｘ光，真係好驚佢會有事呀，好似記得Bingo有過類似情況，可否告訴我應注意些什麽？
回覆刪除[版主回覆03/28/2008 00:07:00]請check 留言.
抱病都要去影花展, 真服左你呀!
回覆刪除[版主回覆03/28/2008 00:08:00]花展唔洗不停呀崩叫狗, 放且果日係第一日, 仲有力嘛.
咁你好番未呀, 小心身體呀, 我本身仲有諗過唔怕羞問你可唔可以幫我睇住菠蘿幾日嫁, 好彩無咋, 如果阻住你休息呀~~
回覆刪除[版主回覆03/28/2008 00:12:00]我差不多好番晒喇, youngman就都仲係麻麻地. 唏, 你開聲呀嘛, 講咩唔怕羞, 幫倒你我一定幫! 況且你菠蘿咁乖, 我都不知幾掛住佢.
好返晒未呀? D流感真係好劲,我都病咗成個星期先好返.
回覆刪除[版主回覆03/28/2008 13:46:00]嘩, 原來港式同加式都一張強! 好差不多好番晒喇, 多謝關心.
菠蘿都好唔乖嫁, 我屋企d牆俾佢抓花晒啦, 我地就係驚佢會抓花晒, 所以唔敢問你呀~~
回覆刪除[版主回覆03/30/2008 23:43:00]傻啦, 我唔覺得佢抓牆會叻過呀兵喎, 即管放馬過黎!
哇...快d好返呀...
回覆刪除不過媽媽都唔好得幾多...
都食咗成個星期藥...
剛好d...
今日又開始成身痛...
so beautiful ar...... anyway ... you should take more rest!
回覆刪除你都好可愛啊!Spicy姐姐你個blog都整得靚啊!
回覆刪除