老媽最近在放大假, 前兩天都約了朋友吃午飯, 然後等老爸下班吃完晚飯才回來, 一點也不顧我們感受!
不過今天終於都輪到我們了, 但老爸仍是要上班去, 於是他便留下坐駕, 自己乘公車上班.
午後, 我們一家三口便浩浩蕩蕩向彭福公園出發, 可以在平日到來還是第一次呢!
奇怪, 今天的彭福公園居然一隻小狗一個遊人也沒有, 只是近入口處遊樂場有一班小學生在學校旅行.
我倆從未試過可以獨霸整個公園!
咦...這是什麼怪獸機? 我不斷吠他也沒反應!
到達鵝湖, 我不會放過任何可以跳水的機會, 可惜媽媽一點也沒鬆懈, 我無機可乘!
還是找個地方乘涼吧!
一個人跑, 真沒趣!
不過我也不忘在我最愛的大地上吃草, 邊跑邊吃, 老媽說帶我出來玩感覺有點上放羊!
老兵不能奔跑, 今年要向高度挑戰! 先量一量, 度一下有幾高.
準備.......
一次過便跳上凳上了! 老媽現在回想起來居然有點心寒, 畢竟他在家連跳上梳化也非常吃力, 跳上床就更是幾年前的事了.
站穏腳步後, 先要向我示威.
我都非常偑服呀! 不過老兵還是要老媽抱他下來!
好了, 再跑多一會便要起程去接老爸下班了.
這是老媽最喜愛我的其中一個姿勢, 因為她說這個樣子很似書本中的小牧.
不過我一轉頭, 這個嬉皮笑臉的樣子便大打折扣!
老兵要催促我們起程了.
走到出口, 居然被一班史立莎包圍! 我們要好一會才可擺脫他們...
接著我們便開車往老爸工作的地方去, 老媽還是第一次駕車往那兒呢, 結果當然不比預期中順利, 因為走錯了幾次路, 比預定時間遲了十五分鐘才到達. 到了老爸公司樓下, 居然有種呀笨與呀占, 能夠成功完成任務的感覺, 哈哈哈!!
接了老爸, 他又不想回家吃飯, 老媽提議不如到.....
新開張的Emax逛逛, 聞說那裏開了間很大的寵物用品店....
但Petmax在四樓, 怎樣可以入商場呢? 原來只要在商場門口打電話上寵物店, 店員便會立刻推狗狗嬰兒車下來接我們.
入電梯喇, 一向神氣的我們第一次坐嬰兒車, 樣子真趣怪!
姐姐行得很快啊!
到喇!
先泊好車, 放我們下來, 老媽說這個情景有點像美國廸士尼入口的借用嬰兒車停泊處.
店內只得幾個客人
我們可以像外國的狗狗一樣與媽媽一起逛寵物用品店.
店員介紹, 出面還有一個很大很大的遊樂場. 嘩....
障礙賽, 我最愛呀!!!
有隻西摩在嘗試, 不過做不到, 哈哈, 等我表演一下啦!
不過太開心.....
老爸決定拖繩跟我走一轉. 留意最尾的那個欄, 老媽一直說太高, 我一定跳不過, 叫老爸移開, 不過....
簡直無難度啦!
這次放繩讓我自己來, 可惜西摩突然衝出來, 把我嚇個半死!
最後一次, 沒上繩也沒西摩! 一take過成功!
接著媽媽買了點東西, 我們便要離開了.
又要坐嬰兒狗推車....太難為情了!
今次推車的哥哥開得很快, 我差點想跳出來, 最後哥哥要拖著我的頸繩!
衝呀.....
老爸和老兵也追上來!
老爸還是覺得有點意猶未盡, 最後, 我們一定到家附近的餐廳吃過晚飯才回家, 不過第一次到這裏, 居然不斷有人走過讚我們乖呢!
spicy and bingo d毛毛咁長， 真的好似一隻羊仔咁 so cute~~~~ 其實又真係好乖ga 坐定定係度，又無得食， 咁慘， 但，都坐定定，仲唔乖????
回覆刪除[版主回覆12/13/2007 10:04:00]哈哈, 我地都唔係成日坐定定架, 老兵耐唔耐會企起身, 示意老媽比野佢食, 不過好多時老媽啤下佢, 或細細聲問佢做咩, 佢就會坐返低.
嘩！包起彭福...勁， Spicy 妳老媽隻腳好番未呀？
回覆刪除Petmax 我地都未去過，細狗就坐車咁大狗點上 4 樓？
Spicy 妳唔單只包咗彭褔重包埋咁大個遊樂場
[版主回覆12/13/2007 10:02:00]好返好多喇, 可能係另外仆損果隻腳仲痛, 所以分散咗拗柴果隻狗的注意力. 雖然宜家唔行得太耐, 不過起碼佢夠薑一個人帶我地去街啦.
大狗去Petmax要搭貨lift直上四樓, 唔可以晌正門出入, 好鬼分歧視. 我媽問唔坐車仔, 抱住得唔得, 佢地都話唔可以, 除非係入袋.
跳欄,表演好精彩呀 呢间PETMAX可以同狗仔一齐行,好好喎,我下次返香港一定要去探吓.
回覆刪除[版主回覆12/13/2007 11:10:00]多謝你呀.
係啦, 唉, 如果Coco可以返到黎就好喇, 正如如果老兵可以去美國探婆婆同舅父一樣, 都係天馬行空....
又好鬼奇呀呵, 點解抱住唔ok呢, 佢得果十幾架車仔, 星期日多人咪有排等, 到我媽子下星期三同我地去獨霸penfold 呀....呵呵
回覆刪除Petmax評語個個都好一般之喎...
回覆刪除你哋就好啦, 可以包起彭福!
[版主回覆12/14/2007 01:23:00]ok啦, 咁大間但d野又唔算貴.
嘩 !! 你老媽好利害, 自己帶你地去彭福 包彭福又遊 petmax 真開心
回覆刪除[版主回覆12/14/2007 01:23:00]你會讚壞佢架!
小牧好聰明！
回覆刪除[版主回覆12/14/2007 01:22:00]哈哈, 多謝你.
好勁呀,有專人推車咁勁架???只開了PETMAX??
回覆刪除[版主回覆12/14/2007 01:22:00]petmax內有一間很小的寵物店也是當天開張, 另出面有一間很小的dogonelife.
如果個專人唔推車, 容咩易d車仔比人推走埋?
嘩九龍灣樹好正咁!
回覆刪除媽媽話同我去都plan咗幾個星期都未去...
我想去坐吓車仔, 行吓mall, 咁大個仔都未試過.
Mall內可自由行嗎? 唔見你地有繩.